Tito 1:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Bakabũga bati banasĩ Nyamuhanga, nĩkwa emĩbĩrĩ yabo ikamugana. Ibo ni nye, sibekenga, kandi sibatolere nʼahake busana nʼobuli mũbĩrĩ owene.

Nouveau Testament et Psaumes en Ndandi Version 1962

¹⁶ Bakakangaya nga basi Mungu, nikwa bakamugana omo mibiri yabo; batsandire, sibariowa, noko buri mubiri owene sibatolere.

Tito 1:16 Iomraidhean Croise

Yobũ 15:16

Kwilaba aho, owʼesyonye nʼoyũtsandĩre, Omundu oyũkapũlaya ebibi ngʼamagetsi!

Emĩsyo 30:12

Hali olulengo oluli lubuya omo meso walo, Nĩkwa sĩberĩre omo bĩtĩsĩrĩre byabo.

Ĩsaya 29:13

Neryo Omukama mwabũga ati, Kusangwa abandu aba bakanyisimbirira, omo bĩnywa byabo kandi bakanyĩsĩkaya nʼemĩnywa yabo, nĩkwa babĩrĩsegerya emitima yabo yo hali kwĩngye, nʼerikenga lyabo busana nage ni mitsye yʼabandu eyo biga ngendo nyingi,

Ĩsaya 48:1

Uwe nyũmba ya Yakobo, uhulikirire ekĩ, ĩnywe mukahulawa omo lĩna lya Ĩsraelĩ, ĩnywe mwalũa omo kihanda kya Yũda; ĩmũkalahĩraya oko lĩna lyʼOmwami Mukulu, nʼerimwahula mo Nyamuhanga wa Ĩsraelĩ, nĩkwa butsira omo kwenene, kutse omo litunganene.

Ĩsaya 58:2

Nĩkwa bakanyisonda-sonda ebiro byosĩ, bakatsema eriminya enzira yage, ngʼekihanda ekyakola eritunganene, nʼerĩtĩndasĩganĩa ebilayiro bya Nyamuhanga wabo. Bakanyĩbũlaya erĩtwa omwatsi omo lĩbanza litunganene, bakatsema kusangwa Nyamuhanga ali hakũhĩ.

Ĩsaya 59:13

Tũkahalaya nʼerigana Omwami Mukulu nʼerikita erikwama Nyamuhanga wetu, erĩbũga ebyʼerĩnũbya, nʼerihona, eriheka obukule bwʼebĩnywa byʼamabehĩ omo mutima nʼerĩbũgabyo omo mutima.

Yeremĩa 12:2

Wabirihandabo, ega, babiribana emĩrĩhĩ. Bakakula, ega, bakabuta ebĩgũma. Omo mĩnywa yabo uli hakũhĩ, nĩkwa omo bũlengekanĩa bwabo uli hali.

Yeremĩa 5:2

Nomo bangabũga bati, Ngoko Mwami Mukulu aneho; kwenene bakalahĩraya omo mabehĩ.

Yeremĩa 6:30

Bakahulabo mo kĩtsĩpa ekikaganawa, kusangwa Omwami Mukulu abiriganabo.

Ezekĩelĩ 33:31

Nabo ĩbakũhĩkako ngoko abandu bakanasa, ĩbĩkala embere syawe ngʼabandu bage, nĩkwa bakakola esyongumbu omo buno bwabo, nʼomutima wabo akwamĩre endũndĩ yabo.

Emiganzo 24:16

Enzumwa yʼoyũkowa ebĩnywa bya Nyamuhanga, Nʼeriminya amenge wʼOwendata Kutsibu, Oyukalangira esyonzolĩ syʼOmũtokĩ Wʼebyosĩ, Eriwa ahisi, nĩkwa ĩnĩalĩbũkere kwʼameso;

AbanyaRoma 1:28

Kusangwa bakagana erĩrĩga Nyamuhanga omo bũlengekanĩa bwabo, Nyamuhanga mwalekabo omo bũlengekanĩa bũtsandĩre erikola emyatsi itatolere.

AbanyaEfeso 5:6

Simuleke omundu nʼomuguma erĩbatebya omo bĩnywa byʼobusa. Kusangwa busana nʼemyatsi eyĩ erihitana lya Nyamuhanga lyasyahĩka oko bandu abakayisamambula.

1 Timoteo 1:9

Kusangwa tũnasĩ Emigambo moyĩtahĩrwa busana nʼomundu utunganene, nĩkwa busana nʼabakagana erihanwa, nʼabakapona, kandi busana nʼabatekenga Nyamuhanga, nʼabakola-nabi, kandi busana nʼabatesoma, nʼabakaseka ekisomo; kandi busana nʼabakĩta tata wabo kutse koyo wabo; kandi abĩtĩ bʼabandu,

1 Timoteo 5:8

Nĩkwa omundu amatendirembera abʼekĩtũnga kiwe, kutse kwilaba abʼenyũmba yiwe, omundu oyo abirigana ekisomo, kandi ni mubi kwilaba oyũtĩkĩrĩrye.

2 Timoteo 3:17

Neryo omundu wa Nyamuhanga ahĩkane, nʼerĩtokesĩbwa erikola obuli mũbĩrĩ owene.

Tito 3:1

Wĩbũkaye abandu bawe, bayolobeke oko batabalĩ, nʼabʼehamũlĩ, nʼerikengabo, kandi babye ĩbasĩkĩre erikola obuli mũbĩrĩ owene.

Tito 3:3

Kusangwa netu twabya bakĩrũ erĩmbere, isitulikenga, ĩtũkatebĩbawa. Twabya bakobe bʼesyongumbu nʼebyʼerĩyĩtsemesya, ebyʼemĩsĩndo yosĩ, itukasiba omo myatsi mibi, nʼeritsura, ĩtũkakwa abandi bʼekĩnĩga, nʼerikwama obusu.

1 Yoane 2:4

Omundu amabũga ati, Nyĩnamwasĩ, isialikenga ebihano biwe, oyo nĩ mũbehĩ, kandi sialikwama omwatsi wʼekwenene.

Yuda 1:4

Kusangwa abandi bandu, abatekenga Nyamuhanga, babiringira omo katĩkatĩ ketu mo bũbĩso-bĩso. Abandu aba bakahengemaya olukogo lwa Nyamuhanga wetu omo nzira yʼerikwama esyongumbu nyibi, ibakagana Omukama muguma wetu nʼomukulu wetu Yesu Kristo. Kera Amasako mwahula omusango wabo oyũ.

Eribisurirwa 21:27

Kandi sihali ekĩtĩsĩrĩre, kutse omundu oyukakola esyonye, kutse oyukabiha. Nĩkwa ba nʼabandu amena wabo awasakĩre omo kitabu kyʼengebe kyʼEkyana kyʼEmbũlĩ, basyingira omo mũyĩ oyo.

Eribisurirwa 21:8

Nĩkwa abuba, nʼabatĩkĩrĩrye, nʼabʼesyonye, nʼabĩtĩ, nʼabasĩngĩrĩ, nʼabakũmũ, nʼabakasaba esyosanamu, nʼababehĩ, omwanya wabo asyabya omo ngetsi eyikaka nʼomuliro nʼekirimi, olo lo luholo lwʼakabiri.

1 Samwelĩ 15:22

Neryo Samwelĩ mwabũga ati, Ko Mwami Mukulu asĩmĩre amahere wʼerĩokererya nʼamahere ngʼerikenga omulenge wʼOmwami Mukulu kwehĩ? Lebaya, erĩowa lyowene kwilaba amahere, nʼerihulikirira lĩlabĩre ebĩsabũ byʼesyombangale.

1 Samwelĩ 15:24

Neryo Saũlo mwabũga na Samwelĩ, ati, Nabĩrĩhalya; kusangwa nabĩrĩtsandya ekihano kyʼOmwami Mukulu, nʼebĩnywa byawe, kusangwa monubaha bandu, neryo monowa omulenge wabo.