Yakobo 2:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Kusangwa Nyamuhanga siendisyaganyira omundu oyukagana eriganyira ogundi. Nĩkwa eriganyira lĩkakĩnda eritswera.

Nouveau Testament et Psaumes en Ndandi Version 1962

¹³ Kusangwa oyu tegenyera siendisyage nyerwa omwitswerwa; nikwa eriganyira lusingire olubanza.

Yakobo 2:13 Iomraidhean Croise

Enzũko 42:21

Neryo mobabwirana bati, Kwenene tuli nʼolubanza busana na mugala wetu, kusangwa motwalangira obuligo bʼomutima wuwe, omugulu atuhatikana, motũtowa, ekyo kikaleka obuligo obũ ĩbwatũhĩkako.

2 Emyatsi yʼEmigulu 28:11

Neryo lino munyihulikirire, mũsũbũlaye abanyegwa abo mwabĩrĩhũnga oko bagala benyũ; kusangwa erihitana lĩkalĩre lyʼOmwami Mukulu liri ũkwʼĩnywe.

Esyonyimbo 18:25

Suliregula oko bandu abateregula, Kandi ũhĩkene oko bandu abahĩkene.

Esyonyimbo 85:10

Olwanzo nʼeritendiregula byasyahĩndana haguma; Ekitunganene nʼobuholo byasyahĩndana.

Emĩsyo 21:13

Oyũkalĩba amatwĩ wuwe okwʼilaka lyʼabera, Naye nibya asyalaka, nĩkwa siendĩsyowĩbwa.

Emĩsyo 22:16

Oyũkanũbaya abera busana nʼeritome kera endũndĩ yiwe, Nʼoyukaha oko yũkamahĩre, asyabulabyo.

Ĩsaya 27:11

Omugulu emitahi yago yamabiuma, yasyabũnangwa. Abakalĩ basyasa nʼerĩhĩsyayo omo muliro. Kusangwa si bandu bawite eriminya. Busana nʼekyo omũbũmbĩ wabo siendisyaganyirabo. NʼOmũhangĩkĩ wabo siendĩsyakwĩrabo olukogo.

Yeremĩa 9:24

nĩkwa oyukayihalamba, ayihalambe Ũmwʼekĩ, ati akowa nʼerinyiminya ko nyiri Mwami Mukulu, oyukakola ebibuya nʼerĩbanza libuya, nʼeritunganene omo kihugo. Kusangwa Omwami Mukulu ati, Ngatsema omo myatsi eyĩ.

Ezekĩelĩ 33:11

Ubwirebo uti, Omukama Iye Omwami Mukulu ati, Ngoko nyiriho! Sinditsemera oluholo lwʼababi, nĩkwa nyiti, kumbe ababi bakaleka enzira yabo babyeho. Mũbũnũkale, mũbũnũkale muleke esyonzira syenyũ nyibi! Busana nakĩ uwe kihanda kya Ĩsraelĩ, ukasonda erihola kwehĩ?

Mĩka 7:18

Nindi yo Nyamuhanga nga we, oyukabuyira ebibi, nʼerikiruka okwʼihona lyʼamasĩgalira wʼabandu buwe kwehĩ? Sialibika erihitana liwe kera na kera, kusangwa akatsemera obubuya bʼolwanzo.

Matayo 5:7

Obutseme buli oko bakaganyira abandi, Kusangwa Nyamuhanga asyaganyirabo!

Matayo 6:15

Nĩkwa mwamatindabuyira abandi bʼamalolo bakabakolera, Tata wenyũ siendisyababuyira amalolo ago mwabirikola.

Luka 16:25

Nĩkwa Abrahamũ mwamubwira ati, Uwe mwana, Wibuke omugulu wabya ukiriho mowabana ebindu bibuya, na Lazaro naye mwabana ebindu bibi; nĩkwa lino Lazaro akakĩranĩbawa hano, nawe ukagalawa.

Luka 6:37

Simutswere abandi, na Nyamuhanga siendisyabatswera; sĩmũhĩre abandu bʼomo musango, neryo Nyamuhanga siendisyabahĩra omo musango; mubuyire, neryo Nyamuhanga asyababuyira.

Yakobo 3:17

Nĩkwa amenge awakalũa endata, embere ni mabuya; kandi ni wʼobuholo, kandi ahehere, kandi akowa lũba, oswĩre mwʼeriganyira, nʼemĩbĩrĩ mibuya; kandi sialisombola ndi nandi, kandi sĩalĩyĩtendereraya.

Yakobo 5:4

Mũlebaye, simwetaliha abandu abahingira omo malima wenyũ, nʼabandu abasolomago. Nabo bakabatsongera. Nʼerilaka lyabo lyabĩrĩhĩka omo matwĩ wʼOmukama wʼAmaka Gosĩ.

Abatswerĩ 1:7

Na Adonĩ-bezekĩ mwabũga ati, Abami makũmĩ alinda abatũbawa kwʼebikumo nʼamano wabo wʼobulume, mobasongya akalyo kabo omwisi wʼemesa yage. Ngoko nakola, Nyamuhanga abĩrĩnyĩtũhũlĩryako. Neryo mobamuleta eYerũsalema, mwaholerayo.

Abatswerĩ 5:27

Mũnamira oko bisando biwe, mwawa, mwalambukala; Mũnamira oko bisando biwe, mwawa. Nʼaho ũnamira, ha awira nʼerihola.