Yakobo 1:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Obutseme buli nʼomundu oyũkasĩka omwʼirengwako, kusangwa amabitoka erirengwako asyangirira embĩta yʼengebe, eyo Nyamuhanga abirilaga abamwanzĩre.

Nouveau Testament et Psaumes en Ndandi Version 1962

¹² Oinuyisa ari oko mundu oyu kasika omwilengwako, kusangwa amabitoka erirengwako asyangirira embita yengebe eyo Mungu abirilaga abamwanzire.

Yakobo 1:12 Iomraidhean Croise

Enzũko 22:1

Enyũma wʼaho, Nyamuhanga mwalenga uku Abrahamũ, mwamubwira ati, Abrahamũ! Naye mwabũga ati, Nandi hano.

Nehemĩa 1:5

Neryo monabũga nyiti, Ngakulemba, uwe Mwami Mukulu, Nyamuhanga wʼelubula, Nyamuhanga Mukulu, nʼowʼerĩswekya, oyũkaberereraya endagano nʼekibuya kyʼolwanzo oko bandu bakamwanza nʼerĩteya ebihano biwe.

Yobũ 2:10

Nĩkwa Yobũ mwamubwira ati, Ũkabũga ngʼomuguma gʼoko bakalĩ bakĩrũ. Nĩkĩ kwehĩ? Twasyangirira ebibuya omo byala bya Nyamuhanga, isitwendisyabana nʼobũlĩge kwehĩ? Omo byosĩ ebĩ Yobũ mwatabũga bibi omo mĩnywa yiwe.

Yobũ 5:17

Lebaya, omundu oyo Nyamuhanga akakunga ali nʼobutseme. Neryo supone erikunga lyʼOmũtokĩ Wʼebyosĩ.

Esyonyimbo 11:5

Omwami Mukulu akalenga abatunganene nʼababi, Nĩkwa akakwa ababi bʼobusu, nʼoyo wanzĩre omwaga.

Esyonyimbo 119:67

Ute wanyisuyira, nabya ngakola nabi, Nĩkwa lino ngakenga ekĩnywa kyawe,

Esyonyimbo 119:71

Erinyisuyira lyabya lyowene busana nage, Kusangwa molyanyĩgĩsya ebihano byawe.

Esyonyimbo 119:75

Nyĩnasĩ amahamulo wawe, uwe Mwami Mukulu, atunganene, Kandi mowanyisuyira kusangwa Suliregula.

Esyonyimbo 5:11

Nĩkwa abosĩ abakakusagirako batseme, Bayitsangure ebiro byosĩ, nawe wimirebo,

Esyonyimbo 94:12

Uwe Mwami Mukulu, obutseme buli oko mundu oyũkakangĩrĩraya, Nʼomundu oyũkakangĩrĩraya emigambo yawe,

Erĩlũayo 20:6

nʼerĩkangya obubuya bʼolwanzo oko elfu nʼamaelfu wʼabandu abanyanzĩre nʼerĩteya ebihano byage.

Emĩsyo 17:3

Enyungu yʼerĩerya ni busana nʼebĩtsĩpa, nʼerĩko ni busana nʼesyamagetsi; Nĩkwa Omwami Mukulu akalenga emitima.

Ĩsaya 64:4

Kusangwa erĩtsũka na kera abandu sĩbetowa, kutse eriminya omo matwĩ, kutse erĩso siryetalangira ogundi Nyamuhanga butsira we, oyukakolera oyukamulinda.

Zekarĩa 13:9

Kandi nasyalabya ekihande ekyo kyʼakasatu omo muliro, nasyatũkũryabo ngʼebĩtsĩpa bĩkatũkũrĩbawa, kandi nasyalengabo ngʼesyamagetsi ko sikalengawa. Basyalakira erĩna lyage, nage nasyasũbĩryabo; nasyabũga nyiti, Ni bandu bage; nabo basyabũga bati, Omwami Mukulu ni Nyamuhanga wetu.

