Omũgambũlĩ 5:17 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁷ Nibya omo biro byosĩ biwe akalya omo mwĩrĩmya, naye akagalawa kutsibu, inialwere nʼerihitana.

Omũgambũlĩ 5:17 Iomraidhean Croise

Enzũko 3:17

Nĩkwa Nyamuhanga mwabũga na Adamu ati, Kusangwa wabirihulikirira omulenge wʼomũkalĩ wawe, kandi wabi­rirya oko bĩgũma byʼomuti, ogo nakuha­na nyiti susyeryako. Ekitaka kyamataki­rwa busana nawe, Omo bũlĩge wasyalya ebyalya byakyo ebiro byosĩ byʼeribyaho lyawe.

1 Abami 17:12

Nĩkwa omũkalĩ mwabũga ati, Ngoko Mwami Mukulu Nyamuhanga wawe aneho, singwite akatole, nĩkwa erĩkĩnda iguma lyʼeyĩsyano omwʼĩrega, nʼotũgũta tuke omwʼĩtambya; kandi lebaya ngakumakuma otũkwe tubiri, inatoka eriingira nʼeritsumbayo busana nage nʼomugala wage, itwatoka eriryabo itwahola.

2 Abami 1:2

Na Ahazĩa mwatoga akalaba omo lĩdĩrĩsa lyʼekyumba kiwe kyʼendata omo nyũmba eyabya eSamarĩa, neryo mwalwala; neryo mwatuma abakwenda, mwabwirabo ati, Mugende, mũyabũlaye Baalĩ-zebũbũ, nyamuhanga wʼeEkũronĩ, nga nanasyalama omo ndwala eno.

2 Abami 1:6

Nabo mobamubwira bati, Omundu mwahĩndana netu mwatubwira ati, Mugende musube eyiri omwami oyo wabatuma, mumubwire muti, Omwami Mukulu akabũga ati, Ni kusangwa sihali Nyamuhanga omo Ĩsraelĩ, kikaleka iwatuma erĩbũlya uku Baalĩ-zebũbũ, nyamuhanga wʼeEkũronĩ kwehĩ? Busana nʼekyo sĩwendĩkĩma oko ngyingo wasambirako, nĩkwa kwenene wasyahola.

2 Abami 5:27

Busana nʼekyo ebihaga bya Namanĩ byasyakwamakirira, nʼoko bana bawe erĩhĩka kera na kera. Neryo Gehazĩ mwalũa embere siwe iniamabibya muhaga ĩnĩahenĩrye ngʼenzururu.

Yobũ 21:25

Nʼogundi akahola omo bũlũmĩ bwʼomutima, Ĩsĩalĩgeraya ebibuya na kera.

Esyonyimbo 102:9

Erĩbũ ni kalyo kage, Nʼemĩsonĩa yage ĩkatũlũngana omwʼĩpũlya lyage,

Esyonyimbo 127:2

Ni buyira erikola kutsibu busana nʼeriyikumbirira, Eritsinduka nʼeriswagotsera omo kiro, Kusangwa Omwami Mukulu akahũlũkaya abo anzĩre.

Esyonyimbo 39:6

Kwenene obuli mundu akalendera ngʼekyũtsũtsũ; Ebyosĩ akakola ni bya busa; Akatunda obuteke, ĩsĩasĩ nga nindi wasyĩmyabo.

Esyonyimbo 78:33

Kyaleka iniabuga ebiro byabo ngʼomuka, Kandi mwabuga emyaka yabo omwʼihera.

Omũgambũlĩ 2:10

Nʼebindu byosĩ ebyo ameso wage asonda mondĩma byogo. Mondakakĩrya omutima wage oko butseme kutse bwahi. Kusangwa omutima wage mwatsema busana nʼemĩbĩrĩ yage yosĩ. Nʼeyĩ yabya luhembo lwage busana nʼomũbĩrĩ wage gosĩ.

Omũgambũlĩ 2:23

Kusangwa ebyosĩ akakola omo biro biwe byosĩ nina bũlĩge, nʼeriluma lyʼomutima. Ega, nʼomo kiro nibya omutima wuwe sialiluhuka. Ekĩ nibya ni busa.

Omũgambũlĩ 2:24

Busana nʼomundu sihali ekibuya ekĩlabĩre erirya nʼerĩpũlya, nʼeriyibwira ati omũbĩrĩ wuwe ni mubuya. Ekĩ nakyo monalebya kĩkalũa omo byala bya Nyamuhanga.

Omũgambũlĩ 7:14

Utseme omo kiro kyʼomũyĩsa, nʼomo kiro kyʼobũlĩge ũganĩraye. Nyamuhanga abĩrĩhĩra ekiguma haguma nʼekindi, omundu siatoke eriminya ekindu ekikandisyabya enyũma kwiye.

Emibiri 12:23

Neryo-neryo omũlaĩka wʼomukama mwaswĩrya Herode, kusangwa mwataha Nyamuhanga yʼolukengerwa. Neryo mwalibwa nʼemihuka, mwahola.