Tito 3:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Kandi sibatsume mundu, sibalwe, bakangaye obwĩra, nʼerĩkanganĩa omutima molo oko bandu bosĩ.

Nouveau Testament et Psaumes en Ndandi Version 1962

² sibanegulire omundu, sibalwe, babye bolo, bakangaye erikenga abandu bosi.

Tito 3:2 Iomraidhean Croise

2 Samwelĩ 22:36

Kandi wabirimba engabo yʼerilamya lyawe; Nʼerĩwatĩkya lyawe lyabirinyiyira mo mukulu.

Esyonyimbo 140:11

Kandi abakalega abandi sibatoke; Ekibi kĩhĩke oko mundu wʼomwaga nʼerĩmũtogotya.

Emĩsyo 19:19

Omundu wʼerihitana lĩnene asyatswera endĩhĩ; Kusangwa wamamũbalya asyasubiralyo kandi.

Emĩsyo 25:24

Lyowene erĩĩkala omo lutwe, Kwilaba erĩĩkala omo nyũmba ĩgalĩhĩre haguma nʼomũkalĩ wʼerinegena.

Emĩsyo 6:19

Omũlangĩrĩ wʼamabehĩ oyũkabũga amabehĩ, Nʼoyũkapanzalĩkanaya amalwa omo katĩkatĩ kʼabagala babo.

Ĩsaya 40:11

Asyalĩsya ekihangulo kiwe ngʼomũlĩsya, Asyabagalira ebyana byʼesyombũlĩ omo byala biwe, Nʼerihekabyo oko kĩkũba kiwe, Nʼerisondola esyosũhene nʼesĩkongaya syo bolo-bolo.

Matayo 11:29

Mwĩmaye engomo yage, muhekeyo, mwigire ũkwʼĩngye, kusangwa indi molo-molo nʼowʼomutima ahehere; nenyũ mwasyabana eriluhuka omo mitima yenyũ.

Emibiri 23:5

Nĩkwa Paũlo mwabũga ati, Balĩkyetu sĩndwe nyasĩ kwʼali mũhererĩ mukulu oko bahererĩ bosĩ. Kusangwa kĩsakĩre kiti, Sũsyebũga ekibi busana nʼomũtabalĩ wʼabandu benyu.

1 AbanyaKorinto 6:10

kutse abĩbĩ, kutse abakũndĩrya, kutse abakatsuma, kutse abanyeyĩ, aba sibendisyasangira oko bwami bwa Nyamuhanga.

1 AbanyaKorinto 9:19

Ingye indi bwĩranda, Sindi mukobe wʼomundu; nabiriyiyira mo mukobe wʼabandu bosĩ, inatoka eribana abandu bangi busana na Kristo.

2 AbanyaKorinto 10:1

Neryo ĩngye Paũlo, oyuli molo embere syenyũ, nĩkwa oyũkalĩre omugulu nde haguma nenyũ, ngabalemba-lemba busana nʼobolo nʼobubuya bwa Kristo,

2 AbanyaKorinto 12:20

Kusangwa ngubaha nyiti, omugulu ngabahĩkako, nasyabeya isimuli nʼomutima ogo nanganza, kandi nasyaminyikala ũkwʼĩnywe nga singwite omutima ogo mwanganza. Kandi mbino hasyabya malwa, obũha, erihitana, kutse obuhaka, nʼeritsuma, eritonga bandu, kutse emiyiheko, kutse omwaga.

AbanyaGalatia 5:22

Nĩkwa emikolere eyĩkalũa oko Mũlĩmũ yeyĩ: olwanzo, obutseme, Obuholo, eriyibombeka, obwenge, obubuya, eritendiregula,

AbanyaGalatia 6:1

Balĩkyetu, omundu amabanika Omwʼĩlolo, ĩnywe mukakola omo Mũlĩmũ, mũmũhanganaye; kandi, mukole mutya omo mutima molo, kandi Ũyĩtegaye, ukasyalengwako.

