Omũgambũlĩ 2:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Monasonda-sonda omo mutima wage ngoko nangatsemesya omubiri wage omo bĩnyũ, omutima wage iniakanyisondola omo menge, ngoko nangahambana nʼobũkĩrũ, erĩhĩka aho nangatokera erilangirira ebibuya busana nʼabagala bʼabandu erikola eyĩkwa munakihugo omo biro bike byʼobuyingo bwabo.

Omũgambũlĩ 2:3 Iomraidhean Croise

Enzũko 47:9

Yakobo mwasũbĩrya Farao ati, Ebiro byʼemyaka yʼobubunga bwage ni myaka erĩgana nʼamakũmĩ asatu. Ebiro byʼemyaka yʼeribyaho lyage nina bike, kandi ni byʼobũlĩge, kandi sibiribyahĩka oko biro byʼemyaka yʼeribyaho lyʼabotata wage omo biro byʼobubunga bwabo.

Yobũ 14:14

Omundu amahola asyaswabyaho kwehĩ? Inalindirira ebiro byosĩ byʼamalwa wage, Nʼerĩhĩka aho eriboholwa lyage lyasyahĩkĩra.

Esyonyimbo 104:15

Nʼebĩnyũ ebyʼerimũtsemesya, Nʼamagũta wʼerĩhakabya obũsũ buwe, Nʼobundu bwʼerimuha akagala.

Emĩsyo 20:1

Ebĩnyũ bĩkasekereraya, nʼobũhĩre kutsibu bukaleta eritamira; Nʼoyukatamirabyo si wʼamenge.

Omũgambũlĩ 1:17

Kandi nabĩrĩhĩra omutima wage okwʼiminya amenge, nʼeriminya erĩsĩre nʼobũkĩrũ. Monalebya kwʼebĩ nabyo ni ʼkwamirira erihunga.

Omũgambũlĩ 10:19

Abandu bakasumba akalyo busana nʼeritsemerako, nʼebĩnyũ bĩkatsemesaya obuyingo, nʼesyofranka sikaleta emyatsi yosĩ.

Omũgambũlĩ 12:13

Endũlĩ yʼomwatsi oyũ yeyĩ; ebyosĩ byabĩryowĩbwa. Gubahe Nyamuhanga, ũtegaye ebihano biwe, kusangwa ebĩ byo bitolere ndeke busana nʼobuli mundu.

Omũgambũlĩ 2:24

Busana nʼomundu sihali ekibuya ekĩlabĩre erirya nʼerĩpũlya, nʼeriyibwira ati omũbĩrĩ wuwe ni mubuya. Ekĩ nakyo monalebya kĩkalũa omo byala bya Nyamuhanga.

Omũgambũlĩ 5:18

Lebaya, ekyo nabĩrĩrebya ko kiri kibuya nʼekyowene, yo mundu erirya nʼerĩpũlya, nʼeritsemera ebibuya omo mĩbĩrĩ yiwe yosĩ, eyo akakola eyĩkwa muna-kihugo, omo biro byosĩ byʼobuyingo buwe, ebyo Nyamuhanga abirimuha, kusangwa olũ ni luhembo luwe.

Omũgambũlĩ 6:12

Kusangwa nindi wasĩ ekibuya busana nʼomundu omugulu akineho, omo biro bike byʼeribyaho liwe lya busa kwehĩ? Asyabugabyo ngʼekyũtũtũ. Kusangwa nindi wangatoka eribwira omundu ekikandisyabyaho abihola eyĩkwa muna-kihugo kwehĩ?

Omũgambũlĩ 7:18

Lyowene iwahamba omwatsi muguma, kandi sũlwĩke ekindi, kusangwa oyukubaha Nyamuhanga akahuluka nʼebyosĩ bibiri.

Omũgambũlĩ 7:25

Monahĩra, obũlengekanĩa bwage okwʼiminya nʼokwʼĩsondya, nʼerirya-burondo amenge nʼenzumwa nʼeriminya ebibi byʼobũkĩrũ, kandi obũkĩrũ nĩ ʼsĩre.

Omũgambũlĩ 8:15

Neryo monapipa ebitsange, kusangwa omundu siawite kindi kyowene ekĩlabĩre eyĩkwa muna-kihugo, lye nʼerirya, nʼerĩpũlya, nʼeritsema, kusangwa ekyo kyasyĩkala naye omo mũbĩrĩ wuwe ebiro byosĩ byʼobuyingo buwe ebyo Nyamuhanga abirimuha eyĩkwa muna-kihugo.

Matayo 6:24

Sihali mundu oyo wangatoka erikolera abakama babiri; kusangwa asyakwa omuguma yʼobusu, nʼerianza ogundi. Kutse asyabegera oko muguma, iniapona ogundi. Simwangatoka erikolera Nyamuhanga nʼebindu.

AbanyaEfeso 5:18

Sĩmũkũnde omo bĩnyũ, kusangwa hali eritamira, nĩkwa mũsũle mʼOmũlĩmũ Abũyĩrĩre.

Abatswerĩ 9:13

Nĩkwa omũlĩkĩ wʼebĩnyũ mwabwirayo ati, Nangasĩga ebĩnyũ byage bihya-bihya ebĩkatsemesaya Nyamuhanga nʼabandu nʼerĩyayĩhũnga-hũngya endata oko miti kwehĩ?

1 Samwelĩ 25:36

Kandi Abĩgaĩlĩ mwahĩka eyiri Nabalĩ; neryo, lebaya, ĩnĩabĩrĩkokotya erirya ĩnene omo nyũmba yiwe, ngʼerirya ĩnene lyʼOmwami; nʼomutima wa Nabalĩ ĩnĩatsangĩre omwisi wuwe, kusangwa ĩnĩabĩrĩkũnda kutsibu; busana nʼekyo mwatamubwira kyahi, ekike kutse kinene, erĩhĩka okwʼikya lyʼengyakya.