Omũgambũlĩ 6:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Ega, nomo mundu oyo angakota emyaka elfu nguma engendo ĩbĩrĩ, nĩkwa sialitsemera emyatsi mibuya, abosĩ sibegenda omo mwanya muguma kwehĩ?

Omũgambũlĩ 6:6 Iomraidhean Croise

Enzũko 5:5

Nʼebiro byosĩ Adamu abyaho byabya emyaka magana mwenda nʼamakũmĩ asatu, neryo mwahola.

Yobũ 1:21

Mwabũga ati, Monalũa, omo nda ya koyo wage inyiri ndũmbũ, nasyasuba eyo inyiri ndũmbũ. Omwami Mukulu mwaha, kandi Omwami Mukulu abiritwalabyo; erĩna lyʼOmwami Mukulu litsumulawe.

Yobũ 30:23

Kusangwa nyĩnasĩ ko wasyanyireta oko luholo, Nʼoko nyũmba yʼerĩhĩndana busana nʼabandu abaliho bosĩ.

Yobũ 7:7

Wibuke kwʼengebe yage ni muka musa, Erĩso lyage siryendisyaswalola oko bibuya.

Esyonyimbo 34:12

Mũnanzĩre eritsema omo ngebe kwehĩ? Mũnanzĩre erikota nʼerĩyĩsyandira omo bibuya kwehĩ?

Omũgambũlĩ 12:7

Neryo olũtũtũ lukasuba oko kitaka ngoko lwabya, nʼekĩrĩmũ kikasuba uku Nyamuhanga oyo wahakyo.

Omũgambũlĩ 2:14

Ameso wʼomundu wʼamenge ali omo mutwe wuwe, nĩkwa omũkĩrũ akalendera omo mwĩrĩmya. Nĩkwa nyĩnasĩ ko mwatsi muguma akahĩka oko bosĩ.

Omũgambũlĩ 3:20

Abosĩ bakaya haguma. Abosĩ balũa omo lũtũtũ, nʼabosĩ bakahinduka mo lũtũtũ kandi.

Omũgambũlĩ 6:3

Omundu amabuta abana erĩgana, nʼeribyaho emyaka mingi, neryo ebiro byʼemyaka yiwe bikabya bingi, nĩkwa ekĩrĩmũ kiwe sĩkyũgũta oko myatsi mibuya, kandi isiawite eritabwa ndeke, ngabũga nyiti, erĩtesĩbwa lyʼomwana amabutwa iniabirihola lyowene kwilaba iye.

Omũgambũlĩ 6:5

Kandi sialitalangira eryuba na kera kutse eriminya kindu, oyũ owene kwilaba omundu oyo.

Omũgambũlĩ 7:2

Eriya omo nyũmba yʼeririra lyowene kwilaba eriya omo nyũmba yʼerirya ĩnene, kusangwa oluholo nĩ ndũlĩ yʼabandu bosĩ, nʼoyuliho angibukago omo mutima wuwe.

Omũgambũlĩ 9:2

Emyatsi yosĩ ĩkahĩka oko bosĩ lulinga luguma, hali mwatsi muguma oko batunganene nʼababi, oko babuya, nʼoko berĩre nʼoko baterĩre, oko mundu oyukahonga, nʼoyutehonga. Ngoko mubuya ali, omukola-nabi kwʼali atya. Nʼoyũkalahĩraya nʼoyukubaha erĩlahĩrya.

Ĩsaya 65:20

Sihendisyaswabya lumekeke lwʼebiro bike, kutse musyakulu oyute waberererya ebiro biwe, kusangwa omwana asyahola ini wʼemyaka erĩgana, nʼoyũtehĩka oko myaka erĩgana, basyamwahula mo mutakirwa.

Ĩsaya 65:22

Sĩbendĩsyahĩmba, nʼogundi akĩkala muyo. Sibendisyabiba nʼogundi akalyabyo. Kusangwa ebiro byʼabandu bage byasyabya ngʼebiro byʼomuti, nʼabayisogawa bage basyatsemera omũbĩrĩ wʼebyala byabo emigulu miri.

Yeremĩa 17:6

Kusangwa asyabya ngʼebiti byʼomwʼirungu, siendisyalangira omugulu omũyĩsa akasa, nĩkwa asyĩkala ahali amabwe omo mbwarara, ekitaka kyʼomũnyũ, ekite mo mundu.

AbaEbrania 9:27

Kandi kyahĩrawa busana nʼabandu bosĩ bahole ngendo nguma, nʼenyũma wʼaho Nyamuhanga atswerebo.