Omũgambũlĩ 3:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Omugulu wʼerĩtogongya emĩsonĩa, nʼomugulu wʼeriseka. Omugulu wʼeririra, nʼomugulu wʼerisata.

Omũgambũlĩ 3:4 Iomraidhean Croise

Enzũko 21:6

Neryo Sara mwabũga ati, Nyamuhanga amaleka inaseka, nʼobuli mundu ũkowa asyaseka haguma nage.

2 Samwelĩ 6:16

Neryo omugulu erĩsandũko lyʼOmwami Mukulu lingira omo mũyĩ wa Dawĩdĩ, Mĩkalĩ mwali wa Saũlo mwaleberya omwʼĩdĩrĩsa mwalangira omwami Dawĩdĩ akayisumbanga nʼerisatira embere syʼOmwami Mukulu; neryo mwamupona omo mutima wuwe.

Esyonyimbo 30:11

Wabiribindula obũlĩge bwage mo masata wʼobutseme; Wabiriambula emisarandwe yage, wabĩrĩnyambalya obutseme.

Esyonyimbo 30:5

Erihitana liwe nĩ ryʼakatambĩ kake, Olukogo luwe lũkotĩre. Eririra lyanganalindirira omo kiro, Nĩkwa obutseme bukasa engyakyangyakya.

Erĩlũayo 15:20

Na Mĩrĩamũ omũmĩnyererĩ wʼobũkalĩ, mwali wabo Harũnĩ, mwĩmya erĩsengo omo byala biwe; nʼabakalĩ bosĩ mobamukwama nʼamasengo nʼamasata.

Omũgambũlĩ 3:5

Omugulu wʼerigusa amabwe, nʼomugulu wʼerikuma-kuma amabwe. Omugulu wʼerĩkũmbatana, nʼomugulu wʼerireka erĩkũmbatana.

Omũgambũlĩ 7:14

Utseme omo kiro kyʼomũyĩsa, nʼomo kiro kyʼobũlĩge ũganĩraye. Nyamuhanga abĩrĩhĩra ekiguma haguma nʼekindi, omundu siatoke eriminya ekindu ekikandisyabya enyũma kwiye.

Ĩsaya 40:1

Nyamuhanga wenyũ ati, Mũkĩranaye, mũkĩranaye abandu bage.

Ĩsaya 40:2

Mũbũge lyolo-lyolo nʼeYerũsalema. Mumuguse kʼomulenge muti, amalwa wuwe abirihwa, nʼebibi biwe byamalũsĩbwaho, kusangwa abirikibagalira kabiri omo byala byʼOmwami Mukulu busana nʼebibi biwe byosĩ.

Matayo 11:17

bati, Twabiribabuhira amalenga, neryo momutetasata; motwimba Olwimbo lwʼerita omundu, nenyũ momutetalira.

Matayo 9:15

Yesu mwasũbĩryabo ati, Kwʼabĩra bʼĩba wʼomũherũkĩ banganakwa ngitsi omugulu akine haguma nabo kwehĩ? Nĩkwa ebiro byasyasa omugulu ĩba wʼomũherũkĩ asyalũsĩbwa kubo, neryo oko mugulu oyo basyatsira akalyo.

Luka 1:58

Neryo abalĩkyabo nʼabʼekĩtũnga kiwe mobowa ngoko Mukama abirimuganyira, neryo abosĩ mobatsema haguma naye.

AbanyaRoma 12:15

Mutseme haguma nʼabakatsema, mulire haguma nʼabakalira.

2 AbanyaKorinto 7:10

Kusangwa obũlĩge obo Nyamuhanga akalĩga busana netu bukaleta eribindula omutima, nʼeribana erilama eritawite eriswatsomana. Nĩkwa obũlĩge bwʼekihugo bukaleta oluholo.

Yakobo 4:9

Mũkwe obũlĩge, mũsũsũmane, mulire: eriseka lyenyũ libinduke mwʼĩsũsũmana, nʼobutseme bwenyũ bubinduke mo ngitsi.