Omũgambũlĩ 1:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Ebyosĩ ni bya busa, Omũgambũlĩ akabũga. Ebyosĩ ni bya busa! Ebyosĩ ni busa.

Omũgambũlĩ 1:2 Iomraidhean Croise

Yobũ 11:12

Nĩkwa omundu kĩkĩrũ siawite amenge, Omugulu ekyana kyʼepunda yʼomolĩ kikabutawa mʼomundu.

Esyonyimbo 144:4

Omundu ali ngʼakuka kʼerihunga; Ebiro biwe biri ngʼekyũtsũtsũ ekikalaba.

Esyonyimbo 89:47

Wibuke obũkũhĩ bwʼengebe yʼomundu; Wibuke ngoko wahangika abandu bosĩ ibasyahola!

Omũgambũlĩ 11:10

Busana nʼekyo ũlũsaye obũlĩge oko mutima wawe, kandi ũlũsaye obubi oko mubiri wawe. Kusangwa obwana nʼamaka wʼengebe ni bya biro bike.

Omũgambũlĩ 11:8

Ega, omundu amakota myaka mingi, atsemere muyo eyosĩ. Nĩkwa ibuke ebiro byʼomwĩrĩmya, kusangwa byasyabya bingi. Ebyosĩ ebikasa ni bya busa.

Omũgambũlĩ 12:8

Omũgambũlĩ akabũga ati, Ebyosĩ ni busa.

Omũgambũlĩ 2:11

Neryo monalebya emĩbĩrĩ yage yosĩ eyo ebyala byage byakola, nʼemikolere eyo nayĩlũhayamo erikola, nĩkwa lebaya, ebyosĩ byabya busa nʼerikwamirira erihunga, kandi isihali ndũndĩ eyĩkwa muna-kihugo.

Omũgambũlĩ 2:15

Neryo monayibwira omo mutima wage nyiti, Ngoko kĩkahĩka oko mũkĩrũ, ko bĩkandĩsyambĩkako bitya. Busana nakĩ monabya nʼamenge kwilaba kwehĩ? Neryo monayibwira omo mutima wage nyiti, Ekĩ nakyo ni busa.

Omũgambũlĩ 2:17

Kyaleka ĩnakwa obuyingo bwage bwʼekĩnĩga, kusangwa omũbĩrĩ owakakolawa eyĩkwa muna-kihugo abya obũlĩge ũkwʼĩngye, kusangwa ebyosĩ ni busa nʼerikwamirira erihunga.

Omũgambũlĩ 2:19

Kandi nindi oyo wasĩ ngʼasyabya mundu wʼamenge kutse mũkĩrũ kwehĩ? Nĩkwa asyatabala oko mũbĩrĩ wage gosĩ ogo nabirikola, iniakalendera nʼamenge eyĩkwa muna-kihugo! Ekĩ nakyo ni busa.

Omũgambũlĩ 2:21

Omugulu hali omundu oyukakola nʼamenge, nʼeriminya, nʼobunyima. Neryo akaha erĩgabo liwe oko mundu oyutakola haguma nabo. Ekĩ nakyo ni busa, kandi ni kibi kinene.

Omũgambũlĩ 2:23

Kusangwa ebyosĩ akakola omo biro biwe byosĩ nina bũlĩge, nʼeriluma lyʼomutima. Ega, nʼomo kiro nibya omutima wuwe sialiluhuka. Ekĩ nibya ni busa.

Omũgambũlĩ 2:26

Kusangwa Nyamuhanga akaha omundu oyuli mubuya omo meso wuwe amenge, nʼeriminya, nʼobutseme. Nĩkwa akaha omukola-nabi yʼomũbĩrĩ, wʼerĩhĩndanĩa nʼerikuma-kumira haguma, iniatoka eriha omundu oyuli mubuya omo meso wa Nyamuhanga. Ekĩ nakyo ni busa nʼerikwamirira erihunga.

Omũgambũlĩ 2:8

Monayikuma-kumira ebĩtsĩpa nʼesyamagetsi, nʼobũsokĩ bwʼabami nʼobwʼebihugo. Monayibanira abĩmbĩ bʼobulume nʼabĩmbĩ bʼobũkalĩ, nʼobutseme bwʼabagala bʼabandu, ba bahwekĩ bangi.

Omũgambũlĩ 3:19

Kusangwa ekĩkahĩka oko bagala bʼabandu nʼekĩkahĩka oko syonyama ni kiguma. Ngoko muguma akahola, litya eyindi ikahola. Ega, abosĩ bawite omuka muguma nʼomundu siawite ekyo alabĩrye esyonyama, kusangwa ebyosĩ ni busa.

Omũgambũlĩ 4:16

Sihabya ndũlĩ yʼabandu bosĩ abo mwami atabalako. Nĩkwa amabigenda, sihali oyũkasĩma ebyo akola. Kwenene ekĩ nakyo ni busa nʼerikwamirira erihunga.

Omũgambũlĩ 4:4

Neryo monalangira emĩbĩrĩ yosĩ, nʼobuli mũbĩrĩ wʼobunyima, eyikakolawa, ni busana nʼomwatsi wʼomundu oyukatsurawa na mũlĩkyabo. Ekĩ nakyo ni busa ngʼerikwamirira erihunga.

Omũgambũlĩ 4:8

Hali mundu muguma naye ali ĩyowene; siawite mugala kutse mugala wabo. Nĩkwa sihali endũlĩ yʼomũbĩrĩ wuwe gosĩ, ameso wuwe sĩalĩũgũta omo bindu. Ati, Ngayĩlũhĩraya busana nandi, nʼerĩĩma omutima wage wʼebibuya kwehĩ? Ekĩ nakyo ni busa, kandi nĩ mũbĩrĩ gʼobũlĩge.

Omũgambũlĩ 5:10

Oyukanza ebĩtsĩpa sĩendĩsyũgũtĩbwa nʼebĩtsĩpa; kutse oyo wanzĩre bingi sĩendĩsyũgũtĩbwa omwʼikanya lyabyo. Ekĩ nakyo ni busa.

Omũgambũlĩ 6:11

Kusangwa hali ebĩnywa bingi ebikakanyirira busa. Neryo omundu amabana endũndĩ yahi kwehĩ?

AbanyaRoma 8:20

Kusangwa ebihangikwa mobyatswerwa eribya buyira, butsira omwʼisonda lyabo, nĩkwa kusangwa Nyamuhanga mwatswerabyo atya. Nĩkwa habya amaha,