Omũgambũlĩ 11:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Ngoko ũtasĩ enzira yʼerihunga, kutse ngoko amakũha akalasa omo nda yʼoyuli nʼobukule. Litya Sĩwasĩ omũbĩrĩ wa Nyamuhanga oyukahangika ebindu byosĩ.

Omũgambũlĩ 11:5 Iomraidhean Croise

Yobũ 37:23

Obũtokĩ bwa Nyamuhanga ni bunene, Sitwangatoka erimusegerako; Atunganene, kandi nĩ wʼerĩbanza oko bandu.

Yobũ 38:4

Wabyahi omugulu nahala ebibanza byʼekihugo kwehĩ? Ego, umbwire, wamabya uwite obũlengekanĩa.

Yobũ 5:9

Oyukakola emyatsi mikulu eyitaminyawa, Ebitiko-tiko biwe ni binganabi.

Esyonyimbo 104:24

Uwe Mwami Mukulu, wabirihangika myatsi mingi! Wabirihangika ebyosĩ omo menge manene! Ekihugo kyoswĩre mwʼebihangikwa byawe.

Esyonyimbo 40:5

Wabiritukolera emĩbĩrĩ mingi yʼeriswekera, uwe Mwami Mukulu, Nyamuhanga wage. Wabĩrĩtũtegekanĩrya emyatsi mingi. Sihali mundu oyuli nga we! Kumbe namalenga eriahulayo, Sinangatoka eriganzayo.

Esyonyimbo 92:5

Uwe Mwami Mukulu, emĩbĩrĩ yawe ni minene-minene! Amalengekanĩa wawe ni mali-mali!

Omũgambũlĩ 1:13

Monahĩra omutima wage okwʼĩsondya nʼerisoma emyatsi yosĩ ikakolawa eyĩkwa muna-kihugo. Nyamuhanga abiriha abagala bʼabandu omũbĩrĩ akalĩre.

Omũgambũlĩ 1:6

Erihunga likalola elutambi lwʼeyĩkwa, nʼeribinduka erĩlolya elutambi lwʼendata. Likabinduka-binduka emigulu yosĩ omo lugendo lwalyo, kandi rikasubula omwʼĩtĩmba-tĩmba lyalyo.

Omũgambũlĩ 11:4

Oyũkalebaya erihunga siendisyabiba. Nʼoyũkalebaya ebĩtũ siendisyagesa.

Omũgambũlĩ 3:10

Nabirilangira emĩbĩrĩ eyo Nyamuhanga abiriha abagala bʼabandu bakole muyo.

Omũgambũlĩ 3:11

Abĩrĩhĩra obuli kindu kibuya oko mugulu wakyo. Kandi abĩrĩhĩra erikota omo mutima wabo, neryo bine bitya omundu siatoke eriminya omũbĩrĩ ogo Nyamuhanga abirikola erĩtsũka oko nzũko nʼerĩhĩka oko ndũlĩ.

Omũgambũlĩ 7:24

Ekyabiribyaho ekiri hali, nĩ rĩkũmbo kutsibu. Nindi wangabanakyo kwehĩ?

Omũgambũlĩ 8:17

neryo monalebya omũbĩrĩ gosĩ wa Nyamuhanga, nyiti omundu siangatoka eriminya omũbĩrĩ owakakoleka eyĩkwa muna-kihugo. Kusangwa omundu nomo angayĩlũhya erisonda-sondago, nĩkwa siendisyabanago. Nomo mundu wʼamenge angabũga ati, Nyĩnasĩ, nĩkwa siendisyatoka eribanago.

Ĩsaya 40:28

Sulitaminya kwehĩ? Sũlĩtowa kwehĩ? Nyamuhanga wa kera na kera, Omwami Mukulu Omũhangĩkĩ wʼesyondũlĩ syʼekihugo sĩalĩkwa bũlũndũ, kutse eriluha. Amenge wuwe sĩalĩrengekanĩbawa.

Yoane 3:8

Erihunga likabuhirira eyo lyanzĩre, nawe ũkowa erihuha lyalyo, nĩkwa ĩsĩwasĩ eyo lĩkalũa, kutse eyo likaya; kwʼali atya obuli mundu oyo Mũlĩmũ akabuta.

AbanyaRoma 11:33

Kwenene obukulu bwa Nyamuhanga ni bunene! Kwenene Nyamuhanga awite amenge gosĩ nʼeriminya lyosĩ! Sihali mundu wangaminya erisoha liwe! Sihali mundu wangaminyerera esyonzira siwe!