Yakobo 1:21 - AMASAKO ABOYTRTRE WA NYAMUHANGA AWAKAHULAWA MO BIBLIA

²¹ Neryo muguse obuli mwatsi atĩsĩrĩre, nʼemibere yosĩ yʼebibi. Neryo mwangirire nʼomutima molo ekĩnywa ekyo Nyamuhanga akahĩra omo mitima yenyũ, ekikatoka erĩbalamya.

Nouveau Testament et Psaumes en Ndandi Version 1962

²¹ Neryo muhiyire hali ebitisirire ebyosi nerikanya ryebibi, mwangirire nobolo eKinywa kyabiriherwa omwisi wenyu, ekyangatoka erilamya ebirimu byenyu.

Yakobo 1:21 Iomraidhean Croise

Esyonyimbo 25:9

Akasondola abandu bolo omo lĩbanza litunganene, Akakangĩrĩraya abandu bolo omo nzira yiwe.

Ĩsaya 2:20

Oko kiro ekyo abandu basyagusa esyosanamu syabo syʼebĩtsĩpa nʼesyosanamu syabo syʼesyamagetsi, oko bĩngĩrĩ nʼoko birima-lima esyo bayĩkokoteraya busana nabo erĩramyasyo;

Ĩsaya 29:19

Nʼabandu bʼobũlĩge basyakanyĩrĩrya obutseme bwabo omo Mwami Mukulu, nʼabandu bʼobwaga basyatsema ũmwʼOyũbũyĩrĩre wa Ĩsraelĩ.

Ĩsaya 30:22

Kandi mwasyatsandya esyosanamu syenyũ esĩbatsĩre esĩswĩkĩrwe nʼebĩtsĩpa, nʼesyosanamu syenyũ esyanũnĩbawa nʼeriswikwa omo syamagetsi. Mwasyapanzapanzasyo hali ngʼekindu kyʼesyonye. Mwasyabwirasyo muti, Mũlũeho!

Ĩsaya 61:1

Omũlĩmũ wʼomukama Omwami Mukulu anyiriko, kusangwa Omwami Mukulu abĩrĩnyĩhakabya amagũta, nyirete engulu yowene oko bandu abakagalawa. Abirinyituma erilunga ababũnĩkĩre omo mutima, erĩtũlĩra ababohĩre obwĩranda nʼerikingulira abandu bʼomũlĩkĩ,

Ezekĩelĩ 18:31

Muguse amalolo wenyũ gosĩ go hali, ago mwabĩrĩhalyamo, muyiyirire omutima muhya-muhya nʼekĩrĩmũ kihya-kihya! Kusangwa busana nakĩ, uwe kihanda kya Ĩsraelĩ, mwanzĩre erihola kwehi?

Ezekĩelĩ 36:25

Neryo nasyabatsatsanga kwʼamagetsi owene, nenyũ mwasyera. Nasyaberya oko mĩtĩndũ yenyũ yosĩ, nʼoko syosanamu syenyũ syosĩ.

Zefania 2:3

Mũsondaye Omwami Mukulu, ĩnywe bosĩ bʼekihugo abakayĩkehaya, ĩnywe mwabirikola erĩbanza liwe; mũsondaye eritunganene, mũsondaye obũyĩkehyo; kwamũhwa mwasyabĩswa oko kiro kyʼerihitana lyʼOmwami Mukulu.

Matayo 5:5

Obutseme buli oko bʼomutima molo, Nyamuhanga asyahabo ebyo alaga!

Yoane 6:63

Nĩ Mũlĩmũ oyukaha engebe; omubiri sialigasakĩ. Ebĩnywa ebyo nabĩrĩbũga nenyũ nĩ Mũlĩmũ, kandi ni ngebe.

Yoane 6:68

Sĩmonĩ Petero mwamũsũbĩrya ati, Mukama, twasyaya ukundi kwehĩ? Uwe uwite ebĩnywa byʼengebe yʼerikota.

Emibiri 10:33

Neryo-neryo monakutumirako, nawe wamayira ndeke ũkahĩka. Na lino ĩtwe bosĩ tune hano emuliro wa Nyamuhanga erĩowa ebyosĩ ebyo Mukama abirikuhana.

Emibiri 13:26

Balĩkyetu, abana bʼekĩtũnga kya Abrahamũ, nenyũ abandi mukakenga Nyamuhanga, engulu eyĩ yʼerĩlamya yabiritumwa ũkwʼĩtwe.

AbanyaRoma 1:16

Kandi sĩnyĩkwĩre esĩsonĩ busana nʼEngulu Yowene, kusangwa nĩ bũtokĩ bwa Nyamuhanga, obũkalamaya obuli mundu Oyũkĩkĩrĩraya, erĩtsũka oko Bayũda, nʼakandi oko bandu bʼebindi bihanda nibya.

AbanyaRoma 11:17

Nĩkwa eyindi mitahi yʼomuti wʼomũzeĩtũnĩ yamatahulwa, nawe Omutahi wʼomũzeĩtũnĩ wʼomolĩ ũkahĩrawa omo muti oyo ukasangira mo muboga wʼamatsitsi awakalũa omo mũlĩhĩ.

AbanyaRoma 6:17

Nĩkwa wasĩngya uku Nyamuhanga, kusangwa nomo mwanabya bakobe bʼebibi erĩmbere, lino mũkowa nʼomutima gosĩ erĩkangĩrĩrya lyʼekwenene eryo mwahabawa.

