Tito 2:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Olukogo olo lukatutegeka luti, tugane emikolere eyitekenga Nyamuhanga, nʼesyongumbu syʼekihugo, luti, tũyĩtegaye, nʼerikwama ekitunganene, nʼerikenga Nyamuhanga omo mikolere yetu oko mugulu ono,

Nouveau Testament et Psaumes en Ndandi Version 1962

¹² lukatukangiriraya, erigana eritinda kenga Mungu nesyongumbu sye kihugo, itwabya eriyikakirya, neritunganana, nerikenga Mungu omo kihugo kyalino,

Tito 2:12 Iomraidhean Croise

Esyonyimbo 105:45

Abandu buwe batoke erĩowa emigambo yiwe, Nʼerikwama ebihano biwe. Ĩnywe, mupipe Omwami Mukulu!

Esyonyimbo 4:3

Muminye Omwami Mukulu kwʼabiriyisoga oyukamukenga, Omwami Mukulu akowa omugulu ngamulakira.

Ezekĩelĩ 36:27

Kandi nasyahĩra Omũlĩmũ wage omwisi wenyũ, nʼerireka imwalendera omo migambo yage, nenyũ mwasyateya erikola ebilayiro byage.

Matayo 12:32

Omundundi oyo wasyabũga ekĩnywa kyʼobũyĩgũ oko Mugala wʼomundu asyabuyirwa, nĩkwa Omundundi oyo wa­syabũga ekĩnywa kyʼobũyĩgũ oko Mũlĩmũ Abũyĩrĩre, siendisyabuyirwa oko mugulu ono, kutse oko mugulu owakandisyasa.

Matayo 16:24

Neryo Yesu mwabwira abiga buwe ati, Omundu amanza erinyikwama, ayigane, aheke omusalaba wuwe, anyikwame.

Matayo 28:20

Mũkangĩrĩrayebo bakole ebyosĩ ebyo nabiribahana. Kandi mwibuke! Ingye ko ndi haguma nenyũ ebiro byosĩ erĩhĩka okwʼihwererera lyʼemigulu.

Luka 1:6

Kandi ababiri bosĩ babya batunganene embere sya Nyamuhanga, ibakakwama ndeke ebihano byosĩ nʼebilayiro byʼomukama.

Luka 1:75

Tubye babũyĩrĩre nʼabatunganene Embere siwe Omo biro byetu byosĩ.

Yoane 14:30

Sindiendĩsyabũga nenyũ kandi bingi, kusangwa omũtabalĩ wʼekihugo akahĩka, kandi siawite ehamũlĩ ũkwʼĩngye.

Yoane 6:25

Kandi omugulu abandu begaya Yesu eyisirya wʼengetsi, mobamũbũlya bati, Mũkangĩrĩrya, wahĩka eno yo mugulu wahi kwehĩ?

Emibiri 24:16

Neryo ngayitsinga eribya ebiro byosĩ nʼobunya-mutima bubuya, embere sya Nyamuhanga, nʼembere syʼabandu.

Emibiri 24:25

Kandi omugulu Paũlo abya akakanĩa omwatsi wʼeritunganene nʼowʼerĩyĩteya, nʼomwatsi wʼeritswera erikandisyasa, Felĩkĩ mubaha ati, Lino ukatagenda, neryo nasyabya nabibana omugulu nasyaswakubirikira.

AbanyaRoma 12:2

Sĩmũsosekanĩbawe nʼemyatsi yʼekihugo kino, nĩkwa muleke Nyamuhanga eribahindula nʼeribaha obũlengekanĩa buhya-buhya. Mutya mwasyatoka eriminya erisonda lya Nyamuhanga. Erisonda erĩ ni ribuya, kandi lĩkatsemesaya, kandi lĩhĩkene.

AbanyaRoma 6:12

Simuleke ebibi bikabatabalako omo mibiri yenyũ yʼerihola, ebikaleka mwowa esyongumbu syʼomubiri.

AbanyaRoma 6:19

Ngabũga omo bĩnywa byʼabandu busana nʼobolo-bolo bwʼomubiri wenyũ. Ngoko mwabya mukaha ebĩtsũko byenyũ ngʼabakobe bʼebĩtĩsĩrĩre nʼebibi, ebikaleta emigendere mibi, neryo lino muhe ebĩtsũko byenyũ ngʼabakobe bʼeritunganene erikaleta emigendere mĩbũyĩrĩre.

AbanyaRoma 8:13

Kusangwa mwamakwama obũlengekanĩa bwʼomubiri mwasyahola; nĩkwa omo maka wʼOmũlĩmũ mwamĩta emikolere yʼomubiri, mwasyabyaho.

2 AbanyaKorinto 1:12

Kusangwa tukayihalamba omo mwatsi oyũ: tuti Obunya-mutima bwetu bũkatũlago buti, tukayitwala omo kihugo, kandi omo katĩkatĩ kenyũ, omo myatsi mibuya nʼeyʼekwenene embere sya Nyamuhanga, kandi tukayitwala omo lukogo lwa Nyamuhanga butsira omo menge wʼabandu.

2 AbanyaKorinto 7:1

Neryo ĩnywe banze betu, kusangwa tuwite esyondagane esĩ, tũyĩtegaye oko bĩtĩsĩrĩre byosĩ ebyʼomubiri nʼebyʼekĩrĩmũ, kandi tusonde eribya ababũyĩrĩre ndeke, nʼerirendera omo lubahwa lwa Nyamuhanga.

AbanyaGalatia 1:4

Kristo mwayiha busana nʼebibi byetu eritubohola oko mugulu mubi ono, ngoko Nyamuhanga Tata wetu abya anzĩre.

AbanyaGalatia 5:24

Neryo abali uku Kristo Yesu babiribamba oko musalaba emyatsi yosĩ yʼomubiri, haguma nʼesyongumbu nʼerisonda lyago.

AbanyaEfeso 1:4

Nyamuhanga mwayisoga twe eribya buwe, erimatikana na Kristo embere wʼerihangikwa lyʼekihugo, ati tubye ababũyĩrĩre butsira bulema embere wuwe. Nyamuhanga, busana nʼolwanzo luwe,

AbanyaEfeso 2:2

Oko mugulu oyo mwabya mukalendera omo nzira nyibi yʼekihugo kino; mwabya mũkowa omũtabalĩ wʼobũtokĩ bʼobwami bwʼekyanya. Naye nĩ kĩrĩmũ ekikasondola abandu abatĩowa Nyamuhanga.

AbanyaKolosai 1:22

Nĩkwa lino Nyamuhanga abĩrĩbasanganĩa ukwʼiye omo luholo lwʼomubiri wa Yesu, iniatoka eribaleta embere sya Nyamuhanga imune babũyĩrĩre nʼababuya, butsira ekĩnywa ekyangabahandikirira.

1 AbanyaTesalonika 4:7

Kusangwa Nyamuhanga mwatatubirikira busana nʼerikwama oluteto, nĩkwa mwatubirikira erikwama ebĩbũyĩrĩre.

1 AbanyaTesalonika 4:9

Sihali bwaga bwʼeribasakira ebarua busana nʼerianza abalĩkyetu abĩkĩrĩrye, kusangwa Nyamuhanga akabakangĩrĩraya ngoko mwanganzana.

1 Timoteo 4:12

Suleke mundu akakupona busana nʼobũlwana bwawe, nĩkwa ũyĩkangaye embere syʼabĩkĩrĩrye ngʼolulengo lubuya lwʼebĩnywa, nʼemikolere, nʼomo lwanzo, nʼomwʼĩkĩrĩrya, nʼomo mutima ate kwʼebibi.

1 Timoteo 6:17

Uhane abateke abʼebindu bʼekihugo kino sibayiheke, kutse erĩhĩra amaha wabo oko bindu ebyangahwaho. Nĩkwa bahĩre amaha wabo uku Nyamuhanga oyukatuha ndeke-ndeke ebindu byosĩ eritsemerabyo.

1 Timoteo 6:9

Nĩkwa abakayĩtsũtsa eribya bateke bakawa omwʼirengwako, nʼerihambwa omo kitego kyʼesyongumbu nyingi nyĩkĩrũ, esĩkagalaya. Esyongumbu esĩ sĩkatsandaya bandu nʼerĩheryabo.

2 Timoteo 3:12

Kandi abosĩ abanzĩre erikwama engebe yʼerikenga Nyamuhanga nʼerimatikana na Kristo Yesu, basyendererĩbwa.

2 Timoteo 4:10

Dema abirinyitswako, nʼeriya eTesalonĩka, kusangwa abirianza emyatsi yʼekihugo kino. Kandi Kreske abiriya eGalatĩa, na Tĩto abiriya eDalmatĩa.

Tito 3:3

Kusangwa netu twabya bakĩrũ erĩmbere, isitulikenga, ĩtũkatebĩbawa. Twabya bakobe bʼesyongumbu nʼebyʼerĩyĩtsemesya, ebyʼemĩsĩndo yosĩ, itukasiba omo myatsi mibi, nʼeritsura, ĩtũkakwa abandi bʼekĩnĩga, nʼerikwama obusu.

AbaEbrania 8:11

Nabo sibendĩsyakangĩrĩranĩa obuli mundu na mũlĩkyabo, Kutse obuli mundu na mugala wabo, bati, Muminye Omwami Mukulu, Kusangwa abosĩ basyanyiminya, Erĩtsũka oko muke erĩhĩka oko mukulu wabo.

Yakobo 1:27

Ekisomo kibuya, ekite nʼebĩtĩsĩrĩre embere sya Nyamuhanga Tata kyekĩ: erĩwatĩkya esyongũbĩ nʼabakwakalĩ omo bũlĩge bwabo, kandi eriyihigula oko myatsi mibi yʼekihugo.

2 Petero 2:9

Neryo Omukama anasĩ erĩlamya abakamukenga okwʼirengwako. Nĩkwa akabika ababi erisuyirabo erĩhĩka oko kiro kyʼeritswera.

2 Petero 3:11

Neryo kusangwa emyatsi yosĩ eyĩ yasyaherĩbwa itya, ĩnywe mwangabya bandu bʼomũsĩndo wahi kwehĩ? Mwangabya bandu bʼemigendere ĩbũyĩrĩre nʼerikenga Nyamuhanga.

1 Yoane 2:27

Nĩkwa Kristo abĩrĩbũtũlĩra Omũlĩmũ wuwe, naye ĩkere omwisi wenyũ; isimuli nʼobwaga bwʼerĩkangĩrĩrĩbwa nʼomundu. Kusangwa Omũlĩmũ wuwe akabakangĩrĩraya emyatsi yosĩ, nʼemyatsi eyĩ ni kwenene, sĩ yʼamabehĩ. Neryo ngoko abiribakangĩrĩrya erikola, mubye mukamatikana na Kristo.

1 Yoane 2:6

Nʼoyũkabũga ati awatene na Nyamuhanga, litolere naye inialendera ngoko Kristo alendera.

1 Yoane 5:19

Kandi tũnasĩ ko tuli ba Nyamuhanga, nʼekihugo kyosĩ kiri omo bũtokĩ bwʼOmubi Oyũ.

Yuda 1:18

Babya bakababwira bati, Oko migulu yʼenyũma-nyũma hasyabya abasegemetererya, abakakwama esyongumbu syabo nyibi.

Eribisurirwa 14:12

Hano ho hali erĩyĩyĩnĩa lyʼabandu ba Nyamuhanga, abakategaya ebihano bya Nyamuhanga, kandi siberegula busana na Yesu.