Matayo 10:22

Kandi abandu bosĩ basyabakwa obusu busana nʼerĩna lyage. Nĩkwa oyo wasyayĩyĩnĩa erĩhĩka oko ndũlĩ yo wasyalamĩbwa.

Matayo 25:34

Neryo Omwami asyabwira abandu abali oko byala biwe byʼamali ati, Mwase, ĩnywe Tata wage abiritsumula, mwĩmaye obwami obwakokotĩbawa busana nenyũ okwʼihangika lyʼekihugo.

Luka 6:22

Obutseme buli nenyũ omugulu abandu bakabakwa obusu, nʼeribagana, nʼeribatsuma, nʼeribahula bati, Muli babi, busana nʼomugala wʼOmundu!

AbanyaRoma 5:4

Nʼerĩyĩyĩnĩa likaleta erĩsĩmwa na Nyamuhanga, nʼerĩsĩmwa likaleta amaha.

AbanyaRoma 8:28

Tũnasĩ ngoko Nyamuhanga akaleka emyatsi yosĩ ĩyowana busana nʼabakamwanza, kandi busana nʼabo abirikira ngʼerĩyĩsũnza liwe.

1 AbanyaKorinto 2:9

Nĩkwa Amasako akabũga ati, Emyatsi eyo ameso ate alangira, nʼamatwĩ atĩowa, Nʼemyatsi eyo mutima ate aganĩrya, Eyo ni myatsi eyo Nyamuhanga abiritegeka busana nʼabandu abamwanzĩre.

1 AbanyaKorinto 8:3

Nĩkwa omundu oyo wanzĩre Nyamuhanga, Nyamuhanga abirimuminya ndeke.

1 AbanyaKorinto 9:25

Neryo obuli mundu oyukakwama amatangwa, akayĩtegaya kutsibu omo myatsi yosĩ. Bakakola batya bati babane embĩta yʼebiti ebikalagala, nĩkwa ĩtwe tũkayĩtegaya busana nʼembĩta eyitelagala na kera.

Eryibuka Ebihano 13:3

simusyehulikirira ebĩnywa byʼomũmĩnyererĩ oyo, kutse omũlotĩ oyo wʼesyonzolĩ; kusangwa Omwami Mukulu Nyamuhanga wenyũ akabalenga eriminya nga mwanzĩre Omwami Mukulu Nyamuhanga wenyũ nʼomutima wenyũ gosĩ nʼekĩrĩmũ kyenyũ kyosĩ.

Eryibuka Ebihano 7:9

Neryo Uminye ko Mwami Mukulu Nyamuhanga wawe, iye ni Nyamuhanga, Nyamuhanga wʼeritendiregula, oyũkaberereraya endagano nʼobwenge oko bamwanzĩre nʼabakabika ebihano biwe erĩhĩka oko syondengo elfu.

Eryibuka Ebihano 8:2

Kandi mwasyibuka enzira yosĩ eyo Mwami Mukulu Nyamuhanga wenyũ abasondolamo emyaka yosĩ eyo amakũmĩ ani omo mbwarara, iniatoka erĩbakehya, nʼeribalengako, eriminya ekyabya omo mutima wenyũ, nga mwasyateya ebihano biwe kutse iyihi.

2 Timoteo 2:15

Uyire omũhwa erĩsĩmwa embere sya Nyamuhanga ngʼomũkolĩ wʼomũbĩrĩ oyutehemuka busana nʼomũbĩrĩ wuwe. Kandi oyũkakangĩrĩraya ndeke-ndeke omwatsi wʼekwenene wa Nyamuhanga.

2 Timoteo 4:8

Kandi nabiribikirwa embĩta yʼeritunganene eyo Mukama, Omũtswerĩ oyutunganene, asyamba oko Kiro ekyo. Kandi si busana nage ĩngyowene, nĩkwa asyahayo oko bosĩ abanzĩre eributuka liwe.

AbaEbrania 10:32

Nĩkwa mwibuke ebiro byʼerĩmbere, omugulu mwabana ekyakakala kya Nyamuhanga, ngoko mwayĩyĩnaya butsira erĩkĩndwa omo malwa awakalĩre, nʼomo malĩge.

AbaEbrania 11:17

Busana nʼerĩkĩrĩrya, Abrahamũ omugulu alengawako, mwaha mugala wuwe Ĩsaka mo buhere. Kandi oyo wabana esyondagane, mwabya akahera ekyusa kiwe mo buhere.

AbaEbrania 12:5

Mwabiribirirwa ebĩnywa ebyo ebĩkasĩkaya omutima, ebĩkabũgawa nenyũ ngʼabagala biti, Mugala wage, supone erisuyira lyʼOmwami Mukulu, Kutse Suleke omutima erioloba omugulu akakukunga.

AbaEbrania 6:15

Abrahamũ mwalindirira nʼeritindaluha, neryo mwasunga ebyo Nyamuhanga alaga.

Yakobo 2:5

Abalĩkyetu banze, muhulikirire ndeke! Nyamuhanga mwayisoga abera bʼekihugo eribya ngʼabandu bʼebindu omwʼĩkĩrĩrya, abasyabana Obwami obo Nyamuhanga abirilaga oko bakamwanza.

Yakobo 5:11

Mũlebaye, tukaganza abayĩyĩnaya mo bandu bʼobutseme. Mwabĩrĩowa engulu yʼerĩyĩyĩnĩa lya Yobũ, kandi mwabirilangira ebyo Mukama asala amukolera. Kusangwa Omukama ni wʼeriganyira kutsibu, kandi akaganyira abandu.

1 Petero 3:14

Kandi nomo mwangagalwa busana nʼerikola ekitunganene, muli bandu bʼobutseme. Simubahe erĩũbahya lyabo, kandi sĩmũhahũkaye emitima.

1 Petero 4:13

Nĩkwa mutseme kusangwa mukasangira amalĩge wa Kristo. Neryo omugulu olukengerwa luwe lwasyabĩsũlwa, imwatoka eritsema nʼeritsanga.

1 Petero 4:14

Mwamatsumwa kusangwa mukakwama Kristo, muli nʼomũyĩsa, kusangwa Omũlĩmũ wʼolukengerwa, wʼOmũlĩmũ wa Nyamuhanga ĩkere nenyũ.

1 Petero 5:10

Neryo mwamabiagalwa akatambĩ, Nyamuhanga owʼolukogo losĩ oyo wababirikira erisangira olukengerwa luwe lwʼerikota haguma na Kristo, asyabahĩkanĩa, nʼerĩbasĩkya, nʼeribaha amaka, nʼerĩbahanganĩa ndeke.

1 Petero 5:4

Neryo mugulu Omũlĩsya mukulu asyamĩnyĩkalĩbwa, mwasyabana embĩta yʼolukengerwa olutekula.

1 Yoane 4:19

Tukanza, kusangwa Nyamuhanga mwatsũka eritwanza.

Eribisurirwa 2:10

Sigubahe ebĩkandĩsyakwagalya. Lebaya! Satanĩ ikasonda erigusa abandi bʼũkwʼĩnywe bʼomo mũlĩkĩ, mulengaweko, kandi mwasyagalwa ebiro ĩkũmĩ. Ubye nʼobutalegula erĩhĩka oko luholo, nage nasyakuha embĩta yʼengebe.

Eribisurirwa 3:19

Ngakunga nʼerisuyira abosĩ abo nyanzĩre. Neryo ubye nʼomũhwa, ubindule omutima wawe erireka ebibi.

Eribisurirwa 3:21

Oyũkakĩnda, nasyamuha ehamũlĩ erĩĩkala haguma nage oko kĩtũmbĩ kyage kyʼobwami, ngoko nĩkala haguma na Tata wage oko kĩtũmbĩ kiwe kyʼobwami.