Tito 2:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Kusangwa Nyamuhanga abĩrĩmĩnyĩkalya olukogo luwe, olukaleta erilama, busana nʼabandu bosĩ.

Nouveau Testament et Psaumes en Ndandi Version 1962

¹¹ Kusangwa olukogo lwoMungu luminyikere, lukaleta erilama oko bandu bosi,

Tito 2:11 Iomraidhean Croise

Esyonyimbo 67:2

Ekihugo kyosĩ kiminye erisonda lyawe, Nʼebihanda byosĩ biminye erĩlamya lyawe!

Esyonyimbo 84:11

Kusangwa Omwami Mukulu Nyamuhanga nĩ mũhanganĩrĩ wage, nʼomwami wʼolukengerwa, Omwami Mukulu akatutsumula nʼobubuya nʼerĩsĩkya. Sialikaga ekindu nʼekiguma kibuya oko bakakola ebitunganene.

Esyonyimbo 96:10

Mubwire ebihanda byosĩ, muti, Omwami Mukulu ni Mwami! Abirihanda ekihugo kyo ndeke omo mwanya wakyo, sĩkyangatũndwa; Asyatswera abandu bosĩ omo litunganene.

Ĩsaya 45:22

Munyikebere, mũlamĩbawe, ĩnywe ndũlĩ syosĩ syʼekihugo, kusangwa ĩngye indi Nyamuhanga, kandi sihali gundi.

Ĩsaya 49:6

Ati, Ni mwatsi muke uwe eribya mugombe wage erĩhanganĩa ebihanda bya Yakobo, nʼerĩsũbya abateyĩbawa ba Ĩsraelĩ. Kandi nasyakuyira eribya ekyakakala busana nʼebihanda, omulamo wage ahĩke oko ndũlĩ yʼekihugo.

Ĩsaya 52:10

Omwami Mukulu abiriswikula okuboko kuwe kũbũyĩrĩre, Omo meso wʼebihanda byosĩ. Esyondũlĩ syosĩ syʼekihugo sitoke erilangira Omulamo wa Nyamuhanga wetu.

Zekarĩa 12:10

Neryo nasyũtũlĩra endata wʼekĩtũnga kya Dawĩdĩ, nʼendata oko syondũlanĩ syʼeYerũsalema, Omũlĩmũ wʼeriganyira nʼowʼerisaba; litya lyasyaleka ibalangira oyo batsimita; kandi basyamulirira, ngʼoyukalirira mugala wuwe endogola, kandi basyamũkwĩra obũlĩge nʼerĩsĩrĩkalira, ngʼoyũkasĩrĩkalira busana nʼakambere kuwe.

Zekarĩa 4:7

Uwe kitwa kinene, uwendi kwehĩ? Embere sya Zerũbabelĩ wasyabya bwerere; naye asyahũlũkya erĩbwe lyʼendata haguma nʼobogo bwʼolukogo, olukogo, kulyo!

Matayo 28:19

Neryo mugende, muyire abiga oko bihanda byosĩ; mũbatĩsayebo omo lĩna lyʼĨse, nʼeryʼOmugala, nʼeryʼOmũlĩmũ Abũyĩrĩre.

Mariko 16:15

Neryo Yesu mwabwirabo ati, Muye omo kihugo kyosĩ, mũtũlaganaye Engulu Yowene oko bandu bosĩ.

Luka 24:47

Kandi kiti, Omo lĩna liwe omwatsi wʼeribindula omutima nʼerireka ebibi, nʼeribuyira lyʼebibi litolere ĩbyatũlaganĩbwa oko bihanda byosĩ, erĩtsũka eYerũsalema.

Luka 3:6

Nʼabandu bosĩ basyalangira omulamo wa Nyamuhanga.

Yoane 1:14

NʼEkĩnywa ekyo mokyabya mundu, naye mwĩkala omo katĩkatĩ ketu. Netu motwalangira olukengerwa luwe ĩloswĩre nʼolukogo nʼekwenene. Olukengerwa olũ lwabya olwa Mugala Ekyusa ekyabutawa na Tata.

Yoane 1:9

Ekyo kyabya kyakakala kyʼekwenene ekĩkahĩka omo kihugo, nʼerĩkolerya obuli mundu.

Emibiri 11:23

Neryo abere ahĩka nʼerilangira olukogo lwa Nyamuhanga, mwatsema, neryo mwahanabo ati, abosĩ bakwame Omukama nʼomutima asĩkĩre, nʼeritendiregula.

Emibiri 13:43

Neryo abandu babere babĩlũa okwʼĩhĩndana omo nyũmba yʼerĩhĩndanamo Abayũda bangi nʼabandu bʼEbihanda ababinduka eribya Bayũda, mobakwama Paũlo na Barnaba. Neryo abakwenda mobakanĩa nabo nʼerihatikanabo erikwamirira olukogo lwa Nyamuhanga.

Emibiri 13:47

Kusangwa Omukama abirituhana ati, Nabĩrĩkũhĩra eribya kyakakala kyʼEbihanda, Imwaleta omulamo oko kihugo kyosĩ.

Emibiri 17:30

Nyamuhanga abĩrĩkĩrũkya ameso oko migulu eyo bandu bataminya, nĩkwa lino akahana bandu bosĩ, ehosĩ, bangabindula emitima yabo erireka ebibi.

Emibiri 20:24

Nĩkwa ngaganza engebe yage nga si kindu, inatoka eribuga obukwenda bwage, nʼomũbĩrĩ ogo Mukama Yesu amba erikola, eryo nĩ tũla Engulu Yowene yʼolukogo lwa Nyamuhanga.

AbanyaRoma 10:18

Nĩkwa nyiti sĩbetowa erĩkangĩrĩrya kwehĩ? Kwenene babĩrĩowa. Ngoko kĩsakĩre kiti, Omulenge wabo abiritsungana omo kihugo kyosĩ, Nʼebĩnywa byabo byabĩrĩhĩka oko ndũlĩ syʼekihugo.

AbanyaRoma 5:15

Adamu ali ngʼekĩsosekanĩo kyʼoyukandisyasa. Nĩkwa olũsũnzo lwa Nyamuhanga silulingene nʼerĩhalya lya Adamu. Kusangwa erĩhalya lyʼomundu muguma molyaleta oluholo lʼoko bandu bangi. Nĩkwa olukogo lwa Nyamuhanga ni lunene kwʼaho, nʼolũsũnzo busana nʼolukogo lwʼomundu muguma, ye Yesu Kristo lwasyakanyirira oko bandu bangi.

AbanyaRoma 5:2

Iye abĩrĩtũhĩra omwisi wʼolukogo olo lwa Nyamuhanga busana nʼerĩkĩrĩrya, aho twimene ndeke. Kandi tukatsema omo maha wʼerisangira olukengerwa lwa Nyamuhanga.

2 AbanyaKorinto 6:1

Omo mũbĩrĩ ogo tukakola haguma na Nyamuhanga, tukabalemba-lemba tuti mwabiriangirira olukogo lwa Nyamuhanga, neryo simuleke lukabya busa.

AbanyaGalatia 2:21

Sindigana olukogo lwa Nyamuhanga; kusangwa omundu amatũngananĩbwa busana nʼEmigambo, neryo Kristo imwahola busa!

AbanyaEfeso 2:5

Omugulu twabya tũholĩre omo malolo wetu, Nyamuhanga mwatuha engebe haguma na Kristo; mwabĩrĩlamĩbwa busana nʼolukogo lwa Nyamuhanga.

AbanyaEfeso 2:8

Kusangwa mwabĩrĩlamĩbwa omo lukogo lwa Nyamuhanga omo nzira yʼerĩkĩrĩrya, nʼerilama eryo siʼkola lyenyũ, nĩ lũsũnzo lwa Nyamuhanga.

AbanyaKolosai 1:23

Nĩkwa litolere imwakwama butsira eriregula omwʼĩkĩrĩrya, ĩmũnasĩkĩre ndeke. Sĩmũtũndawe mukaleka amaha wʼEngulu Yowene eyo mowa. Ĩngye Paũlo nabiribya mugombe wʼEngulu Yowene eyĩ, eyĩkakangĩrĩrĩbawa oko bandu bosĩ muna-kihugo.

AbanyaKolosai 1:6

Engulu Yowene inemuleta omũyĩsa, kandi inemukanyirira omo kihugo kyosĩ. Litya yabirikola omo katĩkatĩ kenyũ erĩtsũka ekiro mowa engulu yʼolukogo lwa Nyamuhanga nʼeriminyalo ndeke-ndeke ngoko luli kwenene.

2 AbanyaTesalonika 2:16

Neryo Omukama wetu ye Yesu Kristo, na Nyamuhanga Tata wetu, oyo watwanza, nʼerituha busana nʼolukogo luwe erĩsĩbĩkya lyʼerikota nʼamaha mabuya,

1 Timoteo 1:14

Neryo Omukama mwanyĩkangya olukogo lunene kutsibu, kandi mwamba erĩkĩrĩrya, nʼolwanzo, ebikabanĩka ukwʼabo bakamatikana na Kristo Yesu.

1 Timoteo 2:4

oyo wanzĩre abandu bosĩ balamĩbawe, nʼeriminya ndeke omwatsi wʼekwenene.

2 Timoteo 1:10

Nĩkwa lino lwabĩrĩtũbĩsũlĩrwa omwʼibutuka lyʼOmũlamya wetu Kristo Yesu. Kusangwa Kristo abiribuga amaka wʼoluholo, kandi abĩrĩmĩnyĩkalya engebe nʼeritindahola omo Ngulu Yowene.

2 Timoteo 4:17

Nĩkwa Omukama mwanyimira, kandi mwamba amaka, kyaleka inatoka erĩtũlaganĩa Engulu Yowene, ebindi Bihanda byosĩ bitoke erĩowayo. Kandi monalamĩbwa oko buno bwʼendale.

AbaEbrania 12:15

Mũlebaye Sihabye omundu oyukabula oko lukogo lwa Nyamuhanga. Kandi mũlebaye Sihabye omundu oyũkalĩre omo mutima, oyukaleta obũlĩge, neryo abangi bakatsanda.

AbaEbrania 2:9

Nĩkwa tukalangira Yesu, oyo wayirawa mo muke oko bamalaĩka busana nʼakatambĩ kake, iniatoka omo lukogo lwa Nyamuhanga erihola busana nʼabandu bosĩ. Neryo Yesu busana nʼeriagalwa liwe lyʼoluholo, abiribana olukengerwa nʼerĩsĩkya lyʼOmwami.