Omũgambũlĩ 2:24 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁴ Busana nʼomundu sihali ekibuya ekĩlabĩre erirya nʼerĩpũlya, nʼeriyibwira ati omũbĩrĩ wuwe ni mubuya. Ekĩ nakyo monalebya kĩkalũa omo byala bya Nyamuhanga.

Omũgambũlĩ 2:24 Iomraidhean Croise

1 Abami 4:20

Abayũda nʼAbaĩsraelĩ babya bangi ngʼomusege gʼoko ngetsi busana nʼobungi; ibakalya nʼerĩpũlya nʼeritsanga.

Nehemĩa 8:10

Neryo mwabwirabo ati, Muyigendere, mulye esĩnenehĩre, mũpũlaye ebĩsĩhĩre, mutume amagabo oko yũtabĩkĩrwe kindu; kusangwa ekiro kino kĩbũyĩrĩre oko Mukama wetu; kandi sĩmũkwe bũlĩge; kusangwa obutseme bwʼomwami Mukulu ni kagala kenyũ.

Omũgambũlĩ 2:10

Nʼebindu byosĩ ebyo ameso wage asonda mondĩma byogo. Mondakakĩrya omutima wage oko butseme kutse bwahi. Kusangwa omutima wage mwatsema busana nʼemĩbĩrĩ yage yosĩ. Nʼeyĩ yabya luhembo lwage busana nʼomũbĩrĩ wage gosĩ.

Omũgambũlĩ 2:25

Kusangwa nindi yo wangatoka erirya, kutse nindi yo wangatoka eribya nʼobutseme bite bya Nyamuhanga kwehĩ?

Omũgambũlĩ 2:3

Monasonda-sonda omo mutima wage ngoko nangatsemesya omubiri wage omo bĩnyũ, omutima wage iniakanyisondola omo menge, ngoko nangahambana nʼobũkĩrũ, erĩhĩka aho nangatokera erilangirira ebibuya busana nʼabagala bʼabandu erikola eyĩkwa munakihugo omo biro bike byʼobuyingo bwabo.

Omũgambũlĩ 3:22

Kandi nabĩrĩrebya ko hate kindu kibuya, kwilaba omundu eritsemera emĩbĩrĩ yiwe, kusangwa ekyo nĩ ʼgabo liwe. Kusangwa nindi wasyamuleta erilangira ekikandisyabya enyũma kwiye kwehĩ?

Omũgambũlĩ 5:17

Nibya omo biro byosĩ biwe akalya omo mwĩrĩmya, naye akagalawa kutsibu, inialwere nʼerihitana.

Omũgambũlĩ 6:12

Kusangwa nindi wasĩ ekibuya busana nʼomundu omugulu akineho, omo biro bike byʼeribyaho liwe lya busa kwehĩ? Asyabugabyo ngʼekyũtũtũ. Kusangwa nindi wangatoka eribwira omundu ekikandisyabyaho abihola eyĩkwa muna-kihugo kwehĩ?

Omũgambũlĩ 6:2

Omundu oyukahabawa ebindu, nʼobuteke, nʼerĩsĩkĩbwa na Nyamuhanga, isialibula kindu kyahi busana nʼekĩrĩmũ kiwe omo byosĩ ebyo akasonda, nĩkwa Nyamuhanga sialitamuha Obũtokĩ bwʼerirya kubyo, nĩkwa owʼehandi akalyabyo. Ekĩ ni busa, kandi ni ndwala nyibi.

Omũgambũlĩ 8:15

Neryo monapipa ebitsange, kusangwa omundu siawite kindi kyowene ekĩlabĩre eyĩkwa muna-kihugo, lye nʼerirya, nʼerĩpũlya, nʼeritsema, kusangwa ekyo kyasyĩkala naye omo mũbĩrĩ wuwe ebiro byosĩ byʼobuyingo buwe ebyo Nyamuhanga abirimuha eyĩkwa muna-kihugo.

Ĩsaya 56:12

Bakabũga bati, Mwase, twĩmaye ebĩnyũ, kandi tũkũnde omo bũhĩre. Nʼomo ngyakya yasyabya nga mũnabwĩre, na kwilaba aho.

Malakĩ 2:2

Mwamatĩndĩowa, mukatindabikalyo omo mutima, eriha erĩsĩkya oko lĩna lyage, Omwami Mukulu Wʼemilondo atya, neryo nasyabatumira eritakira, kandi nasyatakira emĩyĩsa yenyũ; kandi kwenene, nabiritakirayo, kusangwa simwetabikalyo omo mutima.

Emibiri 14:17

Nĩkwa mwatayireka bute balangĩrĩ buwe, iniakakola ebibuya nʼeribaha embũla eyĩkalũa elubula, nʼeribaha ebirimo ebĩkeraya ebyalya, nʼerĩũsũlya emitima yenyũ mwʼobutseme.

1 AbanyaKorinto 15:32

Kumbe nakwama amalengekanĩa wʼabandu omugulu nabya nga ngalwa nʼesyonyama syʼomolĩ eEfeso, lyamanyigasirakĩ kwehĩ? Abaholĩ bamatendĩlũbũkĩbwa nʼahake, ngoko kĩsakĩre kiti, Tulye, tũpũlaye, kusangwa omo ngyakya twasyahola.

Eryibuka Ebihano 12:12

Kandi mwasya­tsema embere syʼOmwami Mukulu Nyamuhanga wenyũ, ĩnywe, nʼabagala benyũ nʼabali benyũ, nʼabagombe benyũ bʼobulume, nʼabagombe benyũ bʼobũ­kalĩ, nʼOmũlawĩ oyuli omo syongyo syenyũ, kusangwa siawite erĩgabo kutse omwandu haguma nenyũ.

Eryibuka Ebihano 12:18

nĩkwa mwasyalirabyo embere syʼOmwami Mu­kulu Nyamuhanga wenyũ aho Mwami Mukulu Nyamuhanga wenyũ asyayisoga, uwe na mugala wawe, na mwali wawe, nʼomugombe wawe wʼobulume, nʼomu­gombe wawe wʼobũkalĩ, nʼOmũlawĩ oyuli omo syongyo syenyũ; kandi mwasyatse­ma embere syʼOmwami Mukulu Nyamu­hanga wenyũ omo byosĩ ebyala byenyũ bikakola.

1 Timoteo 6:17

Uhane abateke abʼebindu bʼekihugo kino sibayiheke, kutse erĩhĩra amaha wabo oko bindu ebyangahwaho. Nĩkwa bahĩre amaha wabo uku Nyamuhanga oyukatuha ndeke-ndeke ebindu byosĩ eritsemerabyo.