1 AbanyaKorinto 15:2

Kandi mũkalamĩbawa omo Ngulu Yowene eyo nabakangĩrĩraya, mwamasĩka muyo mo ndeke, mwamabya mũtalĩkĩrĩraya busa.

2 AbanyaKorinto 7:1

Neryo ĩnywe banze betu, kusangwa tuwite esyondagane esĩ, tũyĩtegaye oko bĩtĩsĩrĩre byosĩ ebyʼomubiri nʼebyʼekĩrĩmũ, kandi tusonde eribya ababũyĩrĩre ndeke, nʼerirendera omo lubahwa lwa Nyamuhanga.

AbanyaEfeso 1:13

Omwatsi kwʼabya atya busana nenyũ. Omugulu mowa omwatsi wʼekwenene, wʼEngulu Yowene yʼerĩbalamya omwʼĩkĩrĩrya Kristo. Iye Nyamuhanga mwabahĩrako ekiminyikalo kiwe, iniakabaha Omũlĩmũ Abũyĩrĩre ogo alaga.

AbanyaEfeso 4:22

Neryo muleke emibere ya kera eyabya ĩkabatsandya omo syongumbu esikabateba.

AbanyaEfeso 4:25

Neryo mugane eribiha lyosĩ. Obuli mundu abũge ebyʼekwenene oko mũlĩkyabo, kusangwa ĩtwe bosĩ tuli balĩkyabo omo mubiri wa Kristo.

AbanyaEfeso 5:4

Kandi siritolere mukahula emyatsi eyĩkĩta esĩsonĩ, kutse ebĩnywa ebyʼobũkĩrũ kutse ebyʼerĩsekererya, nĩkwa kumbe mũkabũga ebikakenga Nyamuhanga.

1 AbanyaTesalonika 1:5

Neryo motwabaletera Engulu Yowene, butsira omo bĩnywa bisa, nĩkwa omo maka, nʼomo Mũlĩmũ Abũyĩrĩre, nʼerĩsĩngana lyʼomwatsi wʼekwenene. Mũnasĩ emikolere yetu omo katĩkatĩ kenyũ; ngoko twakola busana nʼerĩbawatĩkya.

1 AbanyaTesalonika 2:13

Kandi busana nʼomwatsi oyũ, tukaha Nyamuhanga yʼewasĩngya emigulu yosĩ. Tuti, omugulu twabaletera ekĩnywa kya Nyamuhanga, momũtowakyo nʼeriangirirakyo ngʼekĩnywa kyʼabandu, nĩkwa ngoko kiri kwenene, ekĩnywa kya Nyamuhanga. Kusangwa ni Nyamuhanga oyukakola omo katĩkatĩ kenyũ ĩnywe mũkĩkĩrĩraya.

Tito 2:11

Kusangwa Nyamuhanga abĩrĩmĩnyĩkalya olukogo luwe, olukaleta erilama, busana nʼabandu bosĩ.

AbaEbrania 12:1

Nĩkwa ĩtwe, kusangwa tũtĩmbĩrweko nʼendeko nene yʼabalangĩrĩ, tũyĩlũsaye kwʼebyosĩ ebĩkatũkakĩraya, nʼebibi ebikatuhamba, tutibite nʼerĩyĩyĩnĩa omo matangwa awali embere syetu.

AbaEbrania 2:3

Netu twasyabala tuti twamapona erilama linene ringaha kwehĩ? Omukama mwatsũka erĩtũla engulu yʼerilama erĩ, neryo abamowa mobahanganĩayo ndeke.

AbaEbrania 4:2

Kusangwa Engulu Yowene moyatũhĩkako ngoko yahĩka kubo; nĩkwa ekĩnywa ekyo bowa mokitetawatĩkyabo kusangwa mobagana erĩkĩrĩryakyo.

Yakobo 4:8

Mũyĩtũnde hakũhĩ na Nyamuhanga, naye akandĩyĩtũnda hakũhĩ nenyũ. Mũnabaye ebyala byenyũ, ĩnywe bakola-nabi! Mweraye emitima yenyũ ĩnywe mũkayĩtendereraya.

Yakobo 5:20

muminye omwatsi ono, oyũkasũbũlaya omukola-nabi erĩmũlũsya okwʼitala liwe, akalamaya omutima wʼomukola-nabi oyo okwʼihola, kandi akaleka ebibi binene ibyabuyirwa.

1 Petero 1:22

Neryo kusangwa mwabĩrĩerya emitima yenyũ, busana nʼerĩowa omwatsi wʼekwenene, kandi mwabiribya nʼolwanzo olute nʼeriteba busana nʼabalĩkyetu, lino litolere imwanzana nʼemitima yenyũ yosĩ nʼomũhwa.

1 Petero 1:9

Kusangwa mukabana endũlĩ yʼerĩkĩrĩrya lyenyũ, omulamo wʼemitima yenyũ.

1 Petero 2:1

Neryo mũyĩlũsaye kwʼebibi byosĩ, nʼeribiha lyosĩ, nʼerĩyĩtendererya, nʼeritsura, nʼerirega abandi ryosĩ.

1 Petero 2:11

Abanze betu, ngabalemba-lemba ngʼababunga nʼabagendĩ, mugane erikwama esyongumbu syʼomubiri esikalwa nʼomutima.