Omũgambũlĩ 2:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Monayikuma-kumira ebĩtsĩpa nʼesyamagetsi, nʼobũsokĩ bwʼabami nʼobwʼebihugo. Monayibanira abĩmbĩ bʼobulume nʼabĩmbĩ bʼobũkalĩ, nʼobutseme bwʼabagala bʼabandu, ba bahwekĩ bangi.

Omũgambũlĩ 2:8 Iomraidhean Croise

2 Samwelĩ 19:35

Mũnabwĩre indi wʼemyaka makũmĩ munani; nangatoka eriminyerera ekibuya nʼekibi kwehĩ? Omugombe wawe angatoka erĩgerya ebyo ngalya kutse ebyo ngapũlaya kwehĩ? Nangaswatoka erĩowa omulenge wʼabalume nʼabakalĩ abakimba kwehĩ? Omugombe wawe angaswalĩtohera omukama wage omwami busana nakĩ kwehĩ?

1 Abami 10:10

Kandi mwaha omwami esyotalanta syʼesyamagetsi erĩgana nʼamakũmĩ abiri (120), nʼamanũkato mangi kutsibu, nʼamabwe wʼobũgũlĩ; mohataswasa manũkato mangi ngʼaya ago mwami-kalĩ wʼeSeba aha omwami Solomono.

1 Abami 10:14

Nĩkwa obũlĩto bwʼesyamagetsĩ esyahĩka uku Solomono oko mwaka muguma bwabya esyotalanta magana ndatu nʼamakũmĩ ndatu nʼendatu (666),

1 Abami 10:21

Nʼesyonyungu syosĩ syʼerĩpũlyamo sya Solomono syabya syʼesyamagetsi. Nʼebindu byosĩ byʼenyũmba yʼomo mũsĩtũ wʼeLebanonĩ byabya byʼesyamagetsi nyibuya; sihabya byʼekĩtsĩpa; kandi ekĩtsĩpa mokitaganzwa nga kindu kyʼobũgũlĩ oko biro bya Solomono.

1 Abami 11:3

Naye abya awite abakalĩ magana alinda, abali bʼabami, nʼabahwekĩ magana asatu; nʼabakalĩ buwe mobabindula omutima wuwe.

1 Abami 14:27

Neryo omwami Rehoboamũ mwahesa esyongabo syʼemiringa omo mwanya wasyo, neryo mwahĩrasyo omo byala byʼabakulu bʼabateya, abategaya olũkyo lwʼenyũmba yʼOmwami.

1 Abami 9:14

Kandi Hĩramũ mwatumira omwami esyotalanta syʼesyamagetsi erĩgana nʼamakũmĩ abiri (120).

1 Abami 9:28

Neryo mobahĩka eOfĩrĩ, mobendayo esyamagetsi esyotalanta magana ani nʼamakũmĩ abiri (420), mobaletasyo oko mwami Solomono.

1 Emyatsi yʼEmigulu 25:1

Kandi Dawĩdĩ nʼabakulu bʼomulondo mobasombola busana nʼomũbĩrĩ abandi bʼabagala ba Asafũ, nʼaba Hemanĩ, nʼaba Yedũtũnĩ, abangaminyerera omo syonanga nʼesyonzenze, nʼomo masengo; nʼeriganza lyʼabo bakola ngʼemĩbĩrĩ yabo ko yabya:

1 Emyatsi yʼEmigulu 25:6

Abosi aba, basondolawa na tata wabo busana nʼeriimbira omo nyũmba yʼOmwami Mukulu, omo masengo, nʼomo syonzenze, nʼomo syonanga, busana nʼomũbĩrĩ wʼenyũmba ya Nyamuhanga; Asafũ, na Yedũtũnĩ, na Hemanĩ ibakahamulawa nʼomwami.

2 Emyatsi yʼEmigulu 9:11

Nʼomwami mwakokotya omo miti eyo yʼemĩsandalĩ mwʼebisambiro byʼenyũmba yʼOmwami Mukulu, na busana nʼenyũmba yʼOmwami, nʼesyonanga, nʼesyonzenze busana nʼabĩmbĩ; kandi isihehatalolwako erĩmbere esiri ngʼesĩ omo kihugo kya Yũda.

Ezera 2:65

abagombe bʼobulume nʼabagombe bʼobũkalĩ bateko, nabo babya elfu irinda nʼamagana asatu nʼamakũmĩ asatu nʼabalinda (7,337); kandi babya nʼabĩmbĩ bʼobulume nʼabĩmbĩ bʼobũkalĩ amagana abiri (200).

Omũgambũlĩ 1:2

Ebyosĩ ni bya busa, Omũgambũlĩ akabũga. Ebyosĩ ni bya busa! Ebyosĩ ni busa.

Danĩelĩ 3:15

Neryo lino mwamabya mũnasĩkĩre omugulu mũkowa emirenge yʼengubi, nʼenyamulera, nʼenanga, nʼenzenze, nʼomũgobĩro, nʼamalenga, nʼemĩsĩndo yosĩ yʼeriimba, eriwa ahisi nʼerĩramya esanamu eyo nakokotaya, lyowene; nĩkwa mwamatindaramyayo, oko katambĩ ako mwasyaguswa omwʼirunga erikaka mʼomuliro; ni nyamuhanga wahi oyo wasyabalamya omo byala byage kwehĩ?

Danĩelĩ 3:5

omugulu mũkowa emirenge yʼengubi, nʼenyamulera, nʼenanga, nʼenzenze, nʼomũgobĩro, nʼamalenga, nʼemihanda yosĩ yʼeriimba, muwe ahisi nʼerĩramya esanamu eyo yʼesyamagetsi eyo mwami Nebũkadeneza asingika.

Danĩelĩ 3:7

Neryo oko mugulu oyo, omugulu abandu bakowa emirenge yʼengubi, nʼenyamulera, nʼenanga, nʼenzenze, nʼomũgobĩro, nʼamalenga, nʼemihanda yosĩ yʼeriimba, abandu bosĩ nʼebihanda, nʼemĩbũge, mobawa ahisi, mobaramya esanamu yʼesyamagetsi eyo mwami Nebũkadeneza asingika.

Amosĩ 6:5

Abakimba esyonyimbo nyitya-nyitya omo mulenge wʼenanga, abakayĩtsũkĩra esyonyimbo nga Dawĩdĩ.