AbanyaGalatia 6:10

Neryo oko migulu yosĩ tukabana akatambĩ, tokole ebibuya oko bandu bosĩ, kandi kwilaba aho tukole ebibuya ukwʼabo abali omo kĩtũnga kyʼabĩkĩrĩrye.

AbanyaEfeso 4:2

Mũyĩkehaye, mubye nʼomutima molo, muyibombeke. Muganyirane omo lwanzo.

AbanyaEfeso 4:31

Muguse hali erikaliha lyosĩ, nʼeryagalirwa lyosĩ, muleke olukanda, nʼebĩtsũmĩ byosĩ, haguma nʼerĩkĩsya lyosĩ.

AbanyaFilipi 4:5

Mũmĩnyĩkalaye eriyibombeka lyenyũ oko bandu bosĩ, Omukama ali hakũhĩ!

1 AbanyaTesalonika 2:7

Nĩkwa motwayibombeka omo katĩkatĩ kenyũ nʼerĩkangya obolo obo nyĩnya akakangaya omugulu akalembera abana buwe.

1 Timoteo 3:11

Abakalĩ nabo bangabya abasĩkĩbwe, Sibabye abakatonga abandi, nĩkwa babye abatekũnda, abateregula omo myatsi yosĩ.

1 Timoteo 3:3

Kandi siabye mũtamĩrĩ, kutse owʼomururu, nĩkwa abye mugenge, abye mundu wʼobuholo, siabye oyo wanzĩre ebindu.

Yakobo 3:17

Nĩkwa amenge awakalũa endata, embere ni mabuya; kandi ni wʼobuholo, kandi ahehere, kandi akowa lũba, oswĩre mwʼeriganyira, nʼemĩbĩrĩ mibuya; kandi sialisombola ndi nandi, kandi sĩalĩyĩtendereraya.

Yakobo 4:11

Balĩkyetu, simuhandikirirane. Oyukahandikirira mũlĩkyabo, kutse erimutswera, akahandikirira Emigambo nʼeritswerayo. Nĩkwa Wamatswera Emigambo, sukiri oyukakenga Emigambo, nĩkwa uli mũtswerĩ wayo.

1 Petero 2:1

Neryo mũyĩlũsaye kwʼebibi byosĩ, nʼeribiha lyosĩ, nʼerĩyĩtendererya, nʼeritsura, nʼerirega abandi ryosĩ.

1 Petero 3:10

Ngoko Amasako ati, Oyo wanzĩre eritsemera engebe, nʼeribana ebiro byowene, Olulimi luwe lũmbaye erĩbũga ekibi, nʼemĩnywa yiwe yũmbaye eriteba.

1 Petero 3:8

Omo myatsi yosĩ eyĩ tuti, Ĩnywe bosĩ mubye nʼobũlengekanĩa buguma, nʼomutima muguma, mwanzane ngʼabasubeneko, mubye nʼomutima mubuya, kandi mũyĩkehaye.

1 Petero 4:4

Kandi abʼebihanda bakasweka omugulu mutesangira nabo omo syonye syabo syʼeritamira, neryo bakabatsuma.

2 Petero 2:10

Kwilaba aho, akabikabo busana nʼerisuyirabo ekiro kyʼeritswera abakakwama esyongumbu syabo esĩtĩsĩrĩre syʼomubiri, isibetsomana ehamũlĩ ya Nyamuhanga. Abakangĩrĩrya aba bakalĩre, kandi bakayipipa, nʼerikola erisonda lyabo. Sibekenga abʼolukengerwa bʼendata, nĩkwa bakatsumabo.

Yuda 1:10

Nĩkwa kandi abandu aba bakatsuma emyatsi eyo batasĩ. Kandi emyatsi yosĩ eyo basĩ omo mĩbĩrĩ yabo, ngʼesyonyama esitawite obũlengekanĩa, emyatsi eyo yo yĩkaherayabo.

Yuda 1:8

Kandi abandu aba bakakola batya. Busana nʼerilota lyabo bakatsandaya emibiri yabo. Kandi bakagana ehamũlĩ ya Nyamuhanga, ibakatsuma abali nʼolukengerwa endata.