Nehemĩa 9:23 - AMASAKO ABOYTRTRE WA NYAMUHANGA AWAKAHULAWA MO BIBLIA

²³ Mowakanyĩsĩsya abana babo ngʼesyongũnũnũ syʼomo kyanya, mowaletabo omo kihugo ekyo wabwira abotata wabo, uti basyingiramo nʼerĩsĩgalyakyo.

Nehemĩa 9:23 Iomraidhean Croise

Enzũko 12:7

Neryo Omwami Mukulu mwahulukira Abramu, mwabũga ati, Oko lubuto lwawe nasyahabo ekihugo ekĩ. Neryo mwahĩmbaho ekiherero oko Mwami Mukulu, oyo wamuhulukako.

Enzũko 15:18

Oko kiro ekyo Omwami Mukulu mwayira endagane na Abramu ati, Nasyaha ekihugo ekĩ oko bana bawe erĩtsũka oko lũsĩ lwʼeMĩsĩrĩ erĩhĩka oko lũsĩ lunene lwʼeEfũratĩ.

Enzũko 15:5

Neryo Nyamuhanga mwamũhũlũkĩrya eyĩhya mwabũga ati, Ũlebaye omo kyanya, uganze esyongũnũnũ, wamabya wanganatoka eriganzasyo. Neryo mwabũga naye ati, Abana bawe ko basyabya batya.

Enzũko 17:8

Kandi nasyakuha, nʼoko bana bawe enyũma wawe, ekihugo ekyo wabirirenderamo mo mubunga, ekihugo kyosĩ kyʼeKanana, eribya bũsokĩ bwawe bwa kera na kera, nage nasyabya Nyamuhanga wabo.

Enzũko 22:17

Omwʼitsumula ngandisyakutsumula, nʼomwʼikanya nasyakanyĩrĩrya abana bawe ngʼesyongũnũnũ esiri omo kyanya, kandi ngʼemisege yʼoko mũsĩke wʼengetsi. Kandi abana bawe basyasĩgalya olũkyo lwʼesyonzĩgũ syabo.

Enzũko 26:3

Ubunge omo kihugo ekĩ, nage nasyabya haguma nawe, nʼerikutsumula, kusangwa ukʼuwe nʼoko bana bawe nasyabaha ebihugo byosĩ ebĩ, kandi nasyahanganĩa erĩlahĩrya eryo nalahĩraya uku tata wawe Abrahamũ.

1 Emyatsi yʼEmigulu 27:23

Nĩkwa Dawĩdĩ mwataganza abʼemyaka makũmĩ abiri nʼabalere kwʼaho, kusangwa Omwami Mukulu mwabũga ati, asyakanyĩa Ĩsraelĩ ngʼesyongũnũnũ syʼekyanya.

Erĩlũayo 1:12

Nĩkwa ngʼolulengo bagalayabo ko banakanya batya nʼerikanyirira ehosĩ. Mobagalirwa busana nʼabandu ba Ĩsraelĩ.

Erĩlũayo 1:7

Nʼabana ba Ĩsraelĩ mobabuta-bũtanĩa, mobakanya kutsibu, nʼerikanyirira, mobabya nʼamaka kutsibu; kandi mobabuga-bugana omo kihugo ekyo.

Eryibuka Ebihano 28:62

Nenyũ mwasyasĩgalira mo bake okwʼiganza, nomo mwanabya bangi ngʼesyongũnũnũ syʼomo kyanya; kusangwa momutahulikirira omulenge wʼOmwami Mukulu Nyamuhanga wenyũ.