Omũgambũlĩ 7:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Kusangwa amenge nĩ bũteya, ngoko esyofranka nĩ bũteya. Nĩkwa endũndĩ yʼeriminya ni menge awakategaya engebe yʼoyuwiteyo.

Omũgambũlĩ 7:12 Iomraidhean Croise

Yobũ 1:10

Sũlĩtamũtĩmbya kwʼekikunda, nʼekĩtũnga kiwe, nʼebyosĩ awite, oko mbande syosĩ kwehĩ? Wabiritsumula omũbĩrĩ wʼebyala biwe, nʼobuteke buwe bwabirikanyirira omo kihugo.

Esyonyimbo 57:1

Unyiganyire, uwe Nyamuhanga, unyiganyire, Kusangwa ngakusagirako. Omo kyũtsũtsũ kyʼebĩpũpa byawe ngabana erĩteyĩbwa, Erĩhĩka aho, obwĩko bwabirilaba.

Emĩsyo 11:4

Ebindu sibyereta endũndĩ oko kiro kyʼerihitana; Nĩkwa eritunganene lĩkalamaya oko luholo.

Emĩsyo 14:20

Omwera akaponawa na mũlĩkyabo; Nĩkwa omuteke akayira abĩra bangi.

Emĩsyo 2:11

Eriyisunako lyasyakũteya; Nʼobowĩka bwasyakubika.

Emĩsyo 2:7

Akabikira abatunganene bʼamenge awahĩkene; Iye ni ngabo oko bakalendera omo butunganene;

Emĩsyo 3:18

Igo ni muti wʼengebe oko bakahambago kutsibu. Nʼobutseme buli oko buli mundu oyukakakamirirago.

Emĩsyo 8:35

Kusangwa oyũkanyĩsonda-sondaya akabana engebe, Kandi asyabana erĩsĩmwa nʼOmwami Mukulu.

Emĩsyo 9:11

Kusangwa busana nage ebiro byawe byasyakanyĩbwa, Nʼemĩtũta yʼengebe yawe yasyatomekerwa.

Omũgambũlĩ 10:19

Abandu bakasumba akalyo busana nʼeritsemerako, nʼebĩnyũ bĩkatsemesaya obuyingo, nʼesyofranka sikaleta emyatsi yosĩ.

Omũgambũlĩ 2:13

Neryo monalangira amenge kwʼalabĩre obũkĩrũ, ngoko ekyakakala kĩlabĩre omwĩrĩmya.

Omũgambũlĩ 7:19

Amenge ni maka oko mundu wʼamenge kwilaba abatabalĩ ĩkũmĩ abali omo mũyĩ.

Omũgambũlĩ 9:16

Neryo monabũga nyiti, Amenge ni mabuya kwilaba akagala. Nĩkwa amenge wʼomundu mwera akaponawa, nʼebĩnywa biwe sĩbyowĩbawa.

Omũgambũlĩ 9:18

Amenge ni mabuya kwilaba ebindu byʼamalwa, nĩkwa omukola-nabi muguma akatsandaya ebibuya bingi.

Ĩsaya 30:2

Abakandagalira eMĩsĩrĩ, ĩsĩbetanyĩbũlya, erisayira omo buholo bwa Farao, nʼerĩsonda-sondya obulemberero omo kyũtsũtsũ kyʼeMĩsĩrĩ!

Ĩsaya 32:2

Obuli mundu asyabya ngʼahʼerĩbĩsama erihunga, ngʼobũgamo bwʼembũla nene, ngʼesyonyũsĩ syʼamagetsi omo kihugo kyũmĩre, ngʼekyũtsũtsũ kyʼerĩbwe rĩnene omo kihugo ekikungukere.

Ĩsaya 33:6

Naye asyabya erĩsĩka lyʼemigulu yenyũ, nʼerilama lĩnene, nʼamenge, nʼeriminya. Eriubaha lyʼOmwami Mukulu ni bindu biwe.

Yoane 12:50

Kandi nyĩnasĩ erihana liwe ni ngebe yʼerikota. Neryo emyatsi eyo ngabũga, ngabũga ngoko Tata abirimbwira.

Yoane 17:3

Neryo eyĩ ni ngebe yʼerikota, abandu bakuminye, uwe Nyamuhanga muguma wʼekwenene, nʼeriminya Yesu Kristo, oyo watuma.

Eryibuka Ebihano 32:47

Kusangwa sĩ kĩnywa kyʼemitenyo busana nenyũ; ni ngebe yenyũ. Kandi busana nʼekĩnywa ekĩ mwasyakanyĩrĩrya ebiro byenyũ omo kihugo, eyo mukasoka eYorodanĩ erĩyasĩgalyakyo.

AbanyaFilipi 3:8

Kandi busana nʼobũgũlĩ bunene bwʼeriminya Kristo Yesu Omukama wage, ngaganza emyatsi yosĩ ngʼĩtalya. Busana na Kristo nabĩrĩtalya emyatsi yosĩ nʼeriganzayo ngʼebibaya, inatoka eribana Kristo mo ndũndĩ yage.

Abatswerĩ 9:15

Nʼomusakisaki mwabũga nʼemiti ati, Mwamanyĩhakabya amagũta kwenene eribya mwami wenyũ, mwase musagire omo kyũtũtũ kyage; bite bitya, omuliro alũe omo musakisaki ahĩsĩrĩraye emĩerezĩ yʼeLebanonĩ.