Omũgambũlĩ 2:17 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁷ Kyaleka ĩnakwa obuyingo bwage bwʼekĩnĩga, kusangwa omũbĩrĩ owakakolawa eyĩkwa muna-kihugo abya obũlĩge ũkwʼĩngye, kusangwa ebyosĩ ni busa nʼerikwamirira erihunga.

Omũgambũlĩ 2:17 Iomraidhean Croise

1 Abami 19:4

Nĩkwa ye Elĩya mwagenda olugendo lwʼekiro kiguma omo mbwarara, mwasa mwĩkala omo ndĩna yʼomuti wʼomusasa; neryo mwabũlya ati ahole, ati, Bingaho; lino uwe Mwami Mukulu ũlũsaye engebe yage; kusangwa Sindi mubuya kwilaba abotata-kulu bage.

Yobũ 14:13

Kumbe wanganyĩbĩsa omo Kũlĩmũ, Kumbe wanganyibikamo bũbĩso-bĩso, Erĩhĩka aho erihitana lyawe likakusubirako, Kumbe wanyahũlĩrye omugulu owahamulawa, nʼerinyibuka!

Esyonyimbo 89:47

Wibuke obũkũhĩ bwʼengebe yʼomundu; Wibuke ngoko wahangika abandu bosĩ ibasyahola!

Omũgambũlĩ 1:14

Nabirilangira emĩbĩrĩ yosĩ eyikakoleka muna-kihugo. Neryo lebaya, ebyosĩ ni busa nʼerikwamirira erihunga.

Omũgambũlĩ 1:17

Kandi nabĩrĩhĩra omutima wage okwʼiminya amenge, nʼeriminya erĩsĩre nʼobũkĩrũ. Monalebya kwʼebĩ nabyo ni ʼkwamirira erihunga.

Omũgambũlĩ 2:11

Neryo monalebya emĩbĩrĩ yage yosĩ eyo ebyala byage byakola, nʼemikolere eyo nayĩlũhayamo erikola, nĩkwa lebaya, ebyosĩ byabya busa nʼerikwamirira erihunga, kandi isihali ndũndĩ eyĩkwa muna-kihugo.

Omũgambũlĩ 2:22

Kusangwa omundu akabanakĩ busana nʼomũbĩrĩ wuwe gosĩ, nʼoko ndũhĩ yiwe yʼomutima, ebyo akakola eyĩkwa muna-kihugo kwehĩ?

Omũgambũlĩ 3:16

Kandi nabĩrĩrebya omo kihugo kino, ebibi biri omo mwanya wʼerĩbanza lyʼekwenene, kandi omo mwanya wʼeritunganene hali ebibi.

Omũgambũlĩ 4:2

Kyaleka inapipa abaholĩ ababirihola kera kwilaba abaholĩ ibakineho.

Omũgambũlĩ 4:3

Nĩkwa omubuya kwilaba abosĩ babiri, yo yute wabyaho, oyũterebaya na kera emĩbĩrĩ mibi eyikakoleka eyĩkwa muna-kihugo.

Omũgambũlĩ 6:9

Erilangira omo meso lĩlabĩre eriganga-ganga lyʼengumbu. Ekĩ nakyo ni kya busa nʼerikwamirira erihunga.

Ezekĩelĩ 3:14

Neryo Omũlĩmũ mwanyisumba nʼerinyitwala ehandi. Nage monagenda omo bukali, nʼerĩhũka-hũka lyʼekĩrĩmũ kyage, nʼebyala byʼOmwami Mukulu mobyanyikalako nʼamaka.

Yona 4:3

Busana nʼekyo lino, Uwe Mwami Mukulu ngakũbũganganako, ũndũsaye kwʼengebe yage; kusangwa lyowene ũkwʼĩngye erihola kwilaba eribyaho.

Yona 4:8

Neryo, omugulu eryuba lyasingirira, Nyamuhanga mwakokotya erihunga erĩhũhene lĩkalũa ebwanga bwʼendata; nʼeryuba molyakola oko mutwe wa Yona, neryo Yona mwalembera, kyaleka iniayisabira erihola, ati, Lyowene ũkwʼĩngye erihola kwilaba eribyaho.

Habakũkĩ 1:3

Busana nakĩ ukaleka inalangira ebibi, nʼerisamalira obubi kwehĩ? Ega, obũherya nʼomwaga biri embere syage; kandi hali amalwa, nʼerinegena bikahuluka.

Emiganzo 11:15

Kandi wamanyikola utya, ngakusaba ũnyĩtĩre hano, namabibana eriganyira omo meso wawe; kandi Suleke ngalangira obũlĩge bwage.