Nehemĩa 9:14 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁴ Mowamĩnyĩsyabo eSabato yawe ĩbũyĩrĩre, nʼeritegekerabo, ebihano, nʼamahamulo nʼemigambo, omo byala bya Musa omugombe wawe.

Nehemĩa 9:14 Iomraidhean Croise

Enzũko 2:3

Neryo Nyamuhanga mwatsumula ekiro kyʼebirinda, mwayirakyo mo kĩbũyĩrĩre; kusangwa mwaluhuka mukyo oko mĩbĩrĩ yiwe yosĩ eyo abya abirihangika nʼerikola.

Nehemĩa 1:8

Ngakulemba, Wibuke ekĩnywa ekyo wahana omugombe wawe Musa, uti, Mwamanyĩsĩganĩa, nasyabapanzapanza omo bihanda.

Nehemĩa 10:32

Kandi motwalĩga eririha, obuli mwaka embindi nguma yʼakasatu yʼesekelĩ busana nʼomũbĩrĩ wʼenyũmba ya Nyamuhanga wetu;

Erĩlũayo 16:23

Naye mwabwirabo ati, Ekĩ kye kyo Mwami Mukulu abũga ati, Omo ngyakya ni ʼluhuka lyʼeSabato, mũhũke ebyo mũkandĩhũka; nʼebyosĩ ebikasaka muyibikire erĩhĩka omo ngyakya.

Erĩlũayo 16:29

Mũlebaye ko Mwami Mukulu abiribaha eSabato, busana nʼekyo akabaha oko kiro kyʼendatu obundu bwʼebiro bibiri; mwĩkale obuli mundu aho wuwe, Sihabye mundu oyũkalũa aho wuwe ekiro kyʼebirinda.

Erĩlũayo 24:12

Neryo Omwami Mukulu mwabũga na Musa ati, Ũnyegaye endata eno oko kitwa, ubyeho; nage ngandikuha ebisayi byʼamabwe haguma nʼemigambo, nʼebihano, ebyo nabirisaka, iwatoka erĩkangĩrĩryabyo.

Ezekĩelĩ 20:11

Kandi monahabo ebihano byage, nʼerĩkangyabo eritswera lyage, eryo mundu amakolalyo, iniabyaho.

Ezekĩelĩ 20:12

Kandi monahabo esyo Sabato syage nibya eribya kiminyikalo omo katĩkatĩ kabo nage, ibatoka eriminya ko ndi Mwami Mukulu oyukahigulabo.

Ezekĩelĩ 20:20

Mukenge esyo Sabato syage. Nasyo syasyabya kiminyikalo omo katĩkatĩ kenyũ nage, imwatoka eriminya ko ndi Mwami Mukulu Nyamuhanga wenyũ.

Abalawĩ 19:3

Obuli mundu asyakenga nyĩnya wuwe nʼĩse wuwe; mwasyateya esyo Sabato syage; Ĩngye indi Mwami Mukulu Nyamuhanga wenyũ.

Abalawĩ 27:34

Ebĩ ni bihano ebyo Mwami Mukulu ahana Musa busana nʼabana ba Ĩsraelĩ omo kitwa kyʼeSĩnaĩ.

Yoane 1:17

Kusangwa Nyamuhanga mwaha Musa Emigambo, nĩkwa olukogo nʼekwenene, Yesu Kristo yo waletabyo.

Eryibuka Ebihano 4:45

Erĩ nĩ ʼtũlago, nʼemigambo, nʼebilayiro ebyo Musa abwira abana ba Ĩsraelĩ, omugulu balũa eMĩsĩrĩ,

Eryibuka Ebihano 4:5

Lebaya, nabĩrĩbakangĩrĩrya emigambo nʼeritswera, ngoko Mwami Mukulu Nyamuhanga wage anyihana, imwatoka erikola mutya omo kihugo ekyo mukayamo erĩsĩgalyakyo.

Eryibuka Ebihano 5:31

Nĩkwa uwe uhangane hano oko mũsĩke wage, nage inatoka erikubwira ebihano byosĩ, nʼemigambo yosĩ, nʼeritswera lyosĩ, ebyo wasĩgĩsyabo, ibatoka erikolabyo omo kihugo ekyo ngahabo erĩsĩgalyakyo.