Nehemĩa 9:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo oko kiro kyʼamakũmĩ abiri nʼebini kyʼomukera oyo, abana ba Ĩsraelĩ babya ĩbamabĩhĩndana nʼeritsira akalyo, nʼeriambala emisarandwe, nʼerĩhĩra omutaka gʼoko mitwe yabo.

Nehemĩa 9:1 Iomraidhean Croise

2 Samwelĩ 1:2

Oko kiro kyʼakasatu, lebaya, omundu mwalũa omo kilaliriro kya Saũlo, nʼesyongimba ĩsĩtũlangĩkĩre, nʼerĩtaka oko mutwe wuwe; neryo abere ahĩka eyiri Dawĩdĩ, mwawa ahisi, mwamũnamira.

2 Emