Yakobo 4:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Erinegena nʼamalwa omo katĩkatĩ kenyũ bĩkalũa hahi kwehĩ? Bĩkalũa oko syongumbu syenyũ esĩkalũa omo mibiri yenyũ.

Nouveau Testament et Psaumes en Ndandi Version 1962

¹ Niki kikaleta amalwa nerinegena omukati-kati kenyu kwehi? Si sye syongumbu syenyu esikalwira omo bitsuko byenyu kwehi?

Yakobo 4:1 Iomraidhean Croise

Yeremĩa 17:9

Omutima ni wʼeriteba kwilaba emyatsi yosĩ, kandi alwere nabi. Nindi wangatoka eriminyago kwehĩ?

Matayo 15:19

Kusangwa omo mutima wʼomundu mukahuluka amalengekanĩa mabi, erĩĩta, erĩsĩngĩra, amaragane, erĩĩba, eribihira bandi, nʼebĩtsũmĩ.

Yoane 8:44

Ĩnywe muli bana ba tata wenyũ Satanĩ, kandi esyongumbu sya tata wenyũ syo mwanzĩre erikola. Iye nĩ mwĩtĩ. Siali mo mwatsi wʼekwenene, kusangwa sihali mwatsi wʼekwenene omo mutima wuwe. Omugulu akabũga amabehĩ, akabũga ebiwe ĩyowene, kusangwa nĩ mũbehĩ, kandi nĩ ĩse wʼamabehĩ.

AbanyaRoma 7:23

Nĩkwa ngabana ogundi mugambo owakakola omo mubiri wage owakalwa nʼomugambo wʼobũlengekanĩa bwage, kandi ngayirawa mo mundu wʼomũlĩkĩ wʼomugambo wʼebibi ebĩkere omo bĩtsũko byage.

AbanyaRoma 7:5

Kusangwa omugulu twabya nʼamalengekanĩa wʼomubiri, esyongumbu nyibi syʼomubiri esyahuluka busana nʼEmigambo, mosyakola omo bĩtsũko byetu erituletera oluholo.

AbanyaRoma 8:7

Kusangwa omundu oyukakwama obũlangekanĩa bwʼomubiri nĩ nzĩgũ uku Nyamuhanga. Sialĩowa Emigambo ya Nyamuhanga, kandi sialitoka erĩowayo.

AbanyaGalatia 5:17

Kusangwa esyongumbu syʼomubiri sikalwa nʼOmũlĩmũ, nʼOmũlĩmũ akalwa nʼomubiri; kusangwa hali obũyĩgũ omo katĩkatĩ kabo, sulitoka erikola ebyo wanzĩre.

AbanyaKolosai 3:5

Neryo mwĩte esyongumbu syenyũ syʼekihugo, syesĩ: erĩsĩngĩra, ebĩtĩsĩrĩre, engumbu nyibi, erisonda ibi, nʼobururu bʼomũsĩndo wʼerikwama esyosanamu.

2 Timoteo 2:23

Nĩkwa Usage ebĩnywa bĩkĩrũ ebite nʼamenge, ebyʼobuhaka, kusangwa ũnasĩ kwʼebĩnywa ebĩ bikaleta erinegena.

Tito 3:3

Kusangwa netu twabya bakĩrũ erĩmbere, isitulikenga, ĩtũkatebĩbawa. Twabya bakobe bʼesyongumbu nʼebyʼerĩyĩtsemesya, ebyʼemĩsĩndo yosĩ, itukasiba omo myatsi mibi, nʼeritsura, ĩtũkakwa abandi bʼekĩnĩga, nʼerikwama obusu.

Tito 3:9

Nĩkwa Usage emyatsi mĩkĩrũ yʼobuhaka, nʼeriahula amena wʼaboso-kulu, nʼerinegena, nʼerilwa busana nʼEmigambo. Emyatsi eyĩ ni ya busa, siyiwite ndũndĩ.

Yakobo 1:14

Nĩkwa obuli mundu akalengawako omugulu akakurawa nʼerihekwa nʼesyongumbu siwe nyibi.

Yakobo 4:3

Mũkabũlaya neryo simwebanabyo, kusangwa mũkabũlaya nabi, muti mũkakolesayabyo omo syongumbu syenyũ.

1 Petero 1:14

Mubye bana abakowa Nyamuhanga. Simusyekwama esyongumbu esyo mwabya mukakwama erĩmbere omo butaminya bwenyũ.

1 Petero 2:11

Abanze betu, ngabalemba-lemba ngʼababunga nʼabagendĩ, mugane erikwama esyongumbu syʼomubiri esikalwa nʼomutima.

2 Petero 2:18

Kusangwa bakabũga ebĩnywa ebyʼobusa byʼeriyipipa, ibakabirikira abandu nʼeritebabo omo mwatsi wʼesyongumbu syʼomubiri nʼesyʼerĩsĩngĩra. Abandu aba babya bakateba, babya bandu abakasonda erĩlũa ukwʼabo bĩkere omo luhabo.

2 Petero 3:3

Nĩkwa mũtsũke eriminya omwatsi ono, oko biro byʼenyũma abasĩnĩngũlĩ basyahuluka, abakakwama esyongumbu syabo. Basyabasĩnĩngũlĩra bati,