Omũgambũlĩ 10:19 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁹ Abandu bakasumba akalyo busana nʼeritsemerako, nʼebĩnyũ bĩkatsemesaya obuyingo, nʼesyofranka sikaleta emyatsi yosĩ.

Omũgambũlĩ 10:19 Iomraidhean Croise

Enzũko 43:34

Neryo mwahereryabo amagabo wʼakalyo kakalũa oko mesa yiwe, nĩkwa erĩgabo lya Benyamĩna molyabya ĩnene ngendo ĩtanu oko wabo. Neryo mobapũlya, nʼeritsema haguma naye.

2 Samwelĩ 13:28

Kandi Abũsaloma mwahana bagombe buwe ati, Mũlebaye ndeke omugulu omutima wa Amnonĩ atsemĩre omo bĩnyũ; nʼoko mugulu nasyabũga nenyũ nyiti, mũswĩraye Amnonĩ, neryo mũmwĩte; simubahe; ĩsĩ ngye ndaliabahana kwehĩ? mũsĩke, mubye mbangĩ.

1 Emyatsi yʼEmigulu 21:24

Nʼomwami Dawĩdĩ mwabwira Ornanĩ ati, Iyihi; nĩkwa ngandigulakyo omo nzwere yosĩ; kusangwa sĩndĩendĩsyĩmya ebyawe busana nʼOmwami Mukulu, kutse erihonga obuhere bwʼerĩokererya butsira bũgũlĩ.

Ezera 1:6

Nʼabosĩ ababya oko mbande syosĩ syabo mobasĩkya ebyala byabo omo bindu byʼekĩtsĩpa, nʼesyamagetsi, haguma nʼobuteke, nʼesyonyama, nʼebindu byʼobũgũlĩ, ebyosĩ ebyahabawa mo luhembo lwʼolwanzo biteko.

Nehemĩa 5:8

Neryo monabwirabo nyiti, Ĩtwe umwʼebyo tukatoka twabĩrĩtongolya abagala betu Abayũda, abagũlĩbawa oko bihanda; na lino nenyũ, mukasonda erĩgũlya abagala benyũ, neryo batolere erĩgũlĩbwa ũkwʼĩtwe kwehĩ? Neryo mobahuna bũkũtũ, mobataswabana kĩnywa nʼekiguma.

Esĩterĩ 1:10

Nʼoko kiro kyʼakalinda, omugulu omutima wʼOmwami abya akatsema omo bĩnyũ, omwami mwahamula Mehũmanĩ, na Bĩzĩta, na Harbona, na Bĩgĩta, na Abagĩta, na Zetarĩ, na Karkasĩ, abahanganĩrĩ balinda abakola embere syʼOmwami Ahasuero,

Esyonyimbo 104:15

Nʼebĩnyũ ebyʼerimũtsemesya, Nʼamagũta wʼerĩhakabya obũsũ buwe, Nʼobundu bwʼerimuha akagala.

Esyonyimbo 112:9

Akahĩtaya ndeke oko bandu bʼobwaga, Kandi obwenge buwe ni bwʼerikota; Asyabya wʼobũtokĩ nʼerikengwa.

Omũgambũlĩ 2:3

Monasonda-sonda omo mutima wage ngoko nangatsemesya omubiri wage omo bĩnyũ, omutima wage iniakanyisondola omo menge, ngoko nangahambana nʼobũkĩrũ, erĩhĩka aho nangatokera erilangirira ebibuya busana nʼabagala bʼabandu erikola eyĩkwa munakihugo omo biro bike byʼobuyingo bwabo.

Omũgambũlĩ 9:7

Neryo ugende, ulye akalyo kawe nʼobutseme, nʼerĩpũlya ebĩnyũ byawe nʼomutima wʼeritsanga, kusangwa Nyamuhanga abĩrĩsĩma emĩbĩrĩ yawe.

Ĩsaya 23:18

Endũndĩ yiwe nʼobukumbi buwe bwʼomũmalaya byasyahigulwa oko Mwami Mukulu. Sĩbyendĩsyahĩrwa omo kigona kutse eribikwa; nĩkwa endũndĩ yiwe yasyabya kalyo kangaho nʼesyongimba syowenenga busana nʼabandu abakĩkala embere syʼOmwami Mukulu.

Ĩsaya 24:11

Hali emilake omo syonzira busana nʼebĩnyũ. Obutseme bosĩ bwabiribya mwĩrĩmya, eritsanga lyʼekihugo lyabirihwaho.

Matayo 17:27

Nĩkwa tũkasyagalyabo, ugende oko ngetsi, Uguse oburobo, wĩmaye erĩhere erĩkatsũka erihuluka, neryo wamabĩkũmbũla obuno bwalyo, ũkandĩeya mwʼekĩtsĩpa, wĩmayekyo utusolere, tũnawe.

Matayo 19:21

Yesu mwamubwira ati, Wamanza erĩhĩkana ndeke, ugende, ũgũlaye ebindu byawe, uhe byʼoko bera, nawe wasyabya nʼebindu elubula; kandi wase Unyikwame.

Luka 12:19

Neryo nasyabwira omutima wage nyiti, Mutima, uwite bindu binene bĩbĩkĩre busana nʼemyaka mingi. Uhumule, ulye, Ũpũlaye, ũyĩtsemesaye.

Luka 16:9

Neryo Yesu mwabũga ati, Ngababwira nyiti, muyire abĩra busana nenyũ omo bindu bitatunganene, neryo omugulu byasyahwa, mwasyakokĩbwa omo manyũmba wʼerikoteramo.

Luka 8:3

na Yoana, muka Kũza, omũbĩkĩ wʼebindu bya Herode, na Susana, nʼabandi bakalĩ bangi ababya bakawatĩkya Yesu nʼabiga buwe omo bindu byabo.

Emibiri 11:29

Neryo obuli mundu wʼoko biga mobayĩsũnza erituma esyofranka ngoko bangatoka busana nʼomũbĩrĩ wʼerĩwatĩkya abalĩkyetu abĩkere eYũdea.

Emibiri 2:45

Kandi mobagũlya esyombibi syabo nʼebindu byabo, ibakasangira ebindu byosĩ ebyo nʼabandi bosĩ, ngʼobwaga bʼobuli mundu.

1 Petero 4:3

Kusangwa oko mugulu owalaba mwabirikwama endambĩ yingaho amalengekanĩa wʼabatĩkĩrĩrye. Mwabya mukakwama erĩsĩngĩra, nʼesyongumbu, nʼerĩkũnda, nʼeritamira, nʼerĩyalũmba, nʼesyonye syʼesyosanamu.

Abatswerĩ 14:10

Neryo tata wuwe mwandagalira eyiri omũkalĩ oyo, neryo Samũsonĩ mwatsumba erirya ĩnene eyo; kusangwa abalwana babya bakakola batya.

Abatswerĩ 9:13

Nĩkwa omũlĩkĩ wʼebĩnyũ mwabwirayo ati, Nangasĩga ebĩnyũ byage bihya-bihya ebĩkatsemesaya Nyamuhanga nʼabandu nʼerĩyayĩhũnga-hũngya endata oko miti kwehĩ?

1 Samwelĩ 25:36

Kandi Abĩgaĩlĩ mwahĩka eyiri Nabalĩ; neryo, lebaya, ĩnĩabĩrĩkokotya erirya ĩnene omo nyũmba yiwe, ngʼerirya ĩnene lyʼOmwami; nʼomutima wa Nabalĩ ĩnĩatsangĩre omwisi wuwe, kusangwa ĩnĩabĩrĩkũnda kutsibu; busana nʼekyo mwatamubwira kyahi, ekike kutse kinene, erĩhĩka okwʼikya lyʼengyakya.