Omũgambũlĩ 1:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Monahĩra omutima wage okwʼĩsondya nʼerisoma emyatsi yosĩ ikakolawa eyĩkwa muna-kihugo. Nyamuhanga abiriha abagala bʼabandu omũbĩrĩ akalĩre.

Omũgambũlĩ 1:13 Iomraidhean Croise

Enzũko 3:19

Omo lũnza lʼobũsũ bwawe wasyalya akalyo, erĩhĩka oko kiro wasyasuba oko kitaka, kusangwa walũsĩbawa omo lũtũtũ nʼakandi uli lũtũtũ, nʼakandi wasyasuba omo lũtũtũ.

Yobũ 28:3

Omundu akasondaya omo mwĩrĩmya; Akasonda-sonda erĩhĩka hali omo kitaka, Nʼeritakula amabwe omo mwĩrĩmya.

Esyonyimbo 111:2

Emyatsi yingaha yʼeriswekera eyo Mwami Mukulu akakola! Abosĩ abakatsema muyo banzĩre eriminyayo.

Emĩsyo 18:1

Oyukayisolola ĩnĩakasonda-sondaya ebyo anzĩre ĩyowene-wene, Iniakahayira amenge gosĩ owene.

Emĩsyo 18:15

Omutima wʼomũgerekanĩa akabana eriminya; Nʼokũtũ kwʼowʼamenge kũkasondasondaya eriminya.

Emĩsyo 23:26

Mugala wage, Umba omutima wawe; Nʼameso wawe atsemere esyonzira syage.

Emĩsyo 25:2

Ni lukengerwa lwa Nyamuhanga erĩbĩsa omwatsi; Nĩkwa ni lukengerwa lwʼabami erisonda-sondya omwatsi.

Emĩsyo 4:7

Amenge ni mwatsi wʼembere; neryo uyibanire eriminya. Ega, haguma omwʼiyibanirago lyawe lyosĩ uyibanire eriminya.

Omũgambũlĩ 1:17

Kandi nabĩrĩhĩra omutima wage okwʼiminya amenge, nʼeriminya erĩsĩre nʼobũkĩrũ. Monalebya kwʼebĩ nabyo ni ʼkwamirira erihunga.

Omũgambũlĩ 11:5

Ngoko ũtasĩ enzira yʼerihunga, kutse ngoko amakũha akalasa omo nda yʼoyuli nʼobukule. Litya Sĩwasĩ omũbĩrĩ wa Nyamuhanga oyukahangika ebindu byosĩ.

Omũgambũlĩ 12:12

Nʼakandi, mugala wage, wĩgĩsĩbawe, ehee! Okwʼisaka ebitabu bingi sihali endũlĩ. Nʼeriiga lingi lĩkalũhaya omũbĩrĩ.

Omũgambũlĩ 2:23

Kusangwa ebyosĩ akakola omo biro biwe byosĩ nina bũlĩge, nʼeriluma lyʼomutima. Ega, nʼomo kiro nibya omutima wuwe sialiluhuka. Ekĩ nibya ni busa.

Omũgambũlĩ 2:26

Kusangwa Nyamuhanga akaha omundu oyuli mubuya omo meso wuwe amenge, nʼeriminya, nʼobutseme. Nĩkwa akaha omukola-nabi yʼomũbĩrĩ, wʼerĩhĩndanĩa nʼerikuma-kumira haguma, iniatoka eriha omundu oyuli mubuya omo meso wa Nyamuhanga. Ekĩ nakyo ni busa nʼerikwamirira erihunga.

Omũgambũlĩ 3:10

Nabirilangira emĩbĩrĩ eyo Nyamuhanga abiriha abagala bʼabandu bakole muyo.

Omũgambũlĩ 3:11

Abĩrĩhĩra obuli kindu kibuya oko mugulu wakyo. Kandi abĩrĩhĩra erikota omo mutima wabo, neryo bine bitya omundu siatoke eriminya omũbĩrĩ ogo Nyamuhanga abirikola erĩtsũka oko nzũko nʼerĩhĩka oko ndũlĩ.

Omũgambũlĩ 4:4

Neryo monalangira emĩbĩrĩ yosĩ, nʼobuli mũbĩrĩ wʼobunyima, eyikakolawa, ni busana nʼomwatsi wʼomundu oyukatsurawa na mũlĩkyabo. Ekĩ nakyo ni busa ngʼerikwamirira erihunga.

Omũgambũlĩ 4:8

Hali mundu muguma naye ali ĩyowene; siawite mugala kutse mugala wabo. Nĩkwa sihali endũlĩ yʼomũbĩrĩ wuwe gosĩ, ameso wuwe sĩalĩũgũta omo bindu. Ati, Ngayĩlũhĩraya busana nandi, nʼerĩĩma omutima wage wʼebibuya kwehĩ? Ekĩ nakyo ni busa, kandi nĩ mũbĩrĩ gʼobũlĩge.

Omũgambũlĩ 7:25

Monahĩra, obũlengekanĩa bwage okwʼiminya nʼokwʼĩsondya, nʼerirya-burondo amenge nʼenzumwa nʼeriminya ebibi byʼobũkĩrũ, kandi obũkĩrũ nĩ ʼsĩre.

Omũgambũlĩ 8:9

Nabirilangira ebĩ byosĩ, nʼerĩhĩra omutima wage oko buli mũbĩrĩ owakakoleka eyĩkwa muna-kihugo, aho mundu muguma awite Obũtokĩ endata oko gundi erĩmũhũtalya.

1 Timoteo 4:15

Ukole emyatsi eyĩ, ukwamirireyo, erĩlolya embere ryawe liminyikale oko bosĩ.