Omũgambũlĩ 7:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Kwenene erĩnũbya likayira omundu wʼamenge mo mũkĩrũ, nʼekyũtũlĩro kĩkaheraya omutima.

Omũgambũlĩ 7:7 Iomraidhean Croise

Erĩlũayo 23:8

Sũsyĩmaya ekyũtũlĩro nʼahake; kusangwa ekyũtũlĩro kĩkalĩba ameso wʼabakalangira, nʼerĩhengemya ebĩnywa byʼabatunganene.

Emĩsyo 17:23

Omundu mubi akangirira esigulo eyĩbĩsamĩre; Akaheraya esyonzira syʼerĩbanza.

Emĩsyo 17:8

Eribuku liri ngʼerĩbwe lyʼobũgũlĩ omo meso wʼoyuwiteryo; Ehosĩ likaya likaleta omũyĩsa.

Omũgambũlĩ 4:1

Neryo monaswalangira emĩbĩrĩ yʼerĩnũbya lyosĩ eyikakolawa eyĩkwa muna-kihugo. Neryo lebaya, monalangira emĩsonĩa yʼabandu banũbĩbawa, isibawite omũsĩbĩkya. Nʼobũtokĩ bwabya oko luhande lwʼabandu abanũbayabo, nĩkwa sibabya nʼomundu oyũkasĩbĩkayabo.

Omũgambũlĩ 5:8

Wamalangira erinuba lyʼabera, nʼerigana erĩbanza nʼeritunganene omo kihugo, suswekere omwatsi oyo; kusangwa omukulu muguma akategaya ogundi mukulu; kandi hali bandu bakulu kwilababo

Omũgambũlĩ 8:9

Nabirilangira ebĩ byosĩ, nʼerĩhĩra omutima wage oko buli mũbĩrĩ owakakoleka eyĩkwa muna-kihugo, aho mundu muguma awite Obũtokĩ endata oko gundi erĩmũhũtalya.

Ĩsaya 1:23

Abatabalĩ bawe ni bandu bakahona, nĩ bĩra bʼabĩbĩ. Obuli mundu anzĩre esigulo, bakakwama ebihembo. Sĩberekeraya esyongũbĩ, kandi olubanza lwʼabakwakalĩ sĩlũlĩhĩka embere syabo.

Ĩsaya 33:15

Yo nʼoyukangendera omo litunganene, nʼoyũkabũga ebyʼekwenene, oyukagana endũndĩ yʼeribanika omo mabehĩ, nʼerĩhehya ebyala biwe sibihambe esigulo, nʼoyũkalĩba amatwĩ wuwe okwʼowa omwatsi wʼomusasi, nʼoyũkalĩba ameso wuwe sialangire ebibi.

Eryibuka Ebihano 16:19

Sĩmũsyehengemaya ekitunganene; sĩmũsyehĩraho ebitaga; kutse sĩmũsyĩmaya ekyũtũlĩro; kusangwa ekyũtũlĩro kĩkalĩba ameso wʼomundu wʼamenge, nʼerĩhabĩsya ebĩnywa byʼabatunganene.

Eryibuka Ebihano 28:65

Nʼomo katĩkatĩ kʼebihanda ebĩ simwendisyabana erihumula, nʼeyo siyendisyabya obuluhukiro busana nʼobulyatiro bwʼebisando byenyũ; nĩkwa eyo Mwami Mukulu asyabaha omutima wʼerititimana, nʼameso awakatĩma-tĩma, nʼomutima owakalũa omo nda.

1 Samwelĩ 12:3

Ngyono hano; mũtũlego busana nage embere syʼOmwami Mukulu, nʼembere syʼomũhakabĩbwa wuwe. Monĩmya ende yandi kwehĩ? Kutse monĩmya punda yandi kwehĩ? Kutse monatebandi kwehĩ? Monanũbyandi kwehĩ? Kutse omo byala byandi namĩmya esigulo erĩyĩrĩbanĩa meso kwehĩ? Nasyabasũbũlĩryayo.

1 Samwelĩ 21:14

Neryo Akĩsĩ mwabwira bagombe buwe ati, Mũlebaye, mulangire omundu oyũ nĩ mũsĩre; muliandetera omundu oyũ busana nakĩ kwehĩ?

1 Samwelĩ 8:3

Nʼabagala buwe mobatakwama emibere yiwe, nĩkwa mobakita erisonda ebindu, mobĩmya esigulo, mobahengemya erĩbanza.