Yakobo 3:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Nindi omo katĩkatĩ kenyũ oyuwite amenge nʼeriminya kwehĩ? Akanganayebyo omo mibere mibuya yiwe, nʼomo mĩbĩrĩ yiwe eyo akakola nʼomutima molo, nʼowʼamenge.

Nouveau Testament et Psaumes en Ndandi Version 1962

¹³ Ni ndi owamenge noweriminya omukati-kati kenyu kwehi? Akanganaye emibiri yiwe nemibere yiwe yowene omo bolo bwamenge.

Yakobo 3:13 Iomraidhean Croise

Yobũ 28:28

Neryo mwabwira omundu ati, Lebaya, eriubaha lyʼomukama, go na menge; Nʼerireka ebibi ni ʼminya.

Esyonyimbo 107:43

Abʼamenge baganĩraye emyatsi eyĩ; Basĩme amenge wʼolwanzo olutyusa lwʼOmwami Mukulu.

Esyonyimbo 122:8

Busana nʼabĩra bage nʼabalĩkyetu, Ngabũga na Yerũsalema, nyiti, Obuholo bubye nawe.

Esyonyimbo 149:4

Omwami Mukulu akatsemera abandu buwe; Akakenga abakayĩkehaya erihabo erĩsĩngana.

Esyonyimbo 25:9

Akasondola abandu bolo omo lĩbanza litunganene, Akakangĩrĩraya abandu bolo omo nzira yiwe.

Esyonyimbo 45:4

Ulabe omo bukengwa, ũkĩnde; Busana nʼerihanganira omwatsi wʼekwenene, nʼerĩbanza litunganene. Amaka wawe asyakũkĩndĩsya kutsibu!

Omũgambũlĩ 8:1

Omundu wʼamenge nindi kwehĩ? Nʼoyo wasĩ erĩkũmbũla omwatsi nindi kwehĩ? Amenge wʼomundu akakangabasanaya obũsũ buwe, nʼerikala lyʼobũsũ buwe likabinduka.

Omũgambũlĩ 8:5

Oyũkategaya erihana lyʼOmwami siendisyaminya obũlĩge, kusangwa omutima wʼamenge akaminyerera omugulu atolere nʼebyo angakola.

Ĩsaya 29:19

Nʼabandu bʼobũlĩge basyakanyĩrĩrya obutseme bwabo omo Mwami Mukulu, nʼabandu bʼobwaga basyatsema ũmwʼOyũbũyĩrĩre wa Ĩsraelĩ.

Ĩsaya 60:6

Obungi bwʼesyongamia bwasyakuswika, esyondabana syʼesyongamia syʼeMĩdĩanĩ nʼeEfa. Abosĩ bʼeSeba basyasa. Basyaleta esyamagetsi nʼobukwa, basyaleta engulu yowene yʼeripipa lyʼOmwami Mukulu.

Ĩsaya 61:1

Omũlĩmũ wʼomukama Omwami Mukulu anyiriko, kusangwa Omwami Mukulu abĩrĩnyĩhakabya amagũta, nyirete engulu yowene oko bandu abakagalawa. Abirinyituma erilunga ababũnĩkĩre omo mutima, erĩtũlĩra ababohĩre obwĩranda nʼerikingulira abandu bʼomũlĩkĩ,

Yeremĩa 9:12

Omundu wʼamenge nindi, atoke eriminya ekĩ kwehĩ? Kandi nindi oyo wabiribwirwa omo buno bwʼomwami Mukulu kwehĩ? Atoke erĩtũlago. Busana nakĩ ekihugo kyabiritsanda nʼeriyirwa ngʼembwarara, kikaleka omundu atalaba mukyo kwehĩ?

