Tito 3:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Nyamuhanga mwatũlamya. Si busana nʼemĩbĩrĩ itunganene twakola, nĩkwa busana nʼeriganyira liwe, Omũlĩmũ Abũyĩrĩre ĩnĩakatweraya, kandi akatubuta bubya-buhya, nʼerituha engebe nyihyanyihya.

Nouveau Testament et Psaumes en Ndandi Version 1962

⁵ butsira busana nemibiri twakola omo ritunganene, nikwa busana neriganyira riwe, mwatulamya, busana neriera ryeri butwa buhya-buhya neriyirwa bahyabahya omo Kirimu Kibuyirire,

Tito 3:5 Iomraidhean Croise

Yobũ 15:14

Omundu nĩkĩ, ati abye mubuya kwehĩ? Nʼoyukabutawa nʼomũkalĩ ati abye oyutunganene kwehĩ?

Yobũ 25:4

Neryo omundu angatoka ati eribya nʼerĩbanza embere sya Nyamuhanga kwehĩ? Kutse Oyukabutawa nʼomũkalĩ angatoka eriera ati kwehĩ?

Yobũ 9:20

Nomo nangabya mutunganene, Obuno bwage ĩbwanyĩbanĩsya olubanza; Nomo nangahĩkana, asyanyĩsĩnga ko ndi mubi.

Esyonyimbo 130:7

Uwe Ĩsraelĩ, Uyiketere Omwami Mukulu, Kusangwa olwanzo lwʼOmwami Mukulu silulyusa, Kandi anzĩre emigulu yosĩ erĩtongolya.

Esyonyimbo 143:2

Sunyihandikirire, ĩngye mugombe wawe; Omo meso wawe sihali oyutunganene.

Esyonyimbo 51:10

Uwe Nyamuhanga, uhangike omutima owene omwisi wage. Kandi ũhĩre ekĩrĩmũ kitunganene omwisi wage.

Esyonyimbo 62:12

Kandi Mukama, olwanzo olutyusa ni lwawe, Kusangwa uwe Mukama ukaliha obuli mundu ngʼemĩbĩrĩ yiwe kwʼiri.

Esyonyimbo 86:15

Nĩkwa uwe Mukama, uli Nyamuhanga wʼeriganyira, nʼowʼolwanzo. Sulihitana lũba, uli wʼobwenge ebiro byosĩ, Suliregula.

Esyonyimbo 86:5

Uwe Mukama, uli mubuya, kandi ukabwira, Woswĩre mwʼolwanzo olutyusa busana nʼabosĩ abakakulakira.

Ĩsaya 57:12

Ĩngye nasyatũla omwatsi wʼeritunganene ryawe nʼemĩbĩrĩ yawe, nĩkwa sibyendisyakugasirakĩ.

Ezekĩelĩ 36:25

Neryo nasyabatsatsanga kwʼamagetsi owene, nenyũ mwasyera. Nasyaberya oko mĩtĩndũ yenyũ yosĩ, nʼoko syosanamu syenyũ syosĩ.

Mĩka 7:18

Nindi yo Nyamuhanga nga we, oyukabuyira ebibi, nʼerikiruka okwʼihona lyʼamasĩgalira wʼabandu buwe kwehĩ? Sialibika erihitana liwe kera na kera, kusangwa akatsemera obubuya bʼolwanzo.

Matayo 3:11

Nĩkwa ĩngye ngababatĩsaya omo magetsi erĩkangya ngoko mwabiribindula emitima yenyũ erireka ebibi; nĩkwa oyukandisyasa enyũma kwĩngye asyababatĩsya omo Mũlĩmũ Abũyĩrĩre nʼomo muliro. Kandi anyĩrengĩrye maka, nage sinyitolere erimuhekera esyongendero siwe.

Luka 1:50

Eriganyira liwe liri oko bosĩ abakamu­baha, Erĩtsũka oko lulengo luguma nʼerĩhĩka oko Sindi.

Luka 1:54

Abĩrĩwatĩkya omugombe wuwe Ĩsraelĩ, Iniakibuka eriganyira liwe.

Luka 1:72

Erĩkangya eriganyira liwe oko botata wetu, Nʼeribuka endagane yiwe ĩbũyĩrĩre.

Luka 1:78

Kusangwa Nyamuhanga wetu ni wʼomutima wʼeriganyira, Lyasyaleka omusakala wʼerilama akalũa endata ĩnĩahĩka erĩtũkolerya.

AbanyaRoma 11:14

Kumbe nangatoka erireka abʼekihanda kyage ibabya nʼobũha, nʼerĩlamya abandi ba kubo.

AbanyaRoma 11:6

Neryo eriyisoga liwe lyamabya busana nʼolukogo luwe, silwimene oko mĩbĩrĩ. Kite kitya olukogo luwe si kwenene.

AbanyaRoma 12:2

Sĩmũsosekanĩbawe nʼemyatsi yʼekihugo kino, nĩkwa muleke Nyamuhanga eribahindula nʼeribaha obũlengekanĩa buhya-buhya. Mutya mwasyatoka eriminya erisonda lya Nyamuhanga. Erisonda erĩ ni ribuya, kandi lĩkatsemesaya, kandi lĩhĩkene.

AbanyaRoma 3:20

Kusangwa sihali mundu oyo wasyatũngananĩbwa embere sya Nyamuhanga busana nʼerikola Emigambo. Kusangwa Emigambo ĩkamĩnyĩsaya abandu ko bakakola nabi.

AbanyaRoma 3:28

Kusangwa ĩtwe tuti, omundu akatũngananĩbawa busana nʼerĩkĩrĩrya, butsira erikola Emigambo.

AbanyaRoma 4:5

Nĩkwa oyutakola omũbĩrĩ, nĩkwa akĩkĩrĩraya oyũkatũngananaya abandu babi, erĩkĩrĩrya liwe likaleka iniaganzwa mo mutunganene.

AbanyaRoma 9:11

Nĩkwa abahasa bate babutwa, isibebakola kibuya kutse kibi,

AbanyaRoma 9:16

Neryo si busana nʼerisonda lyʼomundu kutse erikola liwe, nĩkwa ni busana nʼeriganyira lya Nyamuhanga.

AbanyaRoma 9:30

Neryo tũbũgekĩ kwehĩ? Abʼebihanda abatekwama eritunganene, mobatũngananĩbwa na Nyamuhanga omo kitunganene ekikabanika busana nʼerĩkĩrĩrya.

1 AbanyaKorinto 6:11

Neryo abandi omo katĩkatĩ kenyũ ko mwanabya mutya; nĩkwa lino ĩnywe mwabĩrĩerĩbwa kwʼebibi, kandi mwabirihigulwa, kandi mwabiriyirwa mo batunganene busana nʼerĩna lyʼomukama Yesu Kristo, nʼomo Mũlĩmũ wa Nyamuhanga wetu.

AbanyaGalatia 2:16

Nĩkwa tũnasĩ omundu sialitunganana embere wa Nyamuhanga busana nʼerikola Emigambo, nĩkwa busana nʼerĩkĩrĩrya Yesu Kristo. Netu twabĩrĩkĩrĩrya Kristo, itwatoka eribya batunganene, busana nʼerĩkĩrĩrya uku Kristo, butsira erikwama Emigambo. Kusangwa sihali mundu oyo wasyatũngananĩbwa embere wa Nyamuhanga busana nʼerikwama Emigambo.

AbanyaEfeso 2:4

Nĩkwa Nyamuhanga awite eriganyira ĩnene, nʼolwanzo luwe busana netu ni lunene.

AbanyaEfeso 4:23

Mubye bahya-bahya omo mitima yenyũ nʼomo malengekanĩa wenyũ.

AbanyaEfeso 5:26

iniatoka erihigulayo nʼerĩeryayo ĩnĩamabĩlabyayo omo magetsi, kye kĩnywa kiwe.

Eryibuka Ebihano 9:5

Si busana nʼeritunganene lyenyũ, kutse busana nʼerĩhĩkana lyʼomutima wenyũ, ukingira erĩsĩgalya ekihugo kyabo; nĩkwa busana nʼebibi byʼebihanda ebĩ, Omwami Mukulu akahigabyo embere syenyũ, iniatoka erĩsĩkya erĩlahĩrya eryo Mwami Mukulu alahĩrĩraya abotata-kulu wenyũ, Abrahamũ, na Ĩsaka, na Yakobo.

AbanyaKolosai 3:10

Kandi mwabiriambala omundu muhya-muhya, oyo Nyamuhanga, mũhangĩkĩ wuwe akabindula, itwatoka erimusosa nʼerimuminya ndeke.

2 Timoteo 1:9

Iye abĩrĩtũlamya nʼeritubirikira eribya bahigulwa buwe-buwe. Mwatakola atya busana nʼemikolere yetu, nĩkwa busana nʼerĩyĩsũnza liwe nʼolukogo luwe. Kandi mwatuha olukogo olũ omwisi wa Kristo Yesu embere wʼerĩtsũka lyʼemigulu.

Tito 3:4

Nĩkwa omugulu Obugenge bwa Nyamuhanga Omũlamya wetu, nʼolwanzo luwe busana nʼabandu byahuluka,

AbaEbrania 10:22

Tuyitwale hakũhĩ na Nyamuhanga, nʼomutima wʼekwenene, nʼerĩkĩrĩrya erĩtswayĩre ndeke, itunawite emitima yerĩre oko bunya-mutima bubi, nʼemibiri eyerĩre omo magetsi owene.

AbaEbrania 4:16

Neryo tuyitwale hakũhĩ nʼobwĩranda oko kĩtũmbĩ kyʼobwami kya Nyamuhanga, ahali olukogo. Tutoke eribana eriganyira, kandi twangirire olukogo lwʼerĩtũwatĩkya oko mugulu wʼobwaga.

AbaEbrania 6:6

Neryo bamabitoga, siryetokekana kubo eriswabinduka nʼerireka ebibi kusangwa bakaswabamba Omugala wa Nyamuhanga oko musalaba, nʼeriswamuhemula.

1 Petero 1:3

Tupipe Nyamuhanga ye Tata wʼOmukama wetu Yesu Kristo! Busana nʼeriganyira liwe lĩnene, abiriswatubuta kandi nʼerituha engebe eyiri nʼamaha busana nʼerĩlũbũka lya Yesu Kristo oko baholĩ.

1 Petero 2:10

Kusangwa Simwabya bandu, nĩkwa lino muli bandu ba Nyamuhanga; mwabya isimwetabana eriganyira lya Nyamuhanga, nĩkwa lino mwabiribana eriganyira liwe.

1 Petero 3:21

Omwatsi oyo nĩ kĩsosekanĩo kyʼolũbatĩso busana nʼerilama lyenyũ. Erĩbatĩsya sĩ ʼlũsya lyʼemĩtĩndũ yʼomubiri, nĩkwa ni ʼlaga Nyamuhanga omo bunya-mutima bowene, erĩlamĩbwa busana nʼerĩlũbũka lya Yesu Kristo.