Tito 1:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Kandi abye Oyukahamba ndeke ekĩnywa kyʼekwenene, kyʼerĩkangĩrĩrya lyetu. Neryo atoke erihana abandi omwʼikangĩrĩrya litunganene, kandi iniatoka erĩsĩnga abali nʼobuhaka.

Nouveau Testament et Psaumes en Ndandi Version 1962

⁹ atolere erihamba ndeke eKinywa kyerisika ngoko igisibawa, iniatoka erihana omwikangirirya eryekwenene kandi iniasinga abo buhaka.

Tito 1:9 Iomraidhean Croise

Yobũ 2:3

Neryo Omwami Mukulu mwabũlya Satanĩ, ati, Wabĩrĩganĩrya omugombe wage Yobũ kwehĩ? Kusangwa sihali mundu uli nga ye omo kihugo, omundu oyũhĩkene nʼoyutunganene, oyukakenga Nyamuhanga, nʼerĩhũtatira ebibi; naye akĩnamakĩrĩre eritunganene riwe, nomo wananyĩtsotsereraya erilwa naye, erĩmũherya butsira ekikaleka.

Yobũ 27:6

Ngahamba ndeke eritunganene lyage, sindiendisyalwĩkalyo. Obunya-mutima bwage sibuli nʼomwatsi.

Emĩsyo 23:23

Ugule ekwenene, sũsyegũlayayo; Ubane amenge, nʼerĩkangĩrĩrĩbwa, nʼeriminya.

Emibiri 18:28

Kusangwa Apolo mwasĩnga Abayũda bo kutsibu embere syʼabandu, ĩnĩakakangayabo omo Masako Yesu kwʼali Kristo.

1 AbanyaKorinto 14:24

Nĩkwa abosĩ bamatũla omwatsi wa Nyamuhanga, neryo oyũtĩkĩrĩrye kutse oyũtasĩ amahĩkamo, akandĩsĩngwa busana nʼebĩnywa byʼabosĩ, kandi asyatswerwa busana nʼebĩnywa byosĩ ebyo akowa.

1 AbanyaTesalonika 5:21

Nĩkwa mulenge emyatsi yosĩ; muhambane nʼebibuya,

2 AbanyaTesalonika 2:15

Neryo balĩkyetu, muhangane ĩmũnasĩkĩre, kandi muhambe ndeke emyatsi yʼekwenene eyo twabakangĩrĩraya, omo bĩnywa byetu nʼomo barua yetu.

1 Timoteo 1:10

kandi busana nʼabasĩngĩrĩ, kutse busana nʼabalume abakatetana, kutse abĩbĩ bʼabandu, nʼababehĩ, nʼabandu abakalega bandi, nʼeyindi myatsi yosĩ eyikagana erĩkangĩrĩrya lyʼekwenene.

1 Timoteo 1:15

Ekĩ nĩ kĩnywa kyʼekwenene ekitolere erĩrĩgwa kiti, Kristo Yesu mwasa omo kihugo busana nʼerĩlamya abakola-nabi. Nage indi mukola-nabi kwilaba bosĩ.

1 Timoteo 1:19

Ũtegaye erĩkĩrĩrya lyawe nʼobunya-mutima bubuya. Kusangwa abandi babirigana erihulikirira Obunya-mutima bwabo, neryo babĩrĩtsandya erĩkĩrĩrya lyabo.

1 Timoteo 4:9

Erĩbũga erĩ ni ryʼekwenene, kandi ryangalĩgwa ndeke.

1 Timoteo 6:3

Omundu amaleta erĩkangĩrĩrya lyʼogundi mũsĩndo, ĩsĩalĩrĩga ebĩnywa byʼekwenene byʼomukama wetu Yesu Kristo, kutse erĩkangĩrĩrya erĩkakenga Nyamuhanga,

2 Timoteo 1:13

Uhambe ndeke ebĩnywa byʼekwenene ebyo nakũ kangĩrĩraya, ebikakuha olulengo lwʼerikwama. Wĩkale omwʼĩkĩrĩrya nʼolwanzo ebikabya byetu busana nʼerimatikana na Kristo Yesu.

2 Timoteo 2:2

Wĩmaye ebĩnywa ebyo wowa ngabũga embere syʼabalangĩrĩ banene, ũkangĩrĩrayebyo oko bandi bandu abateregula, abakatoka erĩkangĩrĩrya abandi bandu.

2 Timoteo 2:25

Kandi ahehere omugulu akakunga abakalwa naye. Mbino Nyamuhanga asyahabo eribindula emitima yabo erireka ebibi, nʼeriminya omwatsi wʼekwenene.

2 Timoteo 3:14

Nĩkwa uwe ukwamirire omo myatsi eyo wakangĩrĩrĩbawa, nʼeyo Wĩkĩrĩrye ndeke. Kusangwa ũnasĩ abakangĩrĩrya bawe nga babya bahi.

2 Timoteo 4:3

Kusangwa omugulu asyasa isibendĩsyowa erĩkangĩrĩrya lyʼekwenene, nĩkwa basyakwama esyongumbu syabo, nʼeriyibanira abakangĩrĩrya abakabũga ebĩnywa byʼekĩsehya.

Tito 1:11

Litolere erĩhũneryabo, kusangwa bakatsandaya amalengekanĩa wʼabandu abʼawandi manyũmba, ĩbakakangĩrĩrayabo ebitatolere, busana nʼeribana endũndĩ yabo nyibi.

Tito 2:1

Nĩkwa uwe, ũbũge emyatsi eyitolere erĩkangĩrĩrya eritunganene.

Yuda 1:3

Abanze betu, nabya ngalenga kutsibu eribasakira omwatsi wʼerilama lyetu eryo tũsangĩre. Kandi naganĩraya nyiti litolere inabasakira eribalemba-lemba nyiti, Mulwire erĩkĩrĩrya eryo Nyamuhanga abiriha abandu buwe busana na kera na kera.

Eribisurirwa 2:25

Nĩkwa muhambe ndeke ebyo muwite erĩhĩka aho nasyasira.

Eribisurirwa 3:11

Ngandiasa lũba! Muhambe ndeke ebyo muwiteko, Sihabye omundu oyukahũnga embĩta yawe.

Eribisurirwa 3:3

Neryo Wibuke ebyo wangirira, nʼebyo wowa, neryo ukwamebyo, ubindule omutima wawe uleke ebibi. Nĩkwa wamatindabuka, nasyakũhĩkako ngʼomũrahĩ, isiwendisyaminya endambĩ nasyakũhĩkako.