Omũgambũlĩ 5:18 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁸ Lebaya, ekyo nabĩrĩrebya ko kiri kibuya nʼekyowene, yo mundu erirya nʼerĩpũlya, nʼeritsemera ebibuya omo mĩbĩrĩ yiwe yosĩ, eyo akakola eyĩkwa muna-kihugo, omo biro byosĩ byʼobuyingo buwe, ebyo Nyamuhanga abirimuha, kusangwa olũ ni luhembo luwe.

Omũgambũlĩ 5:18 Iomraidhean Croise

Esyonyimbo 42:8

Omwami Mukulu akangaye olwanzo luwe olutyusa obuli musibo! Nyimwimbire eripipa obuli kiro, Nyisabe Nyamuhanga oyukamba engebe.

Omũgambũlĩ 11:9

Uwe mũlwana, Utsemere obũlwana bwawe, nʼomutima wawe akũtsemesaye omo biro byʼobũlwana bwawe. Ulendere omo syonzira syʼomutima wawe nʼerisonda lvʼameso wawe. Nĩkwa Uminye busana nʼemyatsi eyĩ yosĩ Nyamuhanga asyakuleta okwʼitswerwa.

Omũgambũlĩ 2:10

Nʼebindu byosĩ ebyo ameso wage asonda mondĩma byogo. Mondakakĩrya omutima wage oko butseme kutse bwahi. Kusangwa omutima wage mwatsema busana nʼemĩbĩrĩ yage yosĩ. Nʼeyĩ yabya luhembo lwage busana nʼomũbĩrĩ wage gosĩ.

Omũgambũlĩ 2:24

Busana nʼomundu sihali ekibuya ekĩlabĩre erirya nʼerĩpũlya, nʼeriyibwira ati omũbĩrĩ wuwe ni mubuya. Ekĩ nakyo monalebya kĩkalũa omo byala bya Nyamuhanga.

Omũgambũlĩ 2:3

Monasonda-sonda omo mutima wage ngoko nangatsemesya omubiri wage omo bĩnyũ, omutima wage iniakanyisondola omo menge, ngoko nangahambana nʼobũkĩrũ, erĩhĩka aho nangatokera erilangirira ebibuya busana nʼabagala bʼabandu erikola eyĩkwa munakihugo omo biro bike byʼobuyingo bwabo.

Omũgambũlĩ 3:22

Kandi nabĩrĩrebya ko hate kindu kibuya, kwilaba omundu eritsemera emĩbĩrĩ yiwe, kusangwa ekyo nĩ ʼgabo liwe. Kusangwa nindi wasyamuleta erilangira ekikandisyabya enyũma kwiye kwehĩ?

Omũgambũlĩ 6:2

Omundu oyukahabawa ebindu, nʼobuteke, nʼerĩsĩkĩbwa na Nyamuhanga, isialibula kindu kyahi busana nʼekĩrĩmũ kiwe omo byosĩ ebyo akasonda, nĩkwa Nyamuhanga sialitamuha Obũtokĩ bwʼerirya kubyo, nĩkwa owʼehandi akalyabyo. Ekĩ ni busa, kandi ni ndwala nyibi.

Omũgambũlĩ 8:15

Neryo monapipa ebitsange, kusangwa omundu siawite kindi kyowene ekĩlabĩre eyĩkwa muna-kihugo, lye nʼerirya, nʼerĩpũlya, nʼeritsema, kusangwa ekyo kyasyĩkala naye omo mũbĩrĩ wuwe ebiro byosĩ byʼobuyingo buwe ebyo Nyamuhanga abirimuha eyĩkwa muna-kihugo.

Omũgambũlĩ 9:7

Neryo ugende, ulye akalyo kawe nʼobutseme, nʼerĩpũlya ebĩnyũ byawe nʼomutima wʼeritsanga, kusangwa Nyamuhanga abĩrĩsĩma emĩbĩrĩ yawe.

Yeremĩa 52:34

Na busana nʼerĩgabo liwe, erĩgabo lyʼobutusa mwahabwalyo nʼomwami wʼeBabelĩ, obuli kiro mwahabwa erĩgabo erĩhĩka oko kiro kyʼerihola liwe.

1 AbanyaKorinto 16:16

Mowe abandu ngʼaba, kandi mowe obuli mundu oyukakola nʼerĩwatĩkya haguma nabo.

Eryibuka Ebihano 12:18

nĩkwa mwasyalirabyo embere syʼOmwami Mu­kulu Nyamuhanga wenyũ aho Mwami Mukulu Nyamuhanga wenyũ asyayisoga, uwe na mugala wawe, na mwali wawe, nʼomugombe wawe wʼobulume, nʼomu­gombe wawe wʼobũkalĩ, nʼOmũlawĩ oyuli omo syongyo syenyũ; kandi mwasyatse­ma embere syʼOmwami Mukulu Nyamu­hanga wenyũ omo byosĩ ebyala byenyũ bikakola.

Eryibuka Ebihano 12:7

Nʼaho ho mwasyalira embere syʼOmwami Mukulu Nyamuhanga wenyũ, kandi mwasyatsemera ebyosĩ mukakola omo byala byenyũ, Ĩnywe nʼebĩtũnga byenyũ, omo ebyo Mwami Mukulu abiribatsumulira.

Eryibuka Ebihano 26:11

Neryo uwe, nʼOmũlawĩ, nʼowʼehandi oyuli omo katĩkatĩ kenyũ, mwasyatsema omo bibuya byosĩ ebyo Mwami Mukulu Nyamuhanga wawe abiribaha, uwe nʼekĩtũnga kyawe.

1 Timoteo 6:17

Uhane abateke abʼebindu bʼekihugo kino sibayiheke, kutse erĩhĩra amaha wabo oko bindu ebyangahwaho. Nĩkwa bahĩre amaha wabo uku Nyamuhanga oyukatuha ndeke-ndeke ebindu byosĩ eritsemerabyo.