Yakobo 3:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Balĩkyetu, Sihabye abakangĩrĩrya bangi omo katĩkatĩ kenyũ, kusangwa ĩtwe bakangĩrĩrya twasyatswerwa erĩkalĩre kwilaba bandi.

Nouveau Testament et Psaumes en Ndandi Version 1962

¹ Abagala betu, ukwinywe sihabye bangi eribya abakangirirya, kusangwa mwasi ko twasyatswerwa kwilaba.

Yakobo 3:1 Iomraidhean Croise

Abalawĩ 10:3

Neryo Musa mwabũga na Harũnĩ, ati, Ekĩ kyo Mwami Mukulu abũga ati, Nasyaganzwa mo mũbũyĩrĩre oko bakasa hakũhĩ nage, nʼembere syʼabandu bosĩ nasyakengwa. Na Harũnĩ mwabya bũkũtũ.

Malakĩ 2:12

Omwami Mukulu ahige omo mahema wa Yakobo abosĩ abakakola batya, nomo angabyandi, kutse oyukaleta obuhere oko Mwami Mukulu Wʼemilondo.

Matayo 10:24

Omwiga sialengĩre omũkangĩrĩrya wuwe, kutse omukobe sialengĩre omukama wuwe.

Matayo 23:13

Nĩkwa obũlĩge kwĩnywe, abakangĩrĩrya bʼEmigambo nʼAbafarĩsayo, abatebya! Kusangwa mukakingira Obwami bwʼelubula bwʼabandu, kusangwa nenyũ simuliingiramo, kandi sĩmwerĩga bandu abakasonda eriingira, eriyamo. [

Matayo 23:14

Obũlĩge kwĩnywe bakangĩrĩrya bʼEmigambo, nʼAbafarĩsayo, abatebya! Kusangwa mukanyega manyũmba wʼabakwakalĩ, imukateba omwʼisaba liri-liri. Neryo mwasyasuyirwa kutsibu kwʼaho.]

Matayo 9:11

Kandi omugulu Abafarĩsayo balangira batya, mobabwira abiga buwe bati, Busana nakĩ Omũkangĩrĩrya wenyũ akalya haguma nʼabasolesya nʼabakola-nabi kwehĩ?

Luka 16:2

Neryo mwamubirikira ati, Ebĩ nĩ byahi ngowa busana nawe kwehĩ? Ulete emiganzo yʼebindu byage Wabere ũkateya, kusangwa siwendisyaswabya mũteya wage.

Luka 6:37

Simutswere abandi, na Nyamuhanga siendisyabatswera; sĩmũhĩre abandu bʼomo musango, neryo Nyamuhanga siendisyabahĩra omo musango; mubuyire, neryo Nyamuhanga asyababuyira.

Yoane 3:10

Yesu mwasũbĩrya ati, Uwe uli mũkangĩrĩrya wa Ĩsraelĩ isuliminya emyatsi eyĩ kwehĩ?

Emibiri 13:1

Nĩkwa eAntĩokĩa yabya abamĩnyererĩ nʼabakangĩrĩrya omo kanĩsa eyabyayo. Ye Barnaba, na Sĩmeonĩ oyukahulawa mo Mwĩragũlũ, na Lũkĩo wʼeKũrene, na Manaenĩ oyo walemberawa haguma nʼomwami Herode, na Saũlo.

1 AbanyaKorinto 12:28

Neryo omo kanĩsa, Nyamuhanga abĩrĩhĩra ebyosĩ omo mianya yabyo; omo mwanya wʼerĩmbere mwahĩra abakwenda, nʼomo mwanya wʼakabiri mwahĩra abatũlĩ bʼomwatsi, nʼowʼakasatu, abakangĩrĩrya, neryo abakakola ebitiko-tiko, neryo olũsũnzo lwʼerĩlamya esyondwala, neryo abakawatĩkaya abandi, neryo abakasondola omũbĩrĩ, neryo abakabũga emĩsĩndo-mĩsĩndo yʼebĩnywa.

2 AbanyaKorinto 5:10

Kusangwa litolere ĩtwe bosĩ itwahuluka embere sya Kristo nʼeritswerwa naye, neryo obuli mundu inialihwa busana nʼemikolere eyo akola omo mubiri wuwe, yamabya ĩyowene, kutse yamabya ini mibi.

AbanyaEfeso 4:11

Neryo mwaha abandu bʼolũsũnzo mũsĩndo-mũsĩndo. Mwaha abandi eribya bakwenda, mwaha abandi eribya bamĩnyererĩ, mwaha abandi eribya batũlĩ bʼEngulu Yowene, abandi mwahabo eribya bateya bʼekanĩsa nʼabakangĩrĩrya.

1 Timoteo 1:7

Aba bakasonda eribya bakangĩrĩrya bʼEmigambo ya Nyamuhanga, nĩkwa sibeminya ebyo bakabũga, kutse emyatsi eyo bakahula, nʼerihatikanayo.

1 Timoteo 2:7

Busana nʼomwatsi oyũ, natumawa eribya Omũgambũlĩ, nʼomukwenda, nʼOmũkangĩrĩrya wʼebihanda babane erĩkĩrĩrya nʼeriminya omwatsi wʼekwenene. Sindibiha, ngabũga kwenene.

2 Timoteo 1:11

Nyamuhanga abĩrĩnyĩhĩra erĩtũla Engulu Yowene nʼeribya mukwenda nʼOmũkangĩrĩrya.

AbaEbrania 13:17

Mowe abakabasondola, kandi mukole ebyo bakababwira. Bakategaya emitima yenyũ, ngʼabandu abakandĩsyakanganĩa Nyamuhanga ebyo bakola. Neryo bakole batya nʼobutseme butsira obũlĩge. Bamakola nʼobũlĩge sibwendibaletera ndũndĩ.

Yakobo 1:16

Sĩmũtebĩbawe, balĩkyetu banze.

Yakobo 1:19

Balĩkyetu banze, muminye ekĩ. Obuli mundu abye akowa lũba, nĩkwa sĩabũge lũba, kutse siahitane lũba.

Yakobo 3:10

Omo buno buguma mũkalũa eripipa nʼeritakira. Balĩkyetu, emyatsi eyĩ siyangabya itya!

1 Petero 5:3

Kandi simuyiyire nga mukatabala oko bandu abo mwahabawa erĩteya, nĩkwa mubye ebĩsosekanĩo busana nʼekihangulo.