Yakobo 2:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Balĩkyetu, Simuyire ebitaga omo migendere yenyũ, ĩnywe mwabĩrĩkĩrĩrya nʼerikwama Omukama wetu Yesu Kristo, Omwenye olukengerwa.

Nouveau Testament et Psaumes en Ndandi Version 1962

¹ Abagala betu, suhambe erikirirya ryoMukama wetu Yesu Kristo owolukengerwa nerisombola bandu.

Yakobo 2:1 Iomraidhean Croise

2 Emyatsi yʼEmigulu 19:7

Neryo lino obuba bwʼomwami Mukulu bubye nenyũ; mũyĩtegaye mukolekyo; kusangwa sihali kibi haguma nʼOmwami Mukulu Nyamuhanga wetu, kutse ebitaga, kutse erĩĩmya ekyũtũlĩro.

Emĩsyo 24:23

Ebĩ nĩ bĩnywa byʼabʼamenge. Erisombola ebitaga omwʼitswera Sĩryowene.

Emĩsyo 28:21

Erisombola ebitaga Sĩryowene; Kutse omundu ĩsĩahalaya busana nʼekitole kyʼobundu.

Abalawĩ 19:15

Susyekola ebitatunganene omwʼitswera. Susyesombola mundu mwera, kutse erĩsĩkya omundu wʼamaka; nĩkwa wasyatswera mũlĩkyenyũ omo litunganene.

Matayo 22:16

Neryo mobatuma abiga babo haguma nʼAbanya Herode uku Yesu bati, Mũkangĩrĩrya, tũnasĩ kʼuli wʼekwenene, kandi Akakangĩrĩraya enzira ya Nyamuhanga omo kwenene, sulitsomana mundu, sulitsomana amalengekanĩa wʼabandu, kandi sulisombola ebitaga nʼebite bitaga.

Emibiri 10:34

Neryo Petero mwatsũka erĩbũga ati, Namaminya ndeke lino ngoko Nyamuhanga siawite ebitaga.

Emibiri 20:21

Monabwira Abayũda nʼAbagĩrĩkĩ bo ndeke nyiti babindule emitima yabo baleke ebibi byabo, babindukire Nyamuhanga nʼerĩkĩrĩrya Omukama wetu Yesu Kristo.

Emibiri 24:24

Nĩkwa enyũma wʼebindi biro, Felĩkĩ mwahĩka nʼomũkalĩ wuwe Mũyũda. Neryo mwatumira uku Paũlo, kandi mwamuhulikirira akabũga omwatsi wʼerĩkĩrĩrya Kristo Yesu.

Emibiri 7:2

Neryo Setefano mwasũbĩryabo ati, Balĩkyetu, nʼabotata, mũnyowe! Nyamuhanga wʼolukengerwa mwabutukira tata wetu Abrahamũ, omugulu abya eMesopotamia, ate ayĩkala eHaranĩ.

AbanyaRoma 1:11

Kusangwa nyĩbakwĩre olukando lwʼeribalolako, inatoka eribaha emyatsi yʼOmũlĩmũ, imwatoka erihangana ndeke.

1 AbanyaKorinto 2:8

Abatabalĩ bʼekihugo kino mobataminya amenge aya. Kusangwa nga balibya basĩ amenge ayo, kumbe sibetabamba Omukama wʼolukengerwa oko musalaba.

Eryibuka Ebihano 1:17

Isimwasombola bandu omwʼitswera; mwasyowa abake-bake nʼabakulu-bakulu omo lulengo luguma; simubahe ameso wʼabandu; kusangwa eritswera ni rya Nyamuhanga; nʼomwatsi owakalĩre kwĩnywe mwasyandeterago, mowago.

Eryibuka Ebihano 16:19

Sĩmũsyehengemaya ekitunganene; sĩmũsyehĩraho ebitaga; kutse sĩmũsyĩmaya ekyũtũlĩro; kusangwa ekyũtũlĩro kĩkalĩba ameso wʼomundu wʼamenge, nʼerĩhabĩsya ebĩnywa byʼabatunganene.

AbanyaKolosai 1:4

Kusangwa twabĩrĩowa ngoko mwabĩrĩkĩrĩrya Kristo Yesu, kandi twabĩrĩowa ngoko mwanzĩre abandu bosĩ ba Nyamuhanga.

1 Timoteo 1:19

Ũtegaye erĩkĩrĩrya lyawe nʼobunya-mutima bubuya. Kusangwa abandi babirigana erihulikirira Obunya-mutima bwabo, neryo babĩrĩtsandya erĩkĩrĩrya lyabo.

1 Timoteo 5:21

Ngakuhana embere sya Nyamuhanga, nʼembere sya Kristo Yesu, nʼembere syʼabamalaĩka abo ayisoga nyiti, Ukwame amategeko aya, sutswere ute watondesya, kandi sũlebaye ndi nandi.

Tito 1:1

Ĩngye Paũlo, omugombe wa Nyamuhanga, nʼomukwenda wa Yesu Kristo, Ĩngye nayisogawa, kandi natumawa erĩwatĩkya erĩkĩrĩrya lyʼabandu Nyamuhanga ayisoga. Kandi erĩwatĩkyabo eriminya ekyʼekwenene omo kisomo kyetu kyʼerikenga Nyamuhanga.

Tito 2:13

itukalindirira nʼamaha gʼomũyĩsa ekiro kyʼobutseme, kandi tukalindirira erihuluka lyʼolukengerwa lwa Nyamuhanga wetu mukulu, nʼomũlamya wetu, Yesu Kristo.

AbaEbrania 1:3

Omugala akakangabasanaya nʼolukengerwa lwa Nyamuhanga. Kandi iye ni kiminyikalo kwenene kyʼeribyaho lya Nyamuhanga. Kandi akahanganaya emyatsi yosĩ yʼekihugo nʼeyʼekyanya omo kĩnywa kyʼobũtokĩ buwe. Neryo abere abĩerya ebibi busana nʼabandu, mwĩkala oko luhande lwʼamali lwa Nyamuhanga Omwenye Obukulu Owendata kutsibu.

AbaEbrania 12:2

Neryo tũhĩre ameso wetu uku Yesu oyukatuleta okwʼĩkĩrĩrya nʼoyũkaberererayalyo. Kusangwa Yesu mwayĩyĩnĩa oko musalaba, abya asĩ obutseme obwasyabya buwe, kandi mwatalebya esĩsonĩ syago nga kindu. Lino ĩkere oko luhande lwʼamali lwʼekĩtũmbĩ kyʼobwami kya Nyamuhanga.

Yakobo 1:16

Sĩmũtebĩbawe, balĩkyetu banze.

Yakobo 1:19

Balĩkyetu banze, muminye ekĩ. Obuli mundu abye akowa lũba, nĩkwa sĩabũge lũba, kutse siahitane lũba.

Yakobo 2:3

Neryo mukakenga Oyukambala esyongimba syowenenga muti, Ĩkala ahowene hano. Kandi mukabwira omundu mwera, muti, Hangana halya. Kutse muti, Ĩkala hano ahisi, hakũhĩ nʼekĩtũmbĩ kyage.

Yakobo 2:9

Nĩkwa mwamayira ebitaga, mukakola ebibi, kandi mwamasĩngwa nʼEmigambo ngʼabakahalaya.

Yakobo 3:17

Nĩkwa amenge awakalũa endata, embere ni mabuya; kandi ni wʼobuholo, kandi ahehere, kandi akowa lũba, oswĩre mwʼeriganyira, nʼemĩbĩrĩ mibuya; kandi sialisombola ndi nandi, kandi sĩalĩyĩtendereraya.

2 Petero 1:1

Ĩngye Sĩmonĩ Petero, omugombe nʼomukwenda wa Yesu Kristo, ngasakira abo babiribana erĩkĩrĩrya ngʼeryo tuwite busana nʼeritunganene lya Nyamuhanga wetu nʼomũlamya Yesu Kristo.

Yuda 1:16

Abandu aba bakatonga, nʼerirega abandi, ibakakwama esyongumbu syabo nyibi. Bakabũga nʼerĩyĩhamya, kandi bakapipa abandu busana nʼeribana kubo kwʼendũndĩ.

Eribisurirwa 14:12

Hano ho hali erĩyĩyĩnĩa lyʼabandu ba Nyamuhanga, abakategaya ebihano bya Nyamuhanga, kandi siberegula busana na Yesu.