Omũgambũlĩ 12:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Endũlĩ yʼomwatsi oyũ yeyĩ; ebyosĩ byabĩryowĩbwa. Gubahe Nyamuhanga, ũtegaye ebihano biwe, kusangwa ebĩ byo bitolere ndeke busana nʼobuli mundu.

Omũgambũlĩ 12:13 Iomraidhean Croise

Enzũko 22:12

Neryo mwamubwira ati, Sũhĩre ebyala byawe oko mũlwana, kutse sumukole kindu, kusangwa lino nyasĩ ngoko ukubaha Nyamuhanga, kusangwa sulitanyikaga mugala wawe, ekyusa kyawe.

1 Abami 2:3

ũtegaye erĩhano lyʼOmwami Mukulu Nyamuhanga wawe, erirendera omo syonzira siwe, nʼerĩteya emigambo yiwe, nʼebihano biwe, nʼebilayiro biwe, nʼerĩtũlago liwe, ngʼebyosĩ ko bĩsakĩre omo migambo ya Musa, iwatoka eribana omũyĩsa omo byosĩ ukakola, nʼehosĩ eyo wasyalolera,

Yobũ 28:28

Neryo mwabwira omundu ati, Lebaya, eriubaha lyʼomukama, go na menge; Nʼerireka ebibi ni ʼminya.

Esyonyimbo 111:10

Eriubaha Omwami Mukulu nĩ nzũko yʼamenge; Akaha amenge oko bosĩ abakowa amahano wuwe. Angapipwa kera na kera!

Esyonyimbo 145:19

Akaberereraya obwaga bwʼabosĩ abakamubaha; Akowa erilaka lyabo, akalamayabo.

Esyonyimbo 147:11

Nĩkwa Omwami Mukulu akatsemera abakamubaha, Akatsemera abakayiketera olwanzo luwe olutyusa.

Emĩsyo 1:7

Eryubaha Omwami Mukulu nĩ nzũko yʼeriminya; Nĩkwa abakĩrũ bakapona amenge nʼerĩkangĩrĩrĩbwa.

Emĩsyo 19:23

Eriubaha Omwami Mukulu likaleta engebe; Nʼoyuwiteryo asyũgũta; Nʼekibi sikyendĩsyamũhĩkako.

Emĩsyo 23:17

Suleke omutima wawe akatsura abakola-nabi; Nĩkwa ubye nʼeriubaha Omwami Mukulu ebiro byosĩ.

Omũgambũlĩ 2:3

Monasonda-sonda omo mutima wage ngoko nangatsemesya omubiri wage omo bĩnyũ, omutima wage iniakanyisondola omo menge, ngoko nangahambana nʼobũkĩrũ, erĩhĩka aho nangatokera erilangirira ebibuya busana nʼabagala bʼabandu erikola eyĩkwa munakihugo omo biro bike byʼobuyingo bwabo.

Omũgambũlĩ 3:14

Nyĩnasĩ ekĩndũkĩ Nyamuhanga akakola kyasyakota. Sihali kindu kyangaswatomekwako, kutse erĩkehya kukyo. Na Nyamuhanga abirikolakyo, abandu bubahe embere siwe.

Omũgambũlĩ 5:7

Kusangwa omwʼilota lingi, nʼomo bĩnywa bingi hali busa Nĩkwa gubahe Nyamuhanga.

Omũgambũlĩ 6:12

Kusangwa nindi wasĩ ekibuya busana nʼomundu omugulu akineho, omo biro bike byʼeribyaho liwe lya busa kwehĩ? Asyabugabyo ngʼekyũtũtũ. Kusangwa nindi wangatoka eribwira omundu ekikandisyabyaho abihola eyĩkwa muna-kihugo kwehĩ?

Omũgambũlĩ 7:18

Lyowene iwahamba omwatsi muguma, kandi sũlwĩke ekindi, kusangwa oyukubaha Nyamuhanga akahuluka nʼebyosĩ bibiri.

Omũgambũlĩ 8:12

Nomo mundu mubi angakola ebibi ngendo ĩgana, nʼerĩkanyĩa engebe yiwe, nĩkwa kwenene nyasĩ omwatsi asyowana oko bakubaha Nyamuhanga, abakamukenga.

Omũgambũlĩ 8:5

Oyũkategaya erihana lyʼOmwami siendisyaminya obũlĩge, kusangwa omutima wʼamenge akaminyerera omugulu atolere nʼebyo angakola.

Mĩka 6:8

Uwe mundu, abĩrĩkũkangya kihi kyo kibuya; Omwami Mukulu akakusonda ko kihi kwehĩ, lye nʼerikola erĩbanza litunganene, nʼerianza obwenge, nʼerirendera na Nyamuhanga wawe nʼerĩyĩkehya.

Luka 1:50

Eriganyira liwe liri oko bosĩ abakamu­baha, Erĩtsũka oko lulengo luguma nʼerĩhĩka oko Sindi.

Eryibuka Ebihano 10:12

Na lino, Israelĩ, Omwami Mukulu Nyamuhanga wawe akakusonda kokyĩ kwehĩ? Rye nʼeriubaha Omwami Mukulu Nyamuhanga wawe, erirendera omo nzira siwe syosĩ, nʼerimwanza, nʼerikolera Omwami Mukulu Nyamuhanga wawe nʼomutima wawe gosĩ, nʼekĩrĩmũ kyawe kyosĩ,

Eryibuka Ebihano 10:20

Wasyubaha Omwami Mukulu Nyamuhanga wawe; wasyamukolera ĩyowene; kandi wasyamumakirirako, kandi, wasyayisema omo lĩna liwe.

Eryibuka Ebihano 4:10

Wibuke ekiro wahangana embere syʼOmwami Mukulu Nyamuhanga wawe eHorebũ, omugulu Omwami Mukulu abũga nage ati, Ũnyĩhĩndanĩraye abandu, nage inatoka erĩowĩsyabo ebĩnywa byage, ibatoka eriiga erinyubaha ebiro byosĩ bakabyaho muna-kihugo, kandi babane erĩkangĩrĩrya abana babo.

Eryibuka Ebihano 4:2

Simusyatomeka oko kĩnywa ekyo ngabahana, kutse sĩmũsyakehayakyo, imwatoka erĩteya ebihano byʼOmwami Mukulu Nyamuhanga wenyũ ebyo ngabahana.

Eryibuka Ebihano 6:2

neryo uwe, nʼomugala wawe, nʼomwitsikulu wawe imwatoka eriubaha Omwami Mukulu Nyamuhanga wawe, erĩteya emigambo yiwe yosĩ nʼebihano biwe, ebyo ngabahana ebiro byosĩ byʼengebe yawe; kandi ebiro byawe bibane eritomekerwa.

1 Petero 2:17

Mũsĩkaye abandu bosĩ. Mwanze abalĩkyetu Abakristo, mukenge Nyamuhanga, kandi mũsĩkaye omwami.

Eribisurirwa 19:5

Neryo omulenge mwalũa oko kĩtũmbĩ kyʼobwami ati, Mupipe Nyamuhanga wetu, ĩnywe bagombe buwe bosĩ, nʼabandu bosĩ abakulu nʼabake-bake, abakamupipa!

1 Samwelĩ 12:24

Ekiguma kisa mubahe Omwami Mukulu, kandi mumukolere nʼekwenene omo mitima yenyũ yosĩ; kusangwa mũganĩraye emyatsi minene eyo abakolera.