Omũgambũlĩ 9:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Neryo ugende, ulye akalyo kawe nʼobutseme, nʼerĩpũlya ebĩnyũ byawe nʼomutima wʼeritsanga, kusangwa Nyamuhanga abĩrĩsĩma emĩbĩrĩ yawe.

Omũgambũlĩ 9:7 Iomraidhean Croise

Enzũko 12:19

Busana nakĩ wambwira uti, Ni mwali wetu, kyaleka ĩnamwĩmya eribya mũkalĩ wage kwehĩ? Lino lebaya mũkalĩ wawe, ũmwĩmaye, umutwale, ugende.

1 Abami 8:66

Nʼoko kiro kyʼomunani mwalagana nʼabandu; nabo mobatsumula omwami, mobaya omo mahema wabo ĩbatsemĩre nʼerĩyĩsyandira omo mitima yabo busana nʼebibuya byosĩ ebyo Mwami Mukulu akangaya omugombe wuwe Dawĩdĩ, nʼabandu buwe Abaĩsraelĩ.

Omũgambũlĩ 10:19

Abandu bakasumba akalyo busana nʼeritsemerako, nʼebĩnyũ bĩkatsemesaya obuyingo, nʼesyofranka sikaleta emyatsi yosĩ.

Omũgambũlĩ 11:8

Ega, omundu amakota myaka mingi, atsemere muyo eyosĩ. Nĩkwa ibuke ebiro byʼomwĩrĩmya, kusangwa byasyabya bingi. Ebyosĩ ebikasa ni bya busa.

Omũgambũlĩ 5:18

Lebaya, ekyo nabĩrĩrebya ko kiri kibuya nʼekyowene, yo mundu erirya nʼerĩpũlya, nʼeritsemera ebibuya omo mĩbĩrĩ yiwe yosĩ, eyo akakola eyĩkwa muna-kihugo, omo biro byosĩ byʼobuyingo buwe, ebyo Nyamuhanga abirimuha, kusangwa olũ ni luhembo luwe.

Omũgambũlĩ 7:14

Utseme omo kiro kyʼomũyĩsa, nʼomo kiro kyʼobũlĩge ũganĩraye. Nyamuhanga abĩrĩhĩra ekiguma haguma nʼekindi, omundu siatoke eriminya ekindu ekikandisyabya enyũma kwiye.

Omũgambũlĩ 8:15

Neryo monapipa ebitsange, kusangwa omundu siawite kindi kyowene ekĩlabĩre eyĩkwa muna-kihugo, lye nʼerirya, nʼerĩpũlya, nʼeritsema, kusangwa ekyo kyasyĩkala naye omo mũbĩrĩ wuwe ebiro byosĩ byʼobuyingo buwe ebyo Nyamuhanga abirimuha eyĩkwa muna-kihugo.

Emiganzo 6:20

Neryo omũhererĩ asyahũngahũngyabyo eribya buhere bwʼerĩhũngahũngya embere syʼOmwami Mukulu. Ebĩ bĩbũyĩrĩre busana nʼomũhererĩ, haguma nʼolukanga lwʼerĩhũnga-hũngya nʼekihinga kyʼerisumba; nʼenyũma wʼaho Omũnazĩrĩ iniatoka erĩpũlya ebĩnyũ.

Mariko 7:29

Neryo Yesu mwamubwira ati, Kusangwa wamasũbya utya, ugende ewenyũ, embĩnga yabĩrĩlũa uku mwali wawe.

Luka 11:41

Nĩkwa mugabire abandu bera ebiri omwisi wʼolũtehĩ nʼekibindi, neryo ebyosĩ byasyera.

Yoane 4:50

Yesu mwamubwira ati, Genda, mugala wawe aneho. Omundu oyo mwĩkĩrĩrya ekĩnywa ekyo Yesu amubwira, neryo mwagenda.

Emibiri 10:35

Nĩkwa omo buli kihanda omundu oyukubaha Nyamuhanga, nʼerikola ebitunganene akalĩgawa naye.

Eryibuka Ebihano 12:12

Kandi mwasya­tsema embere syʼOmwami Mukulu Nyamuhanga wenyũ, ĩnywe, nʼabagala benyũ nʼabali benyũ, nʼabagombe benyũ bʼobulume, nʼabagombe benyũ bʼobũ­kalĩ, nʼOmũlawĩ oyuli omo syongyo syenyũ, kusangwa siawite erĩgabo kutse omwandu haguma nenyũ.

Eryibuka Ebihano 12:7

Nʼaho ho mwasyalira embere syʼOmwami Mukulu Nyamuhanga wenyũ, kandi mwasyatsemera ebyosĩ mukakola omo byala byenyũ, Ĩnywe nʼebĩtũnga byenyũ, omo ebyo Mwami Mukulu abiribatsumulira.

Rũta 3:7

Neryo Boazĩ abere abirya nʼerĩpũlya, nʼomutima wuwe abitsema, mwayagotsera oko ndũlĩ yʼekilundo kyʼengano. Neryo Rũta mwasa bolobolo, mwaswikula ebisando biwe, mwagotseraho.