Omũgambũlĩ 5:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Ũtegaye ekisando kyawe omugulu ukaya omo nyũmba ya Nyamuhanga. Kusangwa erĩyĩtũnda erihulikirira lyowene kwilaba erihonga lyʼabakĩrũ kusangwa sĩbasĩ ko bakakola nabi.

Omũgambũlĩ 5:1 Iomraidhean Croise

2 Emyatsi yʼEmigulu 26:16

Nĩkwa abere abibya nʼamaka omutima wuwe mwayipipa kyaleka iniakola nabi, neryo mwahalya embere syʼOmwami Mukulu Nyamuhanga wuwe; kusangwa mwingira omo Hekalũ yʼOmwami Mukulu erĩhĩsya obukwa oko kiherero kyʼobukwa.

Yobũ 11:2

Kwʼebĩnywa bingi byangasũbĩrĩbwa kwehĩ? Nʼomundu ũkabũga-bũga angatswerwa litunganene kwehĩ?

Yobũ 22:12

Nyamuhanga siali endata elubula kwehĩ? Lebaya nibya esyongũnũnũ esiri hali, ngoko siri endata kutsibu!

Esyonyimbo 89:7

Nyamuhanga ni wʼolubahwa omwʼĩbũgĩro lyʼababũyĩrĩre, Abosĩ abakamũtĩmbako bakamubaha.

Erĩlũayo 3:5

Neryo Nyamuhanga mwabũga ati, Susegere hano. Lũsaya esyongendero syawe oko bisando byawe, kusangwa aho guhangene ni kitaka kĩbũyĩrĩre.

Erĩlũayo 30:18

Wasyayira ekinabiro kyʼomulinga, nʼendĩna yakyo yʼomulinga, busana nʼerinabiramo. Kandi wasyahĩrakyo omo katĩkatĩ kʼeHema yʼerĩhĩndanamo nʼekiherero, kandi Wasyahĩra amagetsi go mukyo.

Emĩsyo 10:19

Omo bungi bwʼebĩnywa sihebula ĩlolo; Nĩkwa oyũkakakĩraya emĩnywa yiwe akakola nʼamenge.

Emĩsyo 15:8

Obuhere bwʼababi ni nye oko Mwami Mukulu; Nĩkwa erisaba lyʼabatunganene ni butseme buwe.

Emĩsyo 21:27

Ehongo yʼababi ni nye; Nĩkwa kwilaba aho, omugulu akaletayo nʼobũlengekanĩa bubi.

Ĩsaya 66:3

Oyukakera ende ali ngʼoyũkĩta omundu. Oyukahonga ekyana kyʼembũlĩ alingene nʼovũkabũna ebĩkya byʼembwa. Oyukahera obuhere bwʼengano ali ngʼovukahera omusasi wʼengulube. Oyũkokaya obukwa ali ngʼoyukatsumula esanamu. Kusangwa babiriyisoga esyonzira syabo, nʼomutima wabo akatsemera esyonye syabo;

Abalawĩ 10:3

Neryo Musa mwabũga na Harũnĩ, ati, Ekĩ kyo Mwami Mukulu abũga ati, Nasyaganzwa mo mũbũyĩrĩre oko bakasa hakũhĩ nage, nʼembere syʼabandu bosĩ nasyakengwa. Na Harũnĩ mwabya bũkũtũ.

Emibiri 10:33

Neryo-neryo monakutumirako, nawe wamayira ndeke ũkahĩka. Na lino ĩtwe bosĩ tune hano emuliro wa Nyamuhanga erĩowa ebyosĩ ebyo Mukama abirikuhana.

Emibiri 17:11

Nĩkwa abandu bʼeBeroya babya bandu babuya kwilaba bandu bʼeTesalonĩka. Mobangirira ekĩnywa kya Nyamuhanga nʼomũhwa, ĩbakasondaya omo Masako obuli kiro erĩrebya emyatsi eyĩ nga ni kwenene.

1 AbanyaKorinto 11:22

Ko simuwite amanyũmba wenyũ aho mukalira nʼerĩpũlya kwehĩ? Kutse mukapona ekanĩsa ya Nyamuhanga, nʼerihemula abatawitekĩ kwehĩ? Nyibabwirekĩ kwehĩ? Nasyabapipa kwehĩ? Iyihi, sindibapipa omo mwatsi oyũ.

AbaEbrania 10:26

Twamasimbirira erikwama ebibi omo pono, itwamabiminya ndeke omwatsi wʼekwenene, ko hatakiri buhere busana nʼebibi.

Yakobo 1:19

Balĩkyetu banze, muminye ekĩ. Obuli mundu abye akowa lũba, nĩkwa sĩabũge lũba, kutse siahitane lũba.

Yosũa 5:15

Nʼomunya-mwami wʼemilondo yʼOmwami Mukulu mwabũga na Yosũa ati, Lũsaya engendero yawe yʼoko kisando kyawe; kusangwa aho wimene habũyĩrĩre. Neryo Yosũa mwakola atya.