Yakobo 3:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Nʼolulimi luli ngʼomuliro, olulimi ni kihugo ekyoswĩre nʼebibi. Olulimi lwĩkere omo katĩkatĩ kʼebĩtsũko byetu, kandi lũkatsandaya omubiri gosĩ. Kandi lũkakaya omuliro omo mitima yetu, omuliro oyo akalũa elĩfero.

Nouveau Testament et Psaumes en Ndandi Version 1962

⁶ Kandi olulimi ni muliro. Olulimi ni kihugo kyebibi omo bitsuko byetu, lo lukaheraya omubiri gosi, lukakaya eribyaho ryosi, kandi lukakibawa nekyuna kyomuliro.

Yakobo 3:6 Iomraidhean Croise

2 Samwelĩ 16:20

Neryo Abũsaloma mwabwira Ahĩtofelĩ ati, Utuhane ekyo tukole. Tukolekĩ kwehĩ?

2 Samwelĩ 19:43

Nʼabalume bʼeĨsraelĩ mobasũbĩrya balume ba Yũda bati, Ĩtwe tuwite magabo ĩkũmĩ oko mwami, neryo tũsĩngene uku Dawĩdĩ kwilaba nywe; neryo busana nakĩ mukatupona kwehĩ? Muti erĩhano lyetu sĩryangatsũka okwʼĩsũbũlya omwami wetu kwehĩ? Nʼebĩnywa byʼabandu bʼeYũda mobyakala kwilaba ebĩnywaʼbyʼabandu ba Ĩsraelĩ.

2 Emyatsi yʼEmigulu 13:17

Na Abĩya nʼabandu buwe mobakĩndabo nʼerĩĩta lĩnene; kyaleka abalume abayisogawa ba Ĩsraeli ĩbakwa elfu magana atanu (500,000).

Esyonyimbo 140:3

Esyondimi syabo siri ngʼesyonzoka esĩkĩta, Ebĩnywa byabo biri ngʼobuti bwʼenzoka eyikahulawa mo fĩra.

Esyonyimbo 64:3

Bakatyalaya esyondimi syabo ngʼemĩyalĩ, Bakatega ebĩnywa byabo ngʼemisoha.

Emĩsyo 15:1

Erĩsũbĩrya lyolo likahiga erihitana; Nĩkwa ekĩnywa kĩkalĩre kĩkasũbaya erihitana.

Emĩsyo 16:27

Omundu oyutegasakĩ akatakula omwaga; Nʼomo mĩnywa yiwe muli omuliro owakatogotaya.

Emĩsyo 6:19

Omũlangĩrĩ wʼamabehĩ oyũkabũga amabehĩ, Nʼoyũkapanzalĩkanaya amalwa omo katĩkatĩ kʼabagala babo.

Emĩsyo 7:5

Ibyatoka erĩkũkakĩrya oko mũkalĩ wʼehandi, Nʼoko wʼehandi oyũkatendereraya omo bĩnywa biwe.

Ĩsaya 30:27

Lebaya erĩna lyʼOmwami Mukulu likasira hali; erihitana liwe likaka, nʼomũkĩ wuwe ni mungi. Emĩnywa yiwe yoswĩre nʼerihitana, nʼolulimi luwe luli ngʼomuliro owakabugirira.

Ĩsaya 50:11

Lebaya, ĩnywe bosĩ ko mũkakaya omuliro, ĩnywe mũkayĩkũndĩka kwʼebĩsĩnganĩkya oko mbande syosĩ, mulendere omo kyakakala kyʼomuliro wenyũ, nʼomo katĩkatĩ kʼebĩsĩnganĩkya ebyo mwabĩrĩakya. Mwasyabana ekĩ omo byala byage kandi mwasyagotsera ahisi omo ngitsi.

Yeremĩa 20:10

Kusangwa nabĩrĩowa ebihwehwe byʼabandu bangi bati, Obuba oko mbande syosĩ! Abĩra bage abo ngayiketera bakalinda eriwa lyage bati, Mumuhayire, ega, netu tumuhayire! Abĩra bage bosĩ abo ngayiketera, bakalinda eriwa lyage, bati kwamũhwa asyatebwa itwatoka erĩmũkĩnda, ĩtwamũkĩsĩryako.

Yeremĩa 28:16

Busana nʼekyo, Omwami Mukulu ati, Lebaya, nasyakũlũsya erĩlũa omo kihugo. Ukandihola oko mwaka oyũ, kusangwa wabĩrĩbũga ebyʼerihona oko Mwami Mukulu.

Abalawĩ 24:11

nʼomugala wʼomũkalĩ Mũĩsraelĩ mwatakira erĩna lya Nyamuhanga, kandi mwatsuma. Neryo mobamuleta uku Musa. Nʼerĩna lya koyo wuwe lyabya Selomĩtĩ, mwali wa Dĩbũrĩ, owʼekihanda kya Danĩ.

Emiganzo 25:2

Kusangwa babirikira abandu okwʼihongera lyʼesyonyamuhanga syabo; nʼabandu mobalya, mobũnamira esyonyamuhanga syabo.

Emiganzo 31:16

Lebaya, aba bo baleka abana ba Ĩsraelĩ ĩbahalya oko Mwami Mukulu busana nʼomwatsi wa Peorĩ, busana nʼerihana lya Balama, neryo ekĩhũnzo mokyahĩka omo ndeko yʼOmwami Mukulu.

Matayo 12:24

Nĩkwa omugulu Abafarĩsayo bowa, mobabũga bati, Omundu oyo akahigira esyombĩnga syʼeyĩhya kusangwa Belzebũlĩ omũtabalĩ wʼesyombĩnga yukamuha maka wʼerihigasyo.

Matayo 5:22

Nĩkwa ngababwira nyiti oyukahitana uku mugala wabo asyaletwa embere wʼomũtswerĩ, kandi oyũkabũga na mugala wabo ati, uwe mbulamugaso; asyabya nʼomusango embere wʼerĩbũgĩro lyʼabatswerĩ; nʼoyũkabũga ati, Uwe mũkĩrũ! Asyabya nʼomusango wʼeriya omo muliro wʼeKũlĩmũ.

Mariko 7:15

Sihali kindu ekikaya omo mundu ekĩkalũa eyĩhya ekikatoka erĩtsandya omundu. Nĩkwa emyatsi eyĩkalũa omwisi wʼomundu yo yĩkamũtsandaya. [

Luka 16:24

Neryo omundu wʼebindu mwabirikira kutsibu ati, Tata Abrahamũ! unyiganyire, Utume Lazaro ahĩre omutwe-mutwe wʼomunwe wuwe omo magetsi aholokaye olulimi lwage, kusangwa ngagalawa omo kirimi ekĩ kyʼomuliro.

Emibiri 20:30

Kandi abandu basyahangana omo katĩkatĩ kenyũ, ĩbakabũga emyatsi yʼamabehĩ, erikura abiga erikwamabo.

Emibiri 5:3

Nĩkwa Petero mwamubwira ati, Busana nakĩ walekĩre Satanĩ iyabya omo mutima wawe eribihira Omũlĩmũ Abũyĩrĩre, nʼeribika oko bũgũlĩ bwʼekitaka kwehĩ?

Emibiri 6:13

Neryo mobaleta bandu abakamũsĩngĩsĩraya bati, Omundu oyũ akabũga nabi emigulu yosĩ busana na hano ahabũyĩrĩre, na busana nʼEmigambo nibya.

Eryibuka Ebihano 13:6

Omugala wenyũ, mugala wa koyo wawe, kutse mugala wawe, kutse mwali wawe, kutse omũkalĩ wʼekĩkũba kyawe, kutse omwĩra wawe, oyuli ngʼekĩrĩmũ kyawe, amabohya bũbĩso-bĩso, ati, Tuyakolere esindi Nyamuhanga (esyo mutabya mwasĩ, uwe, kutse abotata-kulu wawe),

Tito 1:11

Litolere erĩhũneryabo, kusangwa bakatsandaya amalengekanĩa wʼabandu abʼawandi manyũmba, ĩbakakangĩrĩrayabo ebitatolere, busana nʼeribana endũndĩ yabo nyibi.

Yakobo 2:7

Ni bandu bʼebindu abakatsuma erĩna libuya eryo Nyamuhanga abiribahulamo.

Yakobo 3:7

Abandu bakabegeraya emihanda yosĩ yʼesyonyama esyʼomolĩ, nʼesyonyonyũ, nʼesyonyama esikakululuka, nʼesyosĩ syʼomo ngetsi, kandi babĩrĩbegerya esyosĩ.

2 Petero 3:3

Nĩkwa mũtsũke eriminya omwatsi ono, oko biro byʼenyũma abasĩnĩngũlĩ basyahuluka, abakakwama esyongumbu syabo. Basyabasĩnĩngũlĩra bati,

3 Yoane 1:10

Busana nʼomwatsi oyũ, ekiro nasyayayo, nasyahũlũkya emĩbĩrĩ eyo akakola, busana nʼebĩnywa bibi ebyo akatuhandikirira, omo mabehĩ. Kandi kwilaba aho sĩalĩkokaya abalĩkyetu, ĩnĩakakakĩraya abanzĩre erĩkokya abandu, nʼerihigabo omo kanĩsa.

Eribisurirwa 12:9

Kandi ekiyoka kinene ekyo mokyaguswa ahisi! Ekyo ni kiyoka kya kera ekikahulawa mo Dĩabolo nʼeSatanĩ, oyukateba ekihugo kyosĩ. Mokyaguswa ahisi oko kihugo, nʼabamalaĩka bakyo mobaguswa ahisi haguma nakyo.

Eribisurirwa 13:14

Nĩkwa ikateba abandu bosĩ abĩkere omo kihugo busana nʼebitiko-tiko ebyo yahabawa erikola embere wʼenyama yʼerĩmbere. Enyama eyĩ moyabwira abandu bosĩ abĩkere munakihugo iti, bakokotaye esanamu busana nʼenyama eyahutala ekironda kyʼomo mũyalĩ, nʼeriswabyaho.

Eribisurirwa 18:23

Kandi ekyakakala kyʼetala sikyendisyaswakolerya ewawe kandi; kandi omulenge wʼĩba wʼomũherũkĩ nʼomũherũkĩ sĩyendĩsyaswogũbwa kandi ewawe; kusangwa abatũndĩ bawe babya bandu bakulu bʼekihugo, kusangwa ebihanda byosĩ byatebĩbawa omo busaki buwe!

Eribisurirwa 19:20

Nĩ­kwa enyama eyo moyahambwa, nʼomũmĩnyererĩ wʼamabehĩ haguma nayo, oyo wabya akakola ebitiko-tiko embere syʼenyama eyo. Omũmĩnyererĩ wʼamabehĩ oyo mwatebabo omo bitiko-tiko ebyo bahĩrawako omo lusako lwʼenyama eyo, nʼerĩramya esanamu yayo. Ababiri aba, nʼenyama eyo, nʼomũmĩnyererĩ wʼamabehĩ, mobaguswa ibaneho, omo ngetsi yʼomuliro eyikagulumira nʼekirimi.