Nehemĩa 9:32 - AMASAKO ABOYTRTRE WA NYAMUHANGA AWAKAHULAWA MO BIBLIA

³² Neryo lino, Nyamuhanga wetu, omukulu, nʼowʼobũtokĩ, na Nyamuhanga wʼerĩũbahya, oyũkategaya endagano nʼobubuya bʼolwanzo, supone obũlĩge bosĩ obo, Suleke bukabya nga buke embere syawe obwabĩrĩtũhĩkako, nʼoko bami betu, nʼabakulu betu, nʼabahererĩ betu, nʼabamĩnyererĩ betu, nʼabotata wetu, nʼabandu bawe bosĩ, erĩtsũka oko mugulu wʼabami bʼeAsũrĩa nʼerĩhĩka mũnabwĩre.

Nehemĩa 9:32 Iomraidhean Croise

1 Abami 8:23

Mwabũga ati, Uwe Mwami Mukulu, Nyamuhanga wa Ĩsraelĩ, sihali Nyamuhanga oyuli nga we, omo lubula endata, kutse omo kihugo eyĩkwa; oyũkategaya endagane nʼobubuya bwʼolwanzo busana nʼabagombe bawe, abakalendera embere syawe nʼomutima wabo gosĩ.

2 Abami 15:19

Neryo Pũlĩ omwami wʼeAsũrĩa mwasa nʼerilwa nʼekihugo ekyo; na Menahemũ mwaha Pũlĩ yʼesyotalanta syʼekĩtsĩpa elfu nguma (1,000), amũwatĩkaye erĩsĩkya obwami omo byala biwe.

2 Abami 15:29

Omo biro bya Peka omwami wa Ĩsraelĩ, Tĩglatĩ-pĩleserĩ omwami wʼeAsũrĩa mwasa, mwahũnga eĨyonĩ, nʼeAbelĩbetĩ-maka, nʼeYonoa, nʼeKedesĩ, nʼeHazorĩ, nʼeGĩleadĩ, nʼeGalĩlaya, ekihugo kyosĩ kya Nafũtalĩ, mwatwalabo mo banyegwa eAsũrĩa.

2 Abami 17:23

erĩhĩka aho Mwami Mukulu ahigira Ĩsraelĩ erĩlũa omo meso wuwe, ngoko abũga nʼabagombe buwe abamĩnyererĩ bosĩ. Neryo Ĩsraelĩ mobahekwa erĩlũa omo kihugo kyabo eritwalwa mo basayĩ eAsũrĩa erĩhĩka na mũnabwĩre.

2 Abami 17:3

Neryo Salmaneserĩ omwami wʼeAsũrĩa mwayalwa naye; neryo Hosea mwabya mukobe wuwe, mwamuha engemu.

2 Abami 17:6

Oko mwaka wʼomwenda wa Hosea, omwami wʼeAsũrĩa mwahũnga eSamarĩa, neryo mwatwala Abaĩsraelĩ mo basayĩ eAsũrĩa, kandi mwahĩrabo eHala, nʼeHaborĩ oko lũsĩ lwʼeGosanĩ, nʼomo mĩyĩ yʼAbamedĩ.

2 Abami 23:29

Oko biro biwe, Farao-neko omwami wʼeMĩsĩrĩ mwaya oko mwami wʼeAsũrĩa erĩhĩka oko lũsĩ Fũratĩ. Neryo omwami Yosĩa mwayahĩndana naye; na Farao-neko omugulu amulolako mwamwĩtĩra eMĩgĩdo.

2 Abami 25:7

Kandi mobĩtĩra abagala ba Zedekĩa embere wʼameso wuwe, mobarobongora ameso wa Zedekĩa, mobamuboha omo mahulula wʼemiringa, mobamutwala eBabelĩ.

Ezera 4:10

nʼebindi bihanda ebyo Osĩnaparĩ, wʼomukulu nʼowʼerĩsĩkĩbwa, aleta nʼerĩhĩra omo mũyĩ wʼeSamarĩa, nʼomo kindi kihugo eyisirya oko lũsĩ lwʼeEfurata.

Ezera 4:2

Mobasegera hakũhĩ na Zerũbabelĩ, nʼabakulu bʼebĩtũnga byʼabotata, mobabwirabo bati, Mũtũlĩgĩre erĩhĩmba haguma nenyũ; kusangwa tukasonda-sonda Nyamuhanga wenyũ, nga nywe; netu twabya tukamuhongera erĩtsũka oko biro bya Esarĩ-hadonĩ omwami wʼeAsũrĩa, oyo watuleta eno.

Ezera 9:13

Nʼenyũma wʼemyatsi yosĩ eyabĩrĩtũhĩkako busana nʼemĩbĩrĩ yetu mibi, nʼomusango wetu munene, twamalebya ngoko uwe Nyamuhanga wetu mogutetatusuyira ngʼebibi byetu ko bitolere, iwabirituha abakasĩgala.

Nehemĩa 1:5

Neryo monabũga nyiti, Ngakulemba, uwe Mwami Mukulu, Nyamuhanga wʼelubula, Nyamuhanga Mukulu, nʼowʼerĩswekya, oyũkaberereraya endagano nʼekibuya kyʼolwanzo oko bandu bakamwanza nʼerĩteya ebihano biwe.

Esyonyimbo 47:2

Omwami Mukulu Owendata Kutsibu, angubahwa; Iye ni Mwami mukulu, akatabala omo kihugo kyosĩ.

Esyonyimbo 66:3

Mubwire Nyamuhanga muti, Emyatsi eyo ukakola ni yʼeriswekera! Busana nʼobukulu bwʼobukulu bwʼobũtokĩ bwawe, Esyonzĩgũ syawe syasyũnama embere syawe omʼiubaha.

Esyonyimbo 66:5

Mwase mũlebaye ebyo Nyamuhanga abirikola; Mwase, mũlebaye emĩbĩrĩ yiwe yʼeriswekera omo katĩkatĩ kʼabandu.

Erĩlũayo 18:8

Neryo Musa mwabwira ĩse-byala wuwe ebyosĩ ebyo Mwami Mukulu akolera Farao nʼAbanya Mĩsĩrĩ busana na Ĩsraelĩ, nʼamagalĩ gosĩ awahĩka kubo omo nzira, ngoko Mwami Mukulu alamayabo.

Ĩsaya 9:6

Kusangwa omwana asyabutwa busana netu, twasyahabwa omugala, Nʼobutabale bwasyabya oko bitigo biwe. Erĩna liwe lyasyahulwa mo Mũhanĩ Wʼeriswekera. Nyamuhanga Omũtokĩ, Tata Wʼerikota, Omunya-mwami Wʼobuholo.

Danĩelĩ 9:4

Neryo monasaba Omwami Mukulu Nyamuhanga wage, monakanganĩa, nyiti, Ĩyoo, Uwe Mukama, Nyamuhanga Mukulu nʼowʼerĩũbahya, oyũkategaya endagano yiwe, nʼobubuya buwe bʼolwanzo ukwʼabo abamwanzĩre nʼabakategaya ebihano biwe,

Danĩelĩ 9:6

Kutse sitwetahulikirira abagombe bawe abamĩnyererĩ, ababũga omo lĩna lyawe oko bami betu, nʼabanya-mwami betu nʼabotata wetu, nʼabandu bosĩ bʼekihugo.

Danĩelĩ 9:8

Uwe Mwami Mukulu, erihemuka ni ryetu, nʼoko bami betu, nʼoko banya-mwami betu, nʼoko botata wetu, kusangwa twabirikukolera nabi.

Abalawĩ 26:18

Kandi mwamatĩndĩowa busana nʼemyatsi eyĩ, nasyaswabasuyira ngendo sirinda busana nʼebibi byenyũ.

Abalawĩ 26:21

Kandi mwamalendera hali kwĩngye, ĩsĩmwanzĩre erĩnyowa, nasyabaletera ebĩhũnzo kandi ngendo sirinda ngʼebibi byenyũ.

Abalawĩ 26:24

nage nasyalwa nenyũ; kandi nĩna ngye nasyabaswĩrya ngendo sirinda busana nʼebibi byenyũ.

Abalawĩ 26:28

nage nasyalendera bwage omwʼihitana erilwa nenyũ; kandi nage nasyabasuyira ngendo sirinda busana nʼebibi byenyũ.

Eryibuka Ebihano 7:12

Neryo kusangwa mukahulikirira eritswera erĩ, nʼerĩteyalyo nʼerikolalyo, Omwami Mukulu Nyamuhanga wawe asyaberererya ũkwʼĩnywe endagano bubuya bʼolwanzo ebyo alahĩrĩraya abotata-kulu bawe.

Eryibuka Ebihano 7:13

Kandi asyabanza, kandi asyabatsumula, nʼerĩbakanyĩrĩrya; kandi asyatsumula eributa lyenyũ nibya, nʼebyalya byʼekitaka kyenyũ, engano yenyũ, nʼebĩnyũ byenyũ bihya-bihya, nʼamagũta wenyũ, nʼerĩkanyĩa esyonde syenyũ nʼehyana hyʼebihangulo byenyũ, omo kihugo ekyo alahĩrĩraya abotata-kulu wenyũ eribahakyo.

Eryibuka Ebihano 7:21

Simusyubahabo; kusangwa Omwami Mukulu Nyamuhanga wenyũ ali omo katĩkatĩ kenyũ, Nyamuhanga munene nʼoyũkaswekaya.

Eryibuka Ebihano 7:9

Neryo Uminye ko Mwami Mukulu Nyamuhanga wawe, iye ni Nyamuhanga, Nyamuhanga wʼeritendiregula, oyũkaberereraya endagano nʼobwenge oko bamwanzĩre nʼabakabika ebihano biwe erĩhĩka oko syondengo elfu.