Tito 1:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Litolere erĩhũneryabo, kusangwa bakatsandaya amalengekanĩa wʼabandu abʼawandi manyũmba, ĩbakakangĩrĩrayabo ebitatolere, busana nʼeribana endũndĩ yabo nyibi.

Nouveau Testament et Psaumes en Ndandi Version 1962

¹¹ ritolere obuno bwabo ibwakumbwa, kusangwa bakahindula amanyumba omwikangirirya busana nendundi nyibi ebyo batatolere erika ngirirya.

Tito 1:11 Iomraidhean Croise

Esyonyimbo 107:42

Abatunganene bakalangira ekĩ, ibatsema, Nĩkwa ababi bosĩ basyahũnerĩbwa.

Esyonyimbo 63:11

Omwami asyatsema busana na Nyamuhanga; Abosĩ abakalahĩraya omo lĩna lya Nyamuhanga basyatsema, Nĩkwa omulenge wʼababehĩ asyatũlera.

Yeremĩa 8:10

Busana nʼekyo nasyaha abakalĩ babo oko bandi, nʼamalima wabo oko bandi bandu. Kusangwa obuli muguma erĩtsũka oko muke erĩhĩka oko mukulu bakwĩre obururu bwʼendũndĩ. Erĩtsũka oko mũmĩnyererĩ erĩhĩka oko mũhererĩ, obuli muguma akakola nʼobũgobya.

Ezekĩelĩ 13:19

Kandi mwabirinyitsuma omo katĩkatĩ kʼabandu bage busana nʼamakũndĩ wʼekisusu na busana nʼebitole byʼobundu, erĩĩta ebĩrĩmũ ebite byangahola, nʼerĩbalya ebĩrĩmũ ebiriho ebite byangabyaho, busana nʼeribihira abandu bage abakahulikirira amabehĩ.

Ezekĩelĩ 16:63

iwaminya eryibuka nʼerĩkwa esĩsonĩ, nʼeritindaswakũmbũla obuno bwawe kera na kera busana nʼesĩsonĩ syawe omugulu namabikubuyira ebyosĩ ebyo wabirikola, Omukama Iye Omwami Mukulu atya.

Mĩka 3:11

Abasondolĩ bako bakatswera busana nʼerihembwa, nʼabahererĩ bako bakakangĩrĩraya busana nʼobũhĩngĩ, nʼabamĩnyererĩ bako bakalagula busana nʼesyofranka. Nĩkwa bakayegemeraya oko Mwami Mukulu, bakabũga bati, Omwami Mukulu siali omo katĩkatĩ ketu kwehĩ? Erĩkwa siryendĩsyatũhĩkako.

Mĩka 3:5

Omwami Mukulu akabũga busana nʼabamĩnyererĩ abakatalaya abandu bage! Omugulu bawite ekindu kyʼerirya, bakabirikira bati, Obuholo; nʼoyũtehĩra akalyo omo buno bwabo, abakamũtegekanĩraya amalwa.

Matayo 23:13

Nĩkwa obũlĩge kwĩnywe, abakangĩrĩrya bʼEmigambo nʼAbafarĩsayo, abatebya! Kusangwa mukakingira Obwami bwʼelubula bwʼabandu, kusangwa nenyũ simuliingiramo, kandi sĩmwerĩga bandu abakasonda eriingira, eriyamo. [

Luka 20:40

Neryo mohataswabya mundu oyo wangalenga erĩswabũlya Yesu eyindi myatsi.

Yoane 10:12

Omũhĩngĩ, oyute mũlĩsya isi mwenye esyombũlĩ, akasĩgasyo, iniatibita omugulu akalangira embwa yʼomolĩ ikasa, neryo embwa yʼomolĩ ĩkapũrasyo, nʼeripanzasyo.

AbanyaRoma 3:19

Neryo tũnasĩ ebyosĩ Emigambo yĩkabũga, ĩkabũga busana nʼabandu abakakwama Emigambo, abandu bosĩ basĩngawe, nʼekihugo kyosĩ kibye kʼolubanza lwa Nyamuhanga.

2 AbanyaKorinto 11:10

Ngoko mwatsi wʼekwenene wa Kristo ali omwisi wage, ngabũga kwenene, sindiendĩsyũmbya eriyihalamba busana nʼomwatsi oyũ omo bihugo byosĩ byʼAbagĩrĩkĩ.

1 Timoteo 5:13

Kandi bakabegera erigala-ganda nʼerirendera-lendera omo manyũmba wʼabandu. Kandi butsira erigala-ganda lisa, nĩkwa bakabya mbandanganĩa, nʼerĩyĩhĩra omo myatsi yʼabandi, ĩbakabũga emyatsi eyitatolere.

1 Timoteo 5:4

Nĩkwa omũkwakalĩ amabya awite abana kutse abitsikulu, batsũke erirembera abʼenyũmba yabo, omwʼikenga Nyamuhanga nʼerĩswawatĩkya ababũtĩ babo nʼaboso-kulu babo, kusangwa ekĩ kĩkasĩmawa na Nyamuhanga.

1 Timoteo 6:5

Kandi bikaleta erinegena omo katĩkatĩ kʼabandu bʼobũlengekanĩa obũtsandĩre, isibakiwite omwatsi wʼekwenene. Bakaganĩraya bati, erikenga Nyamuhanga likaleta endũndĩ yʼebindu.

2 Timoteo 2:18

Ababiri aba babiritala oko mwatsi wʼekwenene, ĩbakabũga bati erĩlũbũka lyabirilaba, ĩbabĩrĩtsandya erĩkĩrĩrya lyʼabandi bandu.

2 Timoteo 3:6

Kusangwa abandi ba kubo bakingira omo manyũmba nʼeriteba abakalĩ bakĩrũ, abali kwʼebibi binene, abakahekawa nʼesyongumbu mĩsĩndo-mĩsĩndo.

Tito 1:7

Kusangwa omukulu Oyukasondola omũbĩrĩ wa Nyamuhanga, litolere iniabya butsira kahinira. Siabye oyukayiheka, kutse oyukahitana lũba, kutse eribya mũkũndĩrya, kutse wʼomwaga, kutse oyuli nʼomwĩso.

Tito 1:9

Kandi abye Oyukahamba ndeke ekĩnywa kyʼekwenene, kyʼerĩkangĩrĩrya lyetu. Neryo atoke erihana abandi omwʼikangĩrĩrya litunganene, kandi iniatoka erĩsĩnga abali nʼobuhaka.

Tito 3:10

Omundu oyukaleta obuhaka busana nʼerĩkangĩrĩrya lyawe, umukunge esyongendo ĩbĩrĩ, neryo iwamugana.