Yeremĩa 9:23

Omwami Mukulu ati, Omundu wʼamenge siayipipe busana nʼamenge wuwe, kutse owʼamaka siayipipe busana nʼamaka wuwe, owʼebindu siayipipe busana nʼobuteke buwe,

Danĩelĩ 2:21

Kandi akabindula emigulu nʼebirimo; akasingula abami, kandi ĩnĩasĩngya abami; akaha amenge oko bʼamenge, akaha eriminya oko banyima;

Zefania 2:3

Mũsondaye Omwami Mukulu, ĩnywe bosĩ bʼekihugo abakayĩkehaya, ĩnywe mwabirikola erĩbanza liwe; mũsondaye eritunganene, mũsondaye obũyĩkehyo; kwamũhwa mwasyabĩswa oko kiro kyʼerihitana lyʼOmwami Mukulu.

Emiganzo 12:3

Nĩkwa Musa abya mundu molo, kwilaba abandu bosĩ ababya omo kihugo.

Matayo 11:29

Mwĩmaye engomo yage, muhekeyo, mwigire ũkwʼĩngye, kusangwa indi molo-molo nʼowʼomutima ahehere; nenyũ mwasyabana eriluhuka omo mitima yenyũ.

Matayo 21:5

Mubwire mwali wʼeSĩonĩ, muti; Lebaya omwami wawe amasa ukʼuwe, Iye ni wʼomutima molo, kandi akahekawa nʼepunda, Kye kyana kyʼepunda kikamuheka.

Matayo 5:5

Obutseme buli oko bʼomutima molo, Nyamuhanga asyahabo ebyo alaga!

Matayo 7:24

Neryo, obuli mundu oyũkowa ebĩnywa byage ebĩ nʼerikolabyo, asyasosekanĩbwa ngʼomundu wʼamenge, oyo wahĩmba enyũmba yiwe yʼokwʼĩbwe.

1 AbanyaKorinto 6:5

Sĩmwekwa esĩsonĩ kwehĩ? Simuli kʼomundu muguma wʼamenge omo katĩkatĩ kenyũ oyo wangatoka erisoha omo katĩkatĩ kʼabalĩkyabo kwehĩ?

2 AbanyaKorinto 10:1

Neryo ĩngye Paũlo, oyuli molo embere syenyũ, nĩkwa oyũkalĩre omugulu nde haguma nenyũ, ngabalemba-lemba busana nʼobolo nʼobubuya bwa Kristo,

2 AbanyaKorinto 8:24

Neryo mũkanganayebo olwanzo lwenyũ embere wʼamakanĩsa, ibatoka eriminya busana nakĩ tukayihalamba busana nenyũ.

AbanyaGalatia 5:23

omutima molo, nʼerĩyĩteya. Sihali omugambo owakalwa nʼemyatsi eyĩ.

AbanyaGalatia 6:1

Balĩkyetu, omundu amabanika Omwʼĩlolo, ĩnywe mukakola omo Mũlĩmũ, mũmũhanganaye; kandi, mukole mutya omo mutima molo, kandi Ũyĩtegaye, ukasyalengwako.

AbanyaGalatia 6:4

Obuli mundu alenge omubiri wuwe ĩyowene, neryo iniabana ekyʼeriyihalambira mugo, butsira erĩrĩngĩrĩranĩago nʼomũbĩrĩ wʼogundi mundu.

AbanyaEfeso 4:2

Mũyĩkehaye, mubye nʼomutima molo, muyibombeke. Muganyirane omo lwanzo.

AbanyaFilipi 1:27

Omwatsi munene goyũ, emikolere yenyũ ibye itolere Engulu Yowene ya Kristo. Neryo, namaya eyo eribalolako, kutse ndeho, nasyowa engulu yenyũ, ngoko mũsĩkĩre omo bũlengekanĩa buguma, imunemulwa nʼomutima muguma busana nʼEngulu Yowene yʼerĩkĩrĩrya Kristo.

AbanyaKolosai 3:12

Neryo muli bandu ba Nyamuhanga. Abiribanza, abiriyisoga nywe. Busana nʼekyo muyire emitima yʼeriganyira, omutima wʼobubuya, owʼerĩyĩkehya, owʼobolo, owʼeriyibombeka.

1 Timoteo 4:12

Suleke mundu akakupona busana nʼobũlwana bwawe, nĩkwa ũyĩkangaye embere syʼabĩkĩrĩrye ngʼolulengo lubuya lwʼebĩnywa, nʼemikolere, nʼomo lwanzo, nʼomwʼĩkĩrĩrya, nʼomo mutima ate kwʼebibi.

1 Timoteo 6:11

Nĩkwa uwe, mundu wa Nyamuhanga, Usage emyatsi yosĩ eyĩ, ukwamirire eritunganene, erikenga Nyamuhanga, erĩkĩrĩrya, olwanzo, erĩsĩka, erihehera.

2 Timoteo 2:25

Kandi ahehere omugulu akakunga abakalwa naye. Mbino Nyamuhanga asyahabo eribindula emitima yabo erireka ebibi, nʼeriminya omwatsi wʼekwenene.

Tito 3:2

Kandi sibatsume mundu, sibalwe, bakangaye obwĩra, nʼerĩkanganĩa omutima molo oko bandu bosĩ.

AbaEbrania 13:5

Simukwamirire erianza esyofranka, nĩkwa mutsemere ebyo muwite. Kusangwa Nyamuhanga abĩrĩbũga ati, Sindiendisyakuleka na kera, kandi, sindiendĩsyakũsĩganĩa nʼahake.

Yakobo 1:21

Neryo muguse obuli mwatsi atĩsĩrĩre, nʼemibere yosĩ yʼebibi. Neryo mwangirire nʼomutima molo ekĩnywa ekyo Nyamuhanga akahĩra omo mitima yenyũ, ekikatoka erĩbalamya.

Yakobo 2:18

Omundu anganabũga ati, Uwe uwite erĩkĩrĩrya, nage ngwite emĩbĩrĩ. Ũngangaye erĩkĩrĩrya lyawe eritawite mĩbĩrĩ, nage ngandĩkũkangya erĩkĩrĩrya lyage omo mĩbĩrĩ yage.

Yakobo 3:1

Balĩkyetu, Sihabye abakangĩrĩrya bangi omo katĩkatĩ kenyũ, kusangwa ĩtwe bakangĩrĩrya twasyatswerwa erĩkalĩre kwilaba bandi.

Yakobo 3:17

Nĩkwa amenge awakalũa endata, embere ni mabuya; kandi ni wʼobuholo, kandi ahehere, kandi akowa lũba, oswĩre mwʼeriganyira, nʼemĩbĩrĩ mibuya; kandi sialisombola ndi nandi, kandi sĩalĩyĩtendereraya.

1 Petero 1:15

Nĩkwa mubye babũyĩrĩre omo migendere yenyũ, nga Nyamuhanga oyo wababirikira abũyĩrĩre.

1 Petero 2:12

Muyire emigendere mibuya omo katĩkatĩ kʼEbihanda, neryo nomo bangabatsuma ngʼabakola-nabi, nĩkwa omugulu bakalangira emĩbĩrĩ yenyũ mibuya, ibapipa Nyamuhanga oko kiro kyʼeritswerwa.

1 Petero 2:9

Nĩkwa ĩnywe muli kihanda ekyayisogawa, abahererĩ bʼobwami, ekihanda kĩbũyĩrĩre, abandu ba Nyamuhanga, imwatoka erĩkangya emĩbĩrĩ mibuya ya Nyamuhanga, oyo wababirikira erĩlũa omo mwĩrĩmya nʼeriingira omo kyakakala kiwe kyʼeriswekera.

1 Petero 3:4

Nĩkwa obubuya bwenyũ bubye bwʼomutima owali omwisi wʼomundu. Bubye obubuya bwʼekĩrĩmũ ekihehere nʼekyʼobũkũtũ, ekitetsanda. Obubuya obo ni bwʼobũgũlĩ bunene embere sya Nyamuhanga.