Nehemĩa 9:15 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁵ Mowahabo akalyo kakalũa elubula busana nʼenzala yabo, kandi mowahũlũkya amagetsi busana nabo akalũa omwʼĩbwe busana nʼenyota yabo, kandi mowahamulabo uti bingire erĩsĩgalya ekihugo ekyo walahĩraya erihabo.

Nehemĩa 9:15 Iomraidhean Croise

Enzũko 14:22

Nĩkwa Abramu mwabuga nʼomwami wʼeSodomo ati, Nabirisumba ebyala byage oko Mwami Mukulu, Nyamuhanga Wʼendata Kutsibu, Omũhangĩkĩ wʼolubula nʼekihugo.

Nehemĩa 9:20

Mowahabo Omũlĩmũ wawe mubuya erĩkangĩrĩryabo, mutetĩmabo amana wawe omo muno wabo, kandi mowahabo amagetsi busana nʼenyota yabo.

Esyonyimbo 114:8

Oyo wabindula amabwe eribya bitsinga byʼamagetsi, Oyo wabindula olukuka mwʼĩsoko esikasenda mwʼamagetsi.

Erĩlũayo 16:4

Neryo Omwami Mukulu mwabwira Musa ati, Lebaya, ngandĩbũtũlĩra amandu erĩlũa elubula; nʼabandu basyayakuma-kuma obuli kiro erĩgabo lyʼekiro ekyo, inatoka erirengabo, nga basyalendera omo bihano byage kutse iyihi.

Erĩlũayo 17:3

Nĩkwa abandu mobakwa enyota, nʼabandu mobatonga Musa bati, Busana nakĩ watũhetũkaya erĩlũa eMĩsĩrĩ, erĩtwĩta nʼabana betu, nʼesyonyama syetu omo nyota kwehĩ?

Erĩlũayo 17:6

Lebaya, ngandyimana embere syawe okwʼĩbwe eHorebũ; nawe ũkandĩswĩrya erĩbwe, nʼamagetsi akandihuluka mulyo, abandu batoke erĩpũlya. Na Musa mwakola atya omo meso wʼabakulu ba Ĩsraelĩ.

Erĩlũayo 6:8

Nage nasyabaleta omo kihugo ekyo nalahĩraya erihakyo uku Abrahamũ, na Ĩsaka, na Yakobo; kandi nasyabahakyo eribya mwandu wenyũ; ĩngye indi Mwami Mukulu.

Ĩsaya 48:21

Mobatakwa nyota omugulu asondolabo omo mbwarara. Mwahũlũkya amagetsi omwʼĩbwe erisenda busana nabo. Mwatula erĩbwe, nʼamagetsi mwahuluka nʼamaka.

Yeremĩa 32:23

Nabo mobingira mukyo, mobasĩgalyakyo, nĩkwa mobatakenga omulenge wawe, kutse erirendera omo mugambo wawe. Sibetakola ekĩnywa nʼekiguma omo byosĩ ebyo wahanabo erikola. Busana nʼekyo wabirireta erĩkwa erĩ ryosĩ kubo.

Ezekĩelĩ 20:15

Kandi monalahĩrĩryabo omo mbwarara nyiti sindiendiretabo omo kihugo ekyo nahabo, ekikasononoka mwʼamasabũ nʼobuki, nakyo ni ʼpipa lyʼebihugo byosĩ,

Emiganzo 14:30

kwenene sĩmwendĩsyahĩka omo kihugo ekyo nalahĩraya busana nakyo nyiti nasyabĩkalya mukyo, nina Kalebũ musa, mugala wa Yefũne, na Yosũa mugala wa Nũnĩ.

Eryibuka Ebihano 1:21

Lebaya, Omwami Mukulu Nyamuhanga wenyũ abĩrĩhĩra ekihugo embere syenyũ; muhetuke, mwĩmayekyo, ngoko Mwami Mukulu, Nyamuhanga wʼaboso-kulu wenyũ, abĩrĩbũga nenyũ. Simubahe, kutse sĩmũhahũkaye emitima.

Eryibuka Ebihano 1:8

Mũlebaye, nabĩrĩhĩra ekihugo embere syenyũ; muyemo mwĩmaye ekihugo ekyo Mwami Mukulu alahĩrĩraya abotata wenyũ, Abrahamũ, na Ĩsaka, na Yakobo eriha kyobo nʼoko bana babo enyũma kubo.

Eryibuka Ebihano 8:3

Kandi mwabakehya, kandi mwabĩta enzala, kandi mwabalĩsya amana, ago mutabya mwasĩ, kutse abotata-kulu wenyũ batabya basĩ; neryo iniatoka erĩbamĩnyĩsya omundu kwʼatekota busana nʼobundu busa, nĩkwa omundu akakota busana nʼobuli kĩnywa ekĩkalũa omo buno bwʼomwami Mukulu.