Nehemĩa 9:26 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁶ Nomo bine bitya mobatetakenga, mobahona ukʼuwe, mobagusa emigambo yawe yʼenyũma wʼemigongo yabo, mobĩta abamĩnyererĩ bawe abahanabo batoke erisuba ukʼuwe, kandi mobakola ebĩtsũmĩ binene.

Nehemĩa 9:26 Iomraidhean Croise

1 Abami 14:9

Nĩkwa wabirikola ebibi kwilaba abosĩ ababya embere syawe, wabiriyayĩkokoterya esindi nyamuhanga nʼesyosanamu syʼerĩnũnĩa, erĩnyĩhĩtanĩa, kandi wabirinyigusa enyũma syawe.

1 Abami 18:13

Omukama wage mutabwirwa ebyo nakola omugulu Yezebelĩ ĩta abamĩnyererĩ bʼOmwami Mukulu kwehĩ, ngoko nabĩsa abamĩnyererĩ bʼOmwami Mukulu abandu erĩgana, mo makũmĩ atanu-atanu omo mwangalũ, kandi monahabo akalyo nʼamagetsi.

1 Abami 18:4

kusangwa omugulu Yezebele ĩta abamĩnyererĩ bʼOmwami Mukulu, Obadĩa mwatwala abamĩnyererĩ erĩgana mwabĩsabo mo makũmĩ atanu-atanu omo mwangalũ, mwalĩsyabo akalyo nʼamagetsi.

1 Abami 19:10

Naye mwabũga ati, Nabiribya nʼobũha bunene busana nʼOmwami Mukulu, Nyamuhanga Wʼemilondo; kusangwa abana ba Ĩsraelĩ babĩrĩsĩganĩa endagano yawe, nʼerĩterya ebiherero byawe, nʼerĩĩta abamĩnyererĩ bawe bʼomo mũyalĩ; nage, ĩngye nyĩkĩnasĩya; kandi bakasondaya engebe yage erĩnyĩta.

2 Abami 21:10

Neryo Omwami Mukulu mwabũga nʼabagombe buwe, abamĩnyererĩ ati,

2 Abami 21:11

Kusangwa Manase omwami wʼAbayũda abirikola esyonye singaha, iniabirikola nabi kwilaba ebyo Abaamorĩ bakola, ababya embere siwe, kandi abĩrĩkosesya Yũda omo syosanamu siwe.

2 Emyatsi yʼEmigulu 36:16

Nĩkwa mobasekererya abakwenda ba Nyamuhanga, nʼeripona ebĩnywa biwe, nʼerĩsekererya abamĩnyererĩ buwe, erĩhĩka aho erihitana lyʼOmwami Mukulu lyakala oko bandu buwe, erĩhĩka ahate mulamo.

Nehemĩa 9:18

Ega, omugulu bayĩkokoteraya ekyana kyʼende kyʼerĩnũnĩbwa, nʼerĩbũga bati, Oyũ ni Nyamuhanga wawe oyo wakũlũsaya eMĩsĩrĩ, ibabirikola ebĩtsũmĩ binene;

Nehemĩa 9:29

Kandi mowahanabo, iwatoka erĩsũbyabo kandi oko migambo yawe. Nĩkwa mobakola omwʼĩyĩhamya, mobatahulikirira erihana lyawe, nĩkwa mobakola nabi oko nzwere syawe esyo mundu amakolasyo iniabyaho musyo, mobasumba ebitigo, nʼerĩkalya ebĩkya byabo, mobatanza erĩowa.

Nehemĩa 9:30

Nĩkwa mowalindabo emyaka mingi nʼerihanabo omo Mũlĩmũ wawe omo bamĩnyererĩ bawe; nĩkwa mobatanza eritega matwĩ. Busana nʼekyo mowahĩrabo omo byala byʼebihanda byʼebihugo.

Esyonyimbo 50:17

Kusangwa sĩwanzĩre ngakukunga; Kandi ũkanyĩlolaya kwʼomugongo omugulu ngabũga.

Yeremĩa 16:11

Neryo wasyabũga nabo uti, Omwami Mukulu ati, Ni busana nʼabotata wenyũ erĩnyĩsĩganĩa, nʼerikwama esindi nyamuhanga, nʼerikolerasyo, nʼerĩũnamirasyo, ĩbanyĩsĩganĩa, kandi sibetakwama emigambo yage.

Yeremĩa 2:30

Mongaswĩrĩraya bagala bawe bo busa. Mobatalĩga erikungwa. Omũyalĩ wenyũ abĩrĩĩta abamĩnyererĩ benyũ, ngʼendale eyĩkaheraya.

Yeremĩa 2:7

Kandi monabakolya omo kihugo kyʼebĩgũma, nyiti mulye bĩgũma byakyo, nʼobubuya bwakyo. Nĩkwa omugulu mwingira mukyo, momwatsandya ekihugo kyage, nʼomwandu wage momwayirago mo nye.

Yeremĩa 32:23

Nabo mobingira mukyo, mobasĩgalyakyo, nĩkwa mobatakenga omulenge wawe, kutse erirendera omo mugambo wawe. Sibetakola ekĩnywa nʼekiguma omo byosĩ ebyo wahanabo erikola. Busana nʼekyo wabirireta erĩkwa erĩ ryosĩ kubo.

Yeremĩa 42:19

Ĩnywe basĩgalira bʼeYũda, Omwami Mukulu abĩrĩbũga busana nenyũ ati, Simuye eMĩsĩrĩ. Muminye kwenene ngoko nabĩrĩbatũlĩrago mũnabwĩre.

Ekiriro 3:42

Twabĩrĩhalya twabirihona. Nawe sulitatubuyira.

Ezekĩelĩ 20:21

Nĩkwa abana mobanyihonako. Mobatalendera omo bihano byage, kutse mobatabika eritswera lyage, erikolabyo, omundu amakolabyo iniabyaho. Mobatsuma esyo Sabato syage. Neryo monabũga nyiti ngandĩũtũlĩra kubo erihitana lyage, erĩberererya erihitana lyage lyo kubo omo mbwarara.

Matayo 21:35

Abalĩmĩ abo mobahamba abakobe buwe, mobaswĩrya omuguma, mobĩta ogundi, kandi ogundi mobamũswĩrya amabwe.

Emibiri 7:52

Nindi oko bamĩnyererĩ oyo aboso-kulu wenyũ batendereraya kwehĩ? Kandi mobĩta abakwenda abatũla omwatsi wʼerĩhĩka lyʼOyutunganene. Na lino ĩnywe mwabirihotera oyo nʼerĩmwĩta.

Eryibuka Ebihano 32:14

Olukoko lwʼamasabũ wʼende, nʼamasabũ wʼesyombũlĩ Haguma nʼebĩsabũ byʼehyana hyʼembũlĩ, Nʼesyombangale syʼomuhanda wʼeBasanĩ, nʼesyombene-hene, Haguma nʼengano nyibuya; Kandi momwapũlya ebĩnyũ, byʼomusasi wʼebĩgũma byʼebĩnyũ.

Eryibuka Ebihano 32:15

Nĩkwa Yesũrũnĩ mwaneneha, mwalyata omwĩse. Mwabirineneha, mwabiritunahala, mwamatendera; Neryo mwasĩganĩa Nyamuhanga oyo wamũkengeregesanaya, Mwaserembula Erĩbwe ryʼerilama liwe.

Abatswerĩ 10:6

Kandi abana ba Ĩsraelĩ mobaswakola ebibi omo meso wʼOmwami Mukulu, mobakolera esyo Balĩ na Astarotĩ, nʼesyonyamuhanga syʼeSĩrĩa nʼesyonyamuhanga syʼeSĩdona, nʼesyonyamuhanga syʼeMoabũ; nʼesyonyamuhanga syʼabana ba Amonĩ, nʼesyonyamuhanga syʼAbafĩlĩstĩnĩ mobasĩganĩa Omwami Mukulu, mobatamukolera.