Nehemĩa 9:29 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁹ Kandi mowahanabo, iwatoka erĩsũbyabo kandi oko migambo yawe. Nĩkwa mobakola omwʼĩyĩhamya, mobatahulikirira erihana lyawe, nĩkwa mobakola nabi oko nzwere syawe esyo mundu amakolasyo iniabyaho musyo, mobasumba ebitigo, nʼerĩkalya ebĩkya byabo, mobatanza erĩowa.

Nehemĩa 9:29 Iomraidhean Croise

2 Abami 17:13

Nĩkwa Omwami Mukulu mwakunga Ĩsraelĩ na Yũda, omo buno bwʼobuli mũmĩnyererĩ, nʼobuli mũlangĩrĩ ati, Mubinduke oko syonzira syenyũ nyibi, mũtegaye ebihano byage nʼemigambo yage, ngʼemigambo yosĩ eyo nahana abotata wenyũ nʼebyo nabatumirako omo buno bwʼabamĩnyererĩ, abagombe bage.

2 Abami 17:14

Nĩkwa, mobagana erĩowa, mobakalya ebĩkya byabo, ngʼebĩkya byʼabotata wabo, abatĩkĩrĩraya Omwami Mukulu Nyamuhanga wabo.

2 Emyatsi yʼEmigulu 24:19

Nĩkwa mwatumirabo abamĩnyererĩ, erĩsũbyabo oko Mwami Mukulu; mobatũlĩra gobo; nĩkwa mobatatega matwĩ.

2 Emyatsi yʼEmigulu 33:10

Neryo Omwami Mukulu mwabwira Manase nʼabandu buwe; nĩkwa mobatowa.

2 Emyatsi yʼEmigulu 36:15

NʼOmwami Mukulu Nyamuhanga wʼabotatakulu wabo, mwatumirabo abakwenda buwe, engendo nʼengendo, kusangwa aganyira abandu buwe, nʼaherĩĩkala liwe.

Nehemĩa 13:15

Omo biro ebyo monalangira eYũda abandi bandu bakakama omo bikamiro byʼebĩnyũ omo Sabato, nʼerĩkũlũkya esyongunza syʼengano, nʼerĩhekyasyo esyopunda; nʼebĩnyũ nibya, nʼebĩgũma byʼebĩnyũ, nʼemĩtĩnĩ, nʼemĩsĩndo yosĩ yʼemiheke, eyo baleta eYerũsalema oko kiro kyʼeSabato. Nage monahandikirirabo ekiro ekyo bagũlaya ebyalya.

Nehemĩa 9:10

Kandi mowakangya ebitiko-tiko nʼebyʼeriswekera uku Farao, nʼoko bagombe buwe bosĩ, nʼoko bandu bosĩ bʼekihugo kiwe; kusangwa wabya wasĩ ngoko bakolabo nʼeriyipipa, kandi mowayibanira erĩna, ngoko liri mũnabwĩre.

Nehemĩa 9:16

Nĩkwa abotata wetu mobakola ibakayipipa, mobakalya ebĩkya byabo, mobatetowa ebihano byawe.

Nehemĩa 9:26

Nomo bine bitya mobatetakenga, mobahona ukʼuwe, mobagusa emigambo yawe yʼenyũma wʼemigongo yabo, mobĩta abamĩnyererĩ bawe abahanabo batoke erisuba ukʼuwe, kandi mobakola ebĩtsũmĩ binene.

Nehemĩa 9:30

Nĩkwa mowalindabo emyaka mingi nʼerihanabo omo Mũlĩmũ wawe omo bamĩnyererĩ bawe; nĩkwa mobatanza eritega matwĩ. Busana nʼekyo mowahĩrabo omo byala byʼebihanda byʼebihugo.

Erĩlũayo 10:3

Neryo Musa na Harũnĩ mobingira ewa Farao, mobamubwira bati, Omwami Mukulu Nyamuhanga wʼAbaebrania akabũga, ati, Wasyakolyahi erigana erĩyĩkehya embere syage kwehĩ? Uleke abandu bagende banyikolere.

Yeremĩa 17:23

Nĩkwa mobatahulikirira, kutse eritega amatwĩ wabo, nĩkwa mobakalya esyongoto syabo bati sĩbowe, kutse erĩowa erikungwa.

Yeremĩa 19:15

Omwami Mukulu wʼemilondo, Nyamuhanga wa Ĩsraelĩ ati, Lebaya, nasyaletera omũyi oyũ nʼoko hĩyĩ hyosĩ hyago erĩkwa lyosi eryo nabiriahula busana nago, kusangwa babĩrĩkalya ebĩkya byabo sĩbowe ebĩnywa byage.

Yeremĩa 42:19

Ĩnywe basĩgalira bʼeYũda, Omwami Mukulu abĩrĩbũga busana nenyũ ati, Simuye eMĩsĩrĩ. Muminye kwenene ngoko nabĩrĩbatũlĩrago mũnabwĩre.

Yeremĩa 43:2

neryo Azaria mugala wa Hosaya, na Yohananĩ mugala wa Karea, nʼabandu bosĩ abayipipa mobabwira Yeremĩa bati, Ũkabũga amabehĩ! Omwami Mukulu Nyamuhanga wetu mwatakutuma erĩbũga ati, Simusyegenda eMĩsĩrĩ erĩĩkalayo.

Yeremĩa 44:10

Sĩbetayĩkehya nʼerĩhĩka mũnabwĩre, kutse sibetubaha, kutse erirendera omo migambo yage, kutse omo bihano byage, ebyo nahĩra embere syenyũ nʼembere syʼabotata wenyũ.

Yeremĩa 7:26

Nĩkwa mobatanyowa, kutse eritega okũtũ kwabo, nĩkwa mobakongomĩa engoto yabo. Mobakola ebibi kwilaba abotata wabo.

Ezekĩelĩ 20:11

Kandi monahabo ebihano byage, nʼerĩkangyabo eritswera lyage, eryo mundu amakolalyo, iniabyaho.

Danĩelĩ 5:20

Nĩkwa omugulu omutima wuwe ayihagata, nʼekĩrĩmũ kiwe kyayiheka, kyaleka ĩnĩayĩhahamĩsya, omwami mwasingulwa omo kĩtũmbĩ kiwe kyʼobwami, nʼolukengerwa luwe molwalũsĩbwa ukwʼiye.

Hosea 6:5

Busana nʼekyo nabiritemabo mo bitswe-bitswe omo byala byʼabamĩnyererĩ; nabĩrĩtabo omo bĩnywa byʼobuno bwage; nʼesyonzwere ukʼuwe siri ngʼekyakakala ekikahuluka.

Abalawĩ 18:5

Neryo mwasyabika emigambo yage, nʼerihamula lyage; omundu amakolabyo, asyabyaho busana nabyo; Ĩngye indi Mwami Mukulu.

Matayo 19:17

Nĩkwa Yesu mwamubwira ati, Busana nakĩ ukanyĩbũlaya busana nʼebibuya kwehĩ? Hali Muguma musa yona mubuya; nĩkwa wamanza eriingira omo ngebe, ũtegaye ebihano.

Luka 10:28

Yesu mwamũsũbĩrya ati, Wabĩrĩsũbĩrya ndeke; Ukole utya, wasyabyaho.

AbanyaRoma 10:5

Kusangwa Musa mwasaka omwatsi wʼerĩtũngananĩbwa busana nʼerikwama Emigambo ati omundu oyukakolayo asyabyaho omwʼitunganana lyayo.

AbanyaGalatia 3:12

Nĩkwa Emigambo siyirihangana okwʼĩkĩrĩrya, nĩkwa kĩsakĩre kiti, Oyukakola Emigambo asyabyaho busana nayo.

Eryibuka Ebihano 31:21

Neryo kyasyabya omugulu ebibi bingi nʼamalĩge byasyahĩka kubo, neryo Olwimbo olũ lwasyatũlago embere syabo nga mũlangĩrĩ; kusangwa silwendisyibiriranwa omo mĩnywa yʼabana babo; kusangwa nyĩnasĩ amalengekanĩa wabo ago bakaganĩraya mũnabwĩre, isindinaletabo omo kihugo ekyo nalahĩrĩrayabo.

Eryibuka Ebihano 31:27

Kusangwa nyĩnasĩ epono yenyũ, nʼebĩkya byenyũ bitegonda; lebaya, omugulu nyikineho haguma nenyũ mũnabwĩre, mwabiriyisamambula oko Mwami Mukulu; na kwilaba aho si kutsibu enyũma wʼerihola lyage kwehĩ?

Eryibuka Ebihano 4:26

ngabirikira olubula nʼekihugo eribya mũlangĩrĩ mũnabwĩre, mukandisyahera kwenene lũba omo kihugo ekyo mukasokerako, eYorodanĩ erĩsĩgalyakyo. Simwendĩsyakanyĩrĩrya ebiro byenyũ mukyo, nĩkwa mwasyahwerekererĩbwa kutsibu.

Abatswerĩ 6:10

kandi monababwira nyiti, Ĩngye indi Mwami Mukulu Nyamuhanga wenyũ; simusyubaha esyonyamuhanga syʼAbaamorĩ, eyo mwĩkere omo kihugo kyabo. Nĩkwa momutahulikirira omulenge wage.