Tito 1:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Nĩkwa oko mugulu atolere mwakũmbũla engebe eyĩ omo kĩnywa kiwe. Kandi mwamba ekĩnywa ekyo, nage ngabũgakyo ngoko Nyamuhanga Omũlamya wetu abirinyihana.

Nouveau Testament et Psaumes en Ndandi Version 1962

³ nikwa oko mugulu atolere mwaminyikalyayo omo kinywe kiwe busana neritulago, ogo nabikibawa ngeritegeka ryoMungu Mulamya wetu;

Tito 1:3 Iomraidhean Croise

Ĩsaya 12:2

Lebaya, Nyamuhanga ni mulamo wage. Ngandiyiketera ye, Sindiendisyubaha, kusangwa Omwami Mukulu ye Nyamuhanga, Ni maka wage nʼolwimbo lwage, Naye abiribya mulamo wage.

Ĩsaya 45:15

Kwenene uli Nyamuhanga oyũkayĩbĩsa, uwe Nyamuhanga wa Ĩsraelĩ, Omũlamya!

Ĩsaya 45:21

Mũtũlego, mũhũlũkaye omwatsi wenyũ. Ega, baye mbĩta haguma. Nindi wakanganaya ekĩ okwʼĩtsũka omugulu wa kera kwehĩ? Nindi watũlago kera kwehĩ? Sĩ ngye, Mwami Mukulu kwehĩ? Kandi sihali gundi Nyamuhanga ate ngye, Nyamuhanga wʼeritunganene nʼomũlamya. Sihali gundi ate ngye.

Danĩelĩ 11:27

Neryo abami bosĩ babiri, emitima yabo yasyasondya ebibi, kandi ababiri bosĩ basyĩkala oko mesa ibanemubihirana. Nĩkwa sibendisyatoka mwatsi, kusangwa endũlĩ yʼomwatsi yasyahĩka oko ndambĩ eyahulawa.

Danĩelĩ 8:23

Neryo oko mugulu wʼenyũma wʼeritabala lyabo, omugulu abakahalaya babibuga enzira yabo, omwami asyahangana; oyũkalĩre, nʼeriminya amenge mabi.

Danĩelĩ 9:24

Amayenga makũmĩ alinda abirihamulwa busana nʼabandu bawe, nʼoko mũyĩ wawe abũyĩrĩre eribuga amalolo nʼeribuga ebibi, nʼerireta embanulo busana nʼebibi, nʼerireta eritunganene rya kera na kera, nʼerĩhĩra ekĩbohĩ okwʼilota nʼobũmĩnyererĩ, nʼerĩhakabya amagũta ahabũyĩrĩre kutsibu.

Habakũkĩ 2:3

Kusangwa esyonzolĩ sikine busana nʼomugulu ategekawa, nasyo sikanguha erĩhĩka oko ndũlĩ yasyo, nasyo sisyendisyabiha; nomo syangalinda, ulindesyo; kusangwa sĩkandĩsyahĩka kwenene, sisyendisyamala.

Mariko 1:15

Ati, Omugulu abiribererera, nʼobwami bwa Nyamuhanga buli hakũhĩ! Mubinduke, erireka ebibi byenyũ, mwĩkĩrĩraye Engulu Yowene.

Mariko 13:10

Engulu Yowene itolere ĩyatũlaganĩbwa oko bihanda byosĩ.

Mariko 16:15

Neryo Yesu mwabwirabo ati, Muye omo kihugo kyosĩ, mũtũlaganaye Engulu Yowene oko bandu bosĩ.

Luka 1:47

Ekĩrĩmũ kyage kikatsemera Nyamuhanga Omũlamya wage.

Emibiri 10:36

Nyamuhanga mwatuma ekĩnywa oko bandu ba Ĩsraelĩ, erĩtũla Engulu Yowene yʼobuholo busana na Yesu Kristo, naye ni Mukama wʼabandu bosĩ.

Emibiri 17:26

Kandi omo mundu muguma mwahangika ebihanda byosĩ byʼabandu erĩĩkala omo kihugo ehosĩ. Kandi mwasoha emigulu yabo, nʼemitano yʼobwĩkalo bwabo.

AbanyaRoma 15:19

busana nʼobũtokĩ bwʼebitiko-tiko nʼebyʼeriswekera, omo bũtokĩ bwʼOmũlĩmũ. Neryo nabĩrĩtũla ndeke-ndeke Engulu Yowene erĩtsũka eYerũsalema nʼomo bihugo hakũhĩ naho, nʼerĩhĩka oko kihugo kyʼeĨlĩrĩko.

AbanyaRoma 16:25

Tupipe Nyamuhanga! Iye akatoka erĩbahanganĩa ndeke omo Ngulu Yowene eyo ngatũla, omwatsi wa Yesu Kristo, erĩkũmbo eryabĩsawa omo syondengo sya kera. Nĩkwa lino lyabĩrĩbĩsũlwa,

AbanyaRoma 16:26

kandi lyabĩrĩmĩnyĩkalĩbwa omo Masako wʼabamĩnyererĩ. Neryo busana nʼekihano kya Nyamuhanga Wʼerikota, omwatsi oyũ abĩrĩmĩnyĩsĩbwa oko bihanda byosĩ, ibatoka erĩkĩrĩrya Kristo nʼerĩmowa.

AbanyaRoma 5:6

Kusangwa omugulu twabya butsira maka, Kristo mwaholera abakola-nabi, oko mugulu Nyamuhanga ayisoga.

1 AbanyaKorinto 9:17

Namakola omũbĩrĩ oyũ busana nʼeriyisogago neryo nangahembwa; nĩkwa namakola nʼerĩkũnwa, nĩ mũbĩrĩ ngahabawa.

AbanyaGalatia 4:4

Nĩkwa omugulu amabiberera, Nyamuhanga mwatuma Omugala wuwe. Omugala oyo mwabutwa nʼomũkalĩ kandi mwabutwa omo mitsye yʼEmigambo yʼAbayũda,

AbanyaEfeso 1:10

Nyamuhanga abĩrĩyĩsũnza erĩhĩndanĩa umu Kristo ebyosĩ ahangika, ebiri omo lubula nʼebiri omo kihugo.

AbanyaEfeso 2:17

Litya Kristo mwasa nʼerĩtũla Engulu Yowene yʼobuholo ũkwʼĩnywe Ebihanda ebyabya hali, nʼoko Bayũda ababya hakũhĩ naye.

AbanyaFilipi 1:13

Yabirireka abateya bosĩ bʼekikali, haguma nʼabandi bosĩ, ibaminya ko ndi omo mũlĩkĩ busana na Kristo.

AbanyaKolosai 1:23

Nĩkwa litolere imwakwama butsira eriregula omwʼĩkĩrĩrya, ĩmũnasĩkĩre ndeke. Sĩmũtũndawe mukaleka amaha wʼEngulu Yowene eyo mowa. Ĩngye Paũlo nabiribya mugombe wʼEngulu Yowene eyĩ, eyĩkakangĩrĩrĩbawa oko bandu bosĩ muna-kihugo.

AbanyaKolosai 1:6

Engulu Yowene inemuleta omũyĩsa, kandi inemukanyirira omo kihugo kyosĩ. Litya yabirikola omo katĩkatĩ kenyũ erĩtsũka ekiro mowa engulu yʼolukogo lwa Nyamuhanga nʼeriminyalo ndeke-ndeke ngoko luli kwenene.

1 AbanyaTesalonika 2:4

Nĩkwa, tũkakangĩrĩraya ngoko Nyamuhanga anzĩre ĩtwabũga, ngʼabandu abakasĩmawa na Nyamuhanga erĩtũla Engulu Yowene. Sĩtwetsemesaya bandu, nĩkwa tũkatsemesaya Nyamuhanga Oyũkalebaya emitima yetu.

1 Timoteo 1:1

Ĩngye Paũlo, omukwenda wa Kristo Yesu busana nʼerihana lya Nyamuhanga Omũlamya wetu, nʼerya Kristo Yesu, oyuli maha wetu.

1 Timoteo 1:11

Erĩkangĩrĩrya erĩ likabanika omo Ngulu Yowene eyo Nyamuhanga amba erĩtũlayo, kandi ĩkalũa uku Nyamuhanga wʼolukengerwa nʼowʼomũyĩsa.

1 Timoteo 2:3

Ekĩ ni kibuya, kandi kĩkatsemesaya Nyamuhanga Omũlamya wetu,

1 Timoteo 4:10

Ekyo kikaleka itwakola kutsibu nʼerinuba, kusangwa twabĩrĩhĩra amaha wetu uku Nyamuhanga oyuliho, kandi oyuli Mũlamya wʼabandu bosĩ, nĩkwa nĩ Mũlamya kutsibu ukwʼaho busana nʼabĩkĩrĩrye.

2 Timoteo 4:17

Nĩkwa Omukama mwanyimira, kandi mwamba amaka, kyaleka inatoka erĩtũlaganĩa Engulu Yowene, ebindi Bihanda byosĩ bitoke erĩowayo. Kandi monalamĩbwa oko buno bwʼendale.

Tito 2:10

Kandi sĩbĩbe, nĩkwa bayĩkangaye ngʼabandu babuya abateregula, batoke erĩowanĩa erĩkangĩrĩrya lya Nyamuhanga Omũlamya wetu omo byosĩ bakakola.

Tito 2:13

itukalindirira nʼamaha gʼomũyĩsa ekiro kyʼobutseme, kandi tukalindirira erihuluka lyʼolukengerwa lwa Nyamuhanga wetu mukulu, nʼomũlamya wetu, Yesu Kristo.

Eribisurirwa 14:16

Neryo oyo wabya ĩkere oko kĩtũ mwalabya omũtemĩ wuwe oko kihugo, neryo ekihugo mokyageswa.