Omũgambũlĩ 6:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Omundu oyukahabawa ebindu, nʼobuteke, nʼerĩsĩkĩbwa na Nyamuhanga, isialibula kindu kyahi busana nʼekĩrĩmũ kiwe omo byosĩ ebyo akasonda, nĩkwa Nyamuhanga sialitamuha Obũtokĩ bwʼerirya kubyo, nĩkwa owʼehandi akalyabyo. Ekĩ ni busa, kandi ni ndwala nyibi.

Omũgambũlĩ 6:2 Iomraidhean Croise

1 Abami 3:13

Kandi nabirikuha nibya ebyo ũtabũlaya, ebindu nʼerĩsĩkya ebibiri byosĩ, neryo sihendisyabya oyuli nga we omo katĩkatĩ kʼabami, oko biro byawe byosĩ.

1 Emyatsi yʼEmigulu 29:25

NʼOmwami Mukulu mwahamya Solomono yo kutsibu omo meso wʼAbaĩsraelĩ bosĩ, kandi mwamuha obukengwa obute bwatabya oko gundi mwami wʼAbaĩsraelĩ embere siwe.

1 Emyatsi yʼEmigulu 29:28

Neryo mwahola ĩnĩakũlĩre ndeke, iniabiribuga biro, nʼebindu nʼerĩsĩkĩbwa; na Solomono mugala wuwe mwatabala omo mwanya wuwe.

2 Emyatsi yʼEmigulu 1:11

Neryo Nyamuhanga mwabwira Solomono ati, Kusangwa ekĩ kyabya omo mutima wawe, ĩsũlĩyĩbũlĩraya ebindu, kutse obũsokĩ, kutse erĩsĩkya, kutse engebe yʼabakakũkwa obusu, kutse sũlĩtabũlya eribyaho biro bingi; nĩkwa wabĩrĩyĩbũlĩrya amenge nʼeriminya, iwatoka eritswera abandu bage, abo nabirikuyirira mo mwami wabo.

Esyonyimbo 17:14

Uwe Mwami Mukulu, ũnyĩlamaye oko syonzĩgũ esyo, omo bũtoki bwawe, Ũnyĩlamaye omo bũtokĩ bwawe oko bandu bʼekihugo abawite ebyo banzĩre omo ngebe yʼenoka. Usuyirebo omo magalĩ ago wabiribikirabo; Abana babo babane bingi, Kandi bakasĩgĩra abitsikulu babo obuteke bwabo.

Esyonyimbo 39:6

Kwenene obuli mundu akalendera ngʼekyũtsũtsũ; Ebyosĩ akakola ni bya busa; Akatunda obuteke, ĩsĩasĩ nga nindi wasyĩmyabo.

Esyonyimbo 73:7

Emitima yabo ĩkũta ebibi, Nʼamalengekanĩa wabo oswĩre nʼesyombĩta nyibi.

Omũgambũlĩ 4:4

Neryo monalangira emĩbĩrĩ yosĩ, nʼobuli mũbĩrĩ wʼobunyima, eyikakolawa, ni busana nʼomwatsi wʼomundu oyukatsurawa na mũlĩkyabo. Ekĩ nakyo ni busa ngʼerikwamirira erihunga.

Omũgambũlĩ 4:8

Hali mundu muguma naye ali ĩyowene; siawite mugala kutse mugala wabo. Nĩkwa sihali endũlĩ yʼomũbĩrĩ wuwe gosĩ, ameso wuwe sĩalĩũgũta omo bindu. Ati, Ngayĩlũhĩraya busana nandi, nʼerĩĩma omutima wage wʼebibuya kwehĩ? Ekĩ nakyo ni busa, kandi nĩ mũbĩrĩ gʼobũlĩge.

Omũgambũlĩ 5:13

Hali ebibi bĩkalĩre ebyo nabirilangira eyĩkwa muna-kihugo, ebindu ebyo mwenyebyo akayibikira bĩkamwagalaya.

Omũgambũlĩ 5:16

Nʼekĩ nakyo ni kibi kĩkalĩre, ngoko anasa, kwʼanemwendisyagenda atya. Kandi amabana endũndĩ yahi busana nʼomũbĩrĩ akola busana nʼerĩhũnga kwehĩ?

Omũgambũlĩ 5:18

Lebaya, ekyo nabĩrĩrebya ko kiri kibuya nʼekyowene, yo mundu erirya nʼerĩpũlya, nʼeritsemera ebibuya omo mĩbĩrĩ yiwe yosĩ, eyo akakola eyĩkwa muna-kihugo, omo biro byosĩ byʼobuyingo buwe, ebyo Nyamuhanga abirimuha, kusangwa olũ ni luhembo luwe.

Omũgambũlĩ 5:19

Obuli mundu oyo Nyamuhanga abiriha ebindu, nʼobuteke, kandi abirimuha nibya Obũtokĩ bwʼerirya kubyo, nʼerĩĩmya oluhembo luwe, nʼeritsemera omũbĩrĩ wuwe, olũ nĩ lũsũnzo lwa Nyamuhanga.

Ĩsaya 55:2

Busana nakĩ mũkahĩtaya esyofranka busana nʼekyo ekite kalyo kwehĩ? Nʼobukumbi bwenyũ busana nʼekyo ekĩtũgũtaya kwehĩ? Mumbulikirire ndeke, kandi mulye ekibuya, ũyĩtsemesaye omo bĩnũnĩre.

Ekiriro 5:2

Omwandu wetu abirihabwa abʼehandi, Amanyũmba wetu oko bʼehali.

Danĩelĩ 5:18

Uwe mwami, Nyamuhanga Wʼendata Kutsibu mwaha tata wawe Nebũkadeneza obwami, nʼobukulu, nʼolukengerwa, nʼerĩkangabasanĩa.

Hosea 7:9

Abʼehandi bakabuga amaka wuwe, nĩkwa ĩsĩasĩkyo; akayira esyombwĩ nĩkwa sĩasĩkyo.

Eryibuka Ebihano 28:33

Embuto yʼekitaka kyenyũ, nʼemĩbĩrĩ yenyũ yosĩ, byasyalibwa nʼekihanda ekyo mũtasĩ; nenyũ mwasyanũbĩbwa nʼerĩtũndũlwa ebiro byosĩ.

Eryibuka Ebihano 28:43

Owʼehandi oyuli omo katĩkatĩ kenyũ asyayĩhamya endata kwilaba nywe; nĩkwa ĩnywe mwasyabera erisuba eyĩkwa nʼakandi eyĩkwa.

Abatswerĩ 18:10

Omugulu mukayamo mwasyahĩka oko bandu batekene, nʼekihugo ni kinene; kusangwa Nyamuhanga abirihakyo omo byala byenyũ, ahate bwaga bwʼekindu nʼekiguma ekiri muna-kihugo.