Nehemĩa 9:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Kandi omo ndũyĩ yʼekĩtũ mowasondolabo omo musibo; nʼomo ndũyĩ yʼomuliro omo kiro, erihabo ekyakakala omo nzira eyabya itolere bakalenderamo.

Nehemĩa 9:12 Iomraidhean Croise

Nehemĩa 9:19

nĩkwa Uwe, omwʼiganyira lyawe lĩnene, mutetasĩgabo omo mbwarara; endũyĩ yʼekĩtũ moyĩtetalũa kubo omo musibo, erisondolabo omo nzira; kutse endũyĩ yʼomuliro omo kiro, erĩkoleryabo ekyakakala, busana nʼenzira eyo bangalenderamo.

Esyonyimbo 105:39

Mwahĩra ekĩtũ endata oko bandu buwe, Nʼomuliro erĩkoleryabo omo kiro.

Esyonyimbo 107:7

Mwasondolabo nʼerĩhũlũkyabo, Erĩkolyabo oko mũyĩ wʼabandu.

Esyonyimbo 143:8

Ngayiketera we; ũnyĩbũkaye olwanzo lwawe olutyusa omo ngyakyangyakya; Erisaba lyage likahetukira ukʼuwe; Ũnyĩkangaye enzira nangalenderamo.

Esyonyimbo 78:14

Omo musibo mwasondolabo omo kĩtũ, Kandi omo kiro kyosĩ mwasondolabo omo kyakakala kyʼomuliro.

Erĩlũayo 15:13

Omo bubuya bwawe bʼolwanzo mowasondola abandu abo watongolaya; Mowasondolabo omo maka wawe oko habũyĩrĩre hʼerĩĩkala lyawe.

Ezekĩelĩ 20:6

Oko kiro ekyo nalahĩrĩrayabo, erĩlũsyabo omo kihugo kyʼeMĩsĩrĩ eriretabo omo kihugo ekyo nayisoga busana nabo, ekikasononoka mwʼamasabũ nʼobuki, ekikakanga oko bihugo byosĩ.

Emiganzo 9:16

Mokyabya kitya ebiro byosĩ; ekĩtũ mokyayibamba kuho omo musibo, nʼekĩsosekanĩo kyʼomuliro omo kiro.

Emiganzo 9:21

Nʼoko yindi migulu ekĩtũ kyamabyaho erĩtsũka omwʼĩgolo-golo erĩhĩka omo ngyakya; omugulu ekĩtũ kyasumbawa omo ngyakya, mobahongoka; kutse kyamabyaho omo musibo nʼomo kiro, omugulu ekĩtũ kyasumbawa, mobahongoka.

Eryibuka Ebihano 1:33

oyo wababera embere omo nzira, eribasondera omwanya wʼerihanda amahema wenyũ. Omo kiro iniakabasondola omo muliro, nʼomo musibo iniakabasondola omo kĩtũ nʼerĩbakangya enzira eyo mwangalabamo.