Nehemĩa 9:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Uwe uli Mwami Mukulu Nyamuhanga, oyo wayisoga Abramu, nʼerĩmũlũsya eŨrĩ yʼAbakaldea, nʼerimuha erĩna lya Abrahamũ.

Nehemĩa 9:7 Iomraidhean Croise

Enzũko 11:31

Neryo Tera mwĩmya Abramu mugala wuwe, na Lotĩ omwitsikulu wuwe mugala wa Haranĩ, na Saraĩ mwalĩana wuwe, omũkalĩ wa Abramu mugala wuwe. Neryo mobahuluka haguma nabo erĩlũa eŨrĩ wʼAbanya Kaldea eriya omo kihugo kyʼeKanana. Neryo mobahĩka eHaranĩ, neryo mobĩkalaho.

Enzũko 15:7

Neryo Nyamuhanga mwabũga naye ati, Ĩngye indi Mwami Mukulu oyo wakuleta erĩlũa eŨrĩ yʼeKaldea erikuha ekihugo ekĩ mo ndagane.

Enzũko 17:5

Kandi erĩna lyawe siryendisyaswahulwa mo Abramu, nĩkwa erĩna lyawe lyasyahulwa mo Abrahamũ kusangwa nabirikuyira mo tata wʼebihanda bingi.

Enzũko 18:19

Kwenene nabiriyisogaye iniatoka erihana abana buwe nʼenyũmba yiwe enyũma siwe, ĩbateya enzira yʼOmwami Mukulu erikola ekitunganene nʼeritswera eritunganene. Neryo Omwami Mukulu atoke eriretera Abrahamũ yʼebyo amulaga.

1 Emyatsi yʼEmigulu 1:27

na Abramu, ye Abrahamũ.

Ĩsaya 51:2

Musamalire Abrahamũ tata wenyũ, na Sara oyo wababuta omo bũlĩge, kusangwa namubirikira omugulu abya muguma, kandi monamutsumula, nʼerimuyira mo bangi.

Eryibuka Ebihano 10:15

Nĩkwa Omwami Mukulu mwatsemera abotata-kulu wawe erianzabo, kandi mwayisoga ĩnywe bana babo enyũma kubo, kwilaba ebihanda byosĩ, ko kine kitya mũnabwĩre.