Omũgambũlĩ 3:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Kandi obuli mundu alye nʼerĩpũlya, nʼeritsemera ebibuya omo mĩbĩrĩ yiwe yosĩ. Nĩ lũsũnzo lwa Nyamuhanga.

Omũgambũlĩ 3:13 Iomraidhean Croise

Esyonyimbo 128:2

Wasyatunda ebitolere obwaga bwawe; Wasyatsema nʼeribana endũndĩ.

Esyonyimbo 34:12

Mũnanzĩre eritsema omo ngebe kwehĩ? Mũnanzĩre erikota nʼerĩyĩsyandira omo bibuya kwehĩ?

Omũgambũlĩ 2:24

Busana nʼomundu sihali ekibuya ekĩlabĩre erirya nʼerĩpũlya, nʼeriyibwira ati omũbĩrĩ wuwe ni mubuya. Ekĩ nakyo monalebya kĩkalũa omo byala bya Nyamuhanga.

Omũgambũlĩ 2:3

Monasonda-sonda omo mutima wage ngoko nangatsemesya omubiri wage omo bĩnyũ, omutima wage iniakanyisondola omo menge, ngoko nangahambana nʼobũkĩrũ, erĩhĩka aho nangatokera erilangirira ebibuya busana nʼabagala bʼabandu erikola eyĩkwa munakihugo omo biro bike byʼobuyingo bwabo.

Omũgambũlĩ 6:2

Omundu oyukahabawa ebindu, nʼobuteke, nʼerĩsĩkĩbwa na Nyamuhanga, isialibula kindu kyahi busana nʼekĩrĩmũ kiwe omo byosĩ ebyo akasonda, nĩkwa Nyamuhanga sialitamuha Obũtokĩ bwʼerirya kubyo, nĩkwa owʼehandi akalyabyo. Ekĩ ni busa, kandi ni ndwala nyibi.

Omũgambũlĩ 8:15

Neryo monapipa ebitsange, kusangwa omundu siawite kindi kyowene ekĩlabĩre eyĩkwa muna-kihugo, lye nʼerirya, nʼerĩpũlya, nʼeritsema, kusangwa ekyo kyasyĩkala naye omo mũbĩrĩ wuwe ebiro byosĩ byʼobuyingo buwe ebyo Nyamuhanga abirimuha eyĩkwa muna-kihugo.

Omũgambũlĩ 9:7

Neryo ugende, ulye akalyo kawe nʼobutseme, nʼerĩpũlya ebĩnyũ byawe nʼomutima wʼeritsanga, kusangwa Nyamuhanga abĩrĩsĩma emĩbĩrĩ yawe.

Eryibuka Ebihano 12:7

Nʼaho ho mwasyalira embere syʼOmwami Mukulu Nyamuhanga wenyũ, kandi mwasyatsemera ebyosĩ mukakola omo byala byenyũ, Ĩnywe nʼebĩtũnga byenyũ, omo ebyo Mwami Mukulu abiribatsumulira.

Eryibuka Ebihano 26:11

Neryo uwe, nʼOmũlawĩ, nʼowʼehandi oyuli omo katĩkatĩ kenyũ, mwasyatsema omo bibuya byosĩ ebyo Mwami Mukulu Nyamuhanga wawe abiribaha, uwe nʼekĩtũnga kyawe.