Nehemĩa 9:27 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁷ Busana nʼekyo mowahĩrabo omo byala byʼesyonzĩgũ syabo, abalũhayabo; nʼoko mugulu wʼobũlĩge bwabo, omugulu bakulakira, mowowabo elubula; nʼomo bungi bwʼolukogo lwawe mowahabo abalamya abalamayabo omo byala byʼabandu abanũbayabo.

Nehemĩa 9:27 Iomraidhean Croise

2 Abami 13:5

Neryo Omwami Mukulu mwaha Ĩsraelĩ yʼomũlamya, kyaleka ĩbalũa omo byala byʼAbanya Sũrĩa; nʼabana ba Ĩsraelĩ mobĩkala omo mahema wabo ngʼerĩmbere.

2 Abami 14:27

Kandi Omwami Mukulu mwatabũga ati akandisyasangula erĩna lya Ĩsraelĩ eyĩkwa oko bũtũkũ; nĩkwa mwalamyabo omo byala bya Yeroboamũ mugala wa Yoasĩ.

2 Abami 17:20

Neryo Omwami Mukulu mwagana bana bosĩ ba Ĩsraelĩ, kandi mwagalyabo, mwahabo omo byala byʼabanyeyĩ, erĩhĩka aho ahigirabo erĩlũa omo meso wuwe.

2 Abami 17:39

Nĩkwa mwasyubaha Omwami Mukulu, Nyamuhanga wenyũ, naye asyabalamya omo byala byʼesyonzĩgũ syenyũ syosĩ.

2 Emyatsi yʼEmigulu 36:17

Busana nʼekyo mwaleta kubo omwami wʼAbakaldea, oyo wĩta abalwana babo omo mũyalĩ omo nyũmba yʼahabũyĩrĩre habo, mwataganyira mũlwana kutse omwana-muto, nʼomũsyakulu, kutse oyulwere; mwahĩra bosĩ omo byala biwe.

Nehemĩa 9:19

nĩkwa Uwe, omwʼiganyira lyawe lĩnene, mutetasĩgabo omo mbwarara; endũyĩ yʼekĩtũ moyĩtetalũa kubo omo musibo, erisondolabo omo nzira; kutse endũyĩ yʼomuliro omo kiro, erĩkoleryabo ekyakakala, busana nʼenzira eyo bangalenderamo.

Esyonyimbo 136:24

Mwatubohola oko nzĩgũ syetu; Olwanzo luwe olutyusa lukakota.

Abalawĩ 26:17

Nasyabahĩnĩra, nenyũ mwasyĩtwa embere wʼesyonzĩgũ syenyũ; nʼabakabakwa obusu basyabatabalako; kandi mwasyatibita omugulu hate mundu oyukabatibitako.

Obadĩa 1:21

Nʼabakalamaya basyahetukira oko kitwa eSĩonĩ eritswera ekitwa kya Esaũ; nʼobwami bwasyabya bwʼOmwami Mukulu.

Abatswerĩ 2:18

Nʼomugulu Omwami Mukulu ahanganĩrayabo abatswerĩ, Omwami Mukulu mwabya haguma nʼomũtswerĩ oyo, nʼerĩlamyabo omo byala byʼesyonzĩgũ syabo ebiro byosĩ byʼomũtswerĩ oyo; kusangwa Omwami Mukulu mwaganyirabo busana nʼemĩsĩmbo yabo busana nʼabandu banũbayabo nʼerĩagalyabo.