Yakobo 3:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Ko liri ritya oko lulimi. Nĩ kĩtsũko kyike nĩkwa lukayihalamba omo myatsi minene-minene. Mũlebaye ngoko muliro muke akahĩsaya ekisuki kinene!

Nouveau Testament et Psaumes en Ndandi Version 1962

⁵ Nolulimi ko luri lutya ni kitsuko kike lukayihalamba mo myatsi minene. Mulebaye ekisuki kinene kikahisibawa nomuliro muke!

Yakobo 3:5 Iomraidhean Croise

Yobũ 22:17

Mobabwira Nyamuhanga bati, Ũtũlũĩreho; NʼOmũtokĩ Wʼebyosĩ angakola bokĩ kwehĩ?

Esyonyimbo 10:3

Kusangwa omundu mubi akayihalamba omwʼisonda lyʼomutima wuwe, Nʼomundu wʼomururu akatsuma nʼeripona Omwami Mukulu.

Esyonyimbo 17:10

Sisyeganyira mundu, Bakabũga nʼeriyiheka.

Esyonyimbo 39:1

Nyiti, nasyateya ebyo ngakola, Nyiti, sĩnyĩbũge ebyʼerĩhalya nʼolulimi lwage, Sĩndĩendĩbũgakĩ, Omugulu abandu babi bali hakũhĩ nage.

Erĩlũayo 15:9

Enzĩgũ moyabũga iti, Ngandikwamirira, ngandĩmweya, ngandigaba ebinyegwa; Erisonda lyage lyasyũgũtĩbwa busana nabo; Ngandikula omũyalĩ wage, Ebyala byage byasyaheryabo.

Erĩlũayo 5:2

Nĩkwa Farao mwabũga ati, Omwami Mukulu nindi uti nangowa omulenge wuwe nʼerireka Abaĩsraelĩ erigenda kwehĩ? Sĩnyasĩ Omwami Mukulu, nʼakandi sindiendireka Abaĩsraelĩ erigenda.

Emĩsyo 12:18

Hali oyũkabũga bũtalengekanĩa ngʼeritsimita lyʼomũyalĩ; Nĩkwa olulimi lwʼabʼamenge nĩ ʼlamya.

Emĩsyo 15:2

Olulimi lwʼabʼamenge lũkabũga eriminya lyowene; Nĩkwa obuno bwʼabakĩrũ bũkabũga obũkĩrũ.

Emĩsyo 18:21

Oluholo nʼengebe biri omo maka wʼolulimi; Nʼabanzĩrelo basyalya ebĩgũma byalo.

Emĩsyo 26:20

Omuliro akalĩma busana nʼeribula esyongwĩ; Nʼahate embandanganĩa, erinegena lĩkũmbayaho.

Yeremĩa 18:18

Neryo mobabũga bati, Mwase tuye embĩta yʼamenge erĩĩta Yeremĩa. Kusangwa omugambo siendisyatala oko mũhererĩ, kutse erihana oko bʼamenge, kutse ekĩnywa oko mũmĩnyererĩ! Mwase tũmũswĩraye omo lulimi lwetu, sĩtũhĩre omutima oko bĩnywa biwe nʼekiguma.

Ezekĩelĩ 28:2

Mugala wʼomundu, Ubwire omũsondolĩ wʼeTĩro uti, Omukama Iye Omwami Mukulu ati, Kusangwa omutima wawe amayĩhamya, kandi wabĩrĩbũga uti, Ĩngye nyiri nyamuhanga, nyĩkere omo kĩtũmbĩ kyʼesyonyamuhanga, omo katĩkatĩ kʼesyongetsi. Nĩkwa uli mundu, suli Nyamuhanga, nomo wangahĩra omutima wawe eribya nga Nyamuhanga.

Ezekĩelĩ 29:3

Ũbũge uti, Umukama, Iye Omwami Mukulu ati, Ũlebaye, ngalwa nawe, uwe Farao omwami wʼeMĩsĩrĩ, ekiyoka kinene ekĩkere omo katĩkatĩ kʼesyonyũsĩ syako, kyabĩrĩbũga kiti, Olũsĩ lwʼeNĩlĩ lwage ni lwage, ĩngyowene nabirihangikalo.

Danĩelĩ 3:15

Neryo lino mwamabya mũnasĩkĩre omugulu mũkowa emirenge yʼengubi, nʼenyamulera, nʼenanga, nʼenzenze, nʼomũgobĩro, nʼamalenga, nʼemĩsĩndo yosĩ yʼeriimba, eriwa ahisi nʼerĩramya esanamu eyo nakokotaya, lyowene; nĩkwa mwamatindaramyayo, oko katambĩ ako mwasyaguswa omwʼirunga erikaka mʼomuliro; ni nyamuhanga wahi oyo wasyabalamya omo byala byage kwehĩ?

Danĩelĩ 4:30

Neryo omwami mwabũga ati, Okũ si Babelĩ kunene, oko nabĩrĩhĩmba busana nʼenyũmba yʼobwami, omo maka wʼobũtokĩ bwage na busana nʼolukengerwa lwʼerĩkangabasanĩa lyage kwehĩ?

Yakobo 3:4

Kandi mũlebaye amato, nomo angabya manene-manene nʼerĩkũnwa nʼerihunga erĩkalĩre, amato ayo akasondolawa nʼengahya nge-nge-nge, neryo akalola eyo mũsondolĩ wago anzĩre.

2 Petero 2:18

Kusangwa bakabũga ebĩnywa ebyʼobusa byʼeriyipipa, ibakabirikira abandu nʼeritebabo omo mwatsi wʼesyongumbu syʼomubiri nʼesyʼerĩsĩngĩra. Abandu aba babya bakateba, babya bandu abakasonda erĩlũa ukwʼabo bĩkere omo luhabo.

Yuda 1:16

Abandu aba bakatonga, nʼerirega abandi, ibakakwama esyongumbu syabo nyibi. Bakabũga nʼerĩyĩhamya, kandi bakapipa abandu busana nʼeribana kubo kwʼendũndĩ.