Yakobo 3:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Nĩkwa sihali mundu oyukatoka erĩbegerya olulimi. Kusangwa olulimi ni kibi ekiteluhuka, ĩloswĩre nʼobuti obũkĩta.

Nouveau Testament et Psaumes en Ndandi Version 1962

⁸ nikwa olulimi sihari omundu wangatoka eribegeryalo—ni kibi kite luhuka, iluswire nobuti obukaholaya.

Yakobo 3:8 Iomraidhean Croise

Esyonyimbo 140:3

Esyondimi syabo siri ngʼesyonzoka esĩkĩta, Ebĩnywa byabo biri ngʼobuti bwʼenzoka eyikahulawa mo fĩra.

Esyonyimbo 55:21

Ebĩnywa biwe byabya bitendere kwilaba amagũta, Nĩkwa amalwa ali omo mutima wuwe; Ebĩnywa biwe bĩlũe byolo-byolo ngʼamagũta, Nĩkwa mobyalũa ngʼemĩyalĩ eyĩtwĩre.

Esyonyimbo 57:4

Indi omo katĩkatĩ kʼesyondale; Ngagotsera omo katĩkatĩ kʼabandu abakasonda eribuga bandu. Ameno wabo ali ngʼamatũmo nʼemisoha. Nʼesyondimi syabo siri ngʼemĩyalĩ eyĩtwĩre.

Esyonyimbo 58:4

Boswĩre mwʼobuti ngʼesyonzoka; Bakahoma amatwĩ wabo, ngʼefira eyĩtĩowa.

Esyonyimbo 59:7

Hulikirira ebyo bakabũga! Esyondimi syabo siri ngʼemĩyalĩ omo buno bwabo, Nĩkwa bakabũlaya bati, Nindi wasyatowa kwehĩ?

Emĩsyo 17:20

Oyuwite omutima wʼeriganga-ganga sialibana kibuya; Nʼoyuwite olulimi lwʼeriyiririra akawa omo mwaga.

Omũgambũlĩ 10:11

Enzoka yamaluma ite yengengetwa, neryo sihali endũndĩ oko mwengengetĩ.

AbanyaRoma 3:13

Obuno bwabo buli ngʼeyisinda eyĩtalĩbĩre; Bakateba omo syondimi syabo. Obuti bwʼesyonzoka bũkalũa omwisi wʼemĩnywa yabo.

Eryibuka Ebihano 32:33

Ebĩnyũ byabo ni buti bwʼesyonzoka, Nʼobusewe obũkalĩre bwʼenzwira.

Yakobo 3:6

Nʼolulimi luli ngʼomuliro, olulimi ni kihugo ekyoswĩre nʼebibi. Olulimi lwĩkere omo katĩkatĩ kʼebĩtsũko byetu, kandi lũkatsandaya omubiri gosĩ. Kandi lũkakaya omuliro omo mitima yetu, omuliro oyo akalũa elĩfero.

Yakobo 3:7

Abandu bakabegeraya emihanda yosĩ yʼesyonyama esyʼomolĩ, nʼesyonyonyũ, nʼesyonyama esikakululuka, nʼesyosĩ syʼomo ngetsi, kandi babĩrĩbegerya esyosĩ.

Eribisurirwa 12:9

Kandi ekiyoka kinene ekyo mokyaguswa ahisi! Ekyo ni kiyoka kya kera ekikahulawa mo Dĩabolo nʼeSatanĩ, oyukateba ekihugo kyosĩ. Mokyaguswa ahisi oko kihugo, nʼabamalaĩka bakyo mobaguswa ahisi haguma nakyo.