Yakobo 1:25 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁵ Nĩkwa omundu oyukalangira ndeke omugambo owahĩkene, owʼobwĩranda, iniakakwamago ndeke, asyabana obutseme bwa Nyamuhanga omo mũbĩrĩ wuwe, kusangwa sialihulikirira buyira nʼeribirirwago; akakolago.

Nouveau Testament et Psaumes en Ndandi Version 1962

²⁵ Nikwa oyu kasa marira ebihano ebihikene, ebihano byeriyigenderya, akakwa mirirabyo nomuhwa, isimowi omwibirirwa nikwa omukoli oyu kakola, asyabana omuyisa omwikola riwe.

Yakobo 1:25 Iomraidhean Croise

Esyonyimbo 106:3

Obutseme buli oko bakowa erihana liwe, Abakakola ekitunganene emigulu yosĩ!

Esyonyimbo 119:32

Ngandikenga amahano wawe nʼomũhwa, Kusangwa wasyamba kandi eriminya.

Esyonyimbo 119:45

Nasyasiba omo bwĩranda mo ndeke, Kusangwa nabirirenga erikenga ebihano byawe.

Emĩsyo 14:15

Omũkĩrũ akĩkĩrĩraya obuli kĩnywa; Nĩkwa omũgerekanĩa akalebaya ndeke ngoko angagenda.

Ĩsaya 8:20

Okwʼĩkangĩrĩrya nʼokwʼĩtũlago! Bamatĩndabũga ngʼekĩnywa ekĩ, ni kusangwa sibawite eryibuka.

Luka 11:28

Nĩkwa Yesu mwamũsũbĩrya ati, Ko bite bitya, nĩkwa obutseme buli oko bakowa ekĩnywa kya Nyamuhanga nʼerikolakyo.

Yoane 13:17

Mwamaminya emyatsi eyĩ, muli nʼobutseme mwamakolayo.

Yoane 8:36

Neryo Mugala amabaha obwĩranda, mwasyabya nʼobwĩranda kũndũ.

Emibiri 13:43

Neryo abandu babere babĩlũa okwʼĩhĩndana omo nyũmba yʼerĩhĩndanamo Abayũda bangi nʼabandu bʼEbihanda ababinduka eribya Bayũda, mobakwama Paũlo na Barnaba. Neryo abakwenda mobakanĩa nabo nʼerihatikanabo erikwamirira olukogo lwa Nyamuhanga.

Emibiri 2:42

Neryo mobasiba bakiga erĩkangĩrĩrya lyʼabakwenda nʼeribya buguma nabo. Kandi babya bakahĩka oko mesa yʼomukama nʼokwʼisaba.

Emibiri 26:22

Neryo kusangwa Nyamuhanga mwanyĩwatĩkya, nyimene erihĩka mũnabwĩre erĩtũlago oko bagunda nʼoko bakulu. Ebyo ngabũga go nʼomwatsi ogo abamĩnyererĩ na Musa babũga bati akandisyabererera.

AbanyaRoma 11:22

Lebaya obubuya nʼobukali bya Nyamuhanga. Akalĩre busana nʼabandu abawa, nĩkwa ni mubuya ukʼuwe, wamakwamirira omo bubuya buwe. Bite bitya, nawe, wasyatũbwa nibya.

AbanyaRoma 2:13

Kusangwa Nyamuhanga Sĩalĩtũngananaya abakowa Emigambo omo matwĩ masa. Nĩkwa abakakola ebyo Migambo ikahana, bo basyatũngananĩbwa.

AbanyaRoma 7:12

Neryo Emigambo ĩbũyĩrĩre, kandi ekihano kĩbũyĩrĩre, kitunganene, kandi ni kibuya.

AbanyaRoma 8:15

Kusangwa Omũlĩmũ ogo Nyamuhanga abaha, sialibayira mo bakobe, Sialireka mukubaha kandi. Nĩkwa Omũlĩmũ akabayira mo bagala ba Nyamuhanga; kandi omo bũtokĩ bwʼOmũlĩmũ tukabirikira tuti, Tata! Tata!

AbanyaRoma 8:2

Kusangwa omugambo wʼOmũlĩmũ oyukatuha engebe busana nʼerimatikana na Kristo Yesu, abirinyibohola oko mugambo wʼebibi nʼowʼoluholo.

1 AbanyaKorinto 15:58

Neryo balĩkyetu banze, mũsĩke, simusega-segane, mukanyirire omo mũbĩrĩ wʼOmukama, ĩmũnasĩ ebyo mukakolera Omukama si bya busa.

2 AbanyaKorinto 13:5

Muyirengeko nga mukakwama omwʼĩkĩrĩrya; muyitswere! Sĩmwasĩ kwenene ko Kristo Yesu amatikene nenyũ kwehĩ? Mutetatoka ekyo imwabiritaluka.

AbanyaGalatia 2:4

Nĩkwa abandi abayahula mo balĩkyetu, mobasonda erĩmũbanĩa. Abandi aba mobĩngĩre omo katĩkatĩ ketu mo bũbĩso-bĩso, eriyalinga obwĩranda bwetu obo tuwite, itumatikene na Kristo Yesu, ibakasonda erituyira mo bakobe.

AbanyaGalatia 5:1

Kristo mwatubohola, tubane obwĩranda! Neryo muhangane, mũsĩke, simuleke mukaswabohwa ngʼabakobe.

AbanyaGalatia 6:2

Muhekerane obũlĩto, neryo mutya mwasyaberererya Emigambo ya Kristo.

AbanyaKolosai 1:23

Nĩkwa litolere imwakwama butsira eriregula omwʼĩkĩrĩrya, ĩmũnasĩkĩre ndeke. Sĩmũtũndawe mukaleka amaha wʼEngulu Yowene eyo mowa. Ĩngye Paũlo nabiribya mugombe wʼEngulu Yowene eyĩ, eyĩkakangĩrĩrĩbawa oko bandu bosĩ muna-kihugo.

1 Timoteo 2:15

Nĩkwa omũkalĩ asyalamĩbwa omwʼibuta bana, amakwamirira omwʼĩkĩrĩrya nʼolwanzo, nʼeriyihigula, kandi omwʼĩteya.

1 Timoteo 4:16

Ũyĩtegaye, kandi ũtegaye erĩkangĩrĩrya lyawe. Kandi uyitsinge omo myatsi eyĩ, kusangwa Wamakola utya wasyayĩlamya haguma nʼabakakuhulikirira.

AbaEbrania 12:15

Mũlebaye Sihabye omundu oyukabula oko lukogo lwa Nyamuhanga. Kandi mũlebaye Sihabye omundu oyũkalĩre omo mutima, oyukaleta obũlĩge, neryo abangi bakatsanda.

Yakobo 2:12

Neryo mũbũge, mukole ngʼabandu abasyatswerwa nʼomugambo owakaleta obwĩranda.

1 Petero 2:16

Mukole ngʼabandu bʼobwĩranda nĩkwa Simuyire obwĩranda bwenyũ ngʼekindu kyʼerĩbĩsa ekibi, mubye bakobe ba Nyamuhanga.

1 Yoane 2:24

Neryo ĩnywe, mubike omo mitima yenyũ omwatsi ogo mwowa erĩmbere. Neryo omwatsi ogo mwowa erĩmbere amabya abĩkĩre omo mitima yenyũ, nenyũ mwasyamatikana nʼomugala na Tata.

Eribisurirwa 14:13

Neryo monowa omulenge akalũa elubula ati, Usake uti, Erĩtsũka lino, obutseme buli nʼabaholĩre, abakahola omo mũbĩrĩ wʼOmukama! Omũlĩmũ ati, Ega, basyahumula oko mĩbĩrĩ yabo, kandi emiganzo yʼemĩbĩrĩ yabo ikagenda haguma nabo.

Eribisurirwa 22:14

Obutseme buli ukwʼabo abakeraya esyokanzu syabo ibatoka eribya nʼehamũlĩ oko muti wʼengebe, nʼehamũlĩ yʼerilaba omo syongyo syʼomũyĩ oyo.

1 Samwelĩ 12:14

Mwamubaha Omwami Mukulu, nʼerimukolera, nʼerihulikirira omulenge wuwe, nʼeritendiyisamambula oko bihano byʼOmwami Mukulu, nenyũ nʼomwami nibya oyukabatabalako mwasyakwama Omwami Mukulu, Nyamuhanga wenyũ.