Omũgambũlĩ 12:14 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁴ Kusangwa Nyamuhanga asyaleta obuli mũbĩrĩ okwʼitswerwa, haguma nʼobuli kindu kĩbĩsamĩre, kutse kyamabya kyowene, kutse kyamabya kiri kibi.

Omũgambũlĩ 12:14 Iomraidhean Croise

Yobũ 19:29

Mubahe omũyalĩ busana nenyũ. Kusangwa erihitana likaleta erisuyira lyʼomũyalĩ, Imwatoka eriminya ko hali eritswera.

Esyonyimbo 50:21

Wabirikola ebyosĩ ebĩ, nage monabya bũkũtũ, Neryo mowaganĩrya uti indi nga we. Nĩkwa lino ngandikukunga, nʼerĩkũtondekanĩryabyo.

Esyonyimbo 90:8

Ũkahĩra ebibi byetu embere syawe, Nʼebibi byetu ebĩbĩsamĩre ũkahĩrabyo aho ukalangirabyo.

Esyonyimbo 96:13

Kusangwa akahĩka eritabalira ekihugo Omo lĩbanza litunganene, kandi butsira erisombola.

Omũgambũlĩ 11:9

Uwe mũlwana, Utsemere obũlwana bwawe, nʼomutima wawe akũtsemesaye omo biro byʼobũlwana bwawe. Ulendere omo syonzira syʼomutima wawe nʼerisonda lvʼameso wawe. Nĩkwa Uminye busana nʼemyatsi eyĩ yosĩ Nyamuhanga asyakuleta okwʼitswerwa.

Omũgambũlĩ 3:17

Monayibwira omo mutima wage, nyiti, Nyamuhanga asyatswera abandu batunganene nʼabandu babi, kusangwa hali omugulu busana nʼobuli ĩsũnzĩkanĩa nʼobuli mũbĩrĩ.

Matayo 10:26

Neryo simubahe abandu. Kusangwa sihali ekĩkũnĩngĩre ekitendisyabĩsũlwa, kutse ekĩbĩsamĩre ekitendisyamĩnyĩkalĩbwa.

Matayo 12:36

Kandi ngabũga nenyũ nyiti, Oko kiro kyʼeritswera abandu basyakanganĩa obuli kĩnywa kitya-kitya ekyo bakabũga.

Yoane 5:29

Basyalũa omo masinda wabo; abakola emĩbĩrĩ mibuya basyalũbũka oko ngebe, nʼabakola ebibi basyalũbũka oko lubanza lwʼeritswerwa.

AbanyaRoma 2:16

Engulu Yowene eyo ngatũlaganaya iti, Ko kyasyabya kitya oko kiro Nyamuhanga asyatswera, omwisi wa Kristo Yesu, emyatsi nʼamalengekanĩa wʼabandu ebĩbĩsamĩre.

1 AbanyaKorinto 4:5

Neryo Simubye mukatswera omundu embere wʼomugulu owatolere, omugulu Omukama asyasa, iye asyahũlũkya omo kyakakala emyatsi eyĩbĩsamĩre omo mwĩrĩmya, kandi asyamĩnyĩkalya erĩyĩsũnza lyʼemitima yʼabandu. Neryo obuli mundu asyabana eripipwa na Nyamuhanga.

2 AbanyaKorinto 5:10

Kusangwa litolere ĩtwe bosĩ itwahuluka embere sya Kristo nʼeritswerwa naye, neryo obuli mundu inialihwa busana nʼemikolere eyo akola omo mubiri wuwe, yamabya ĩyowene, kutse yamabya ini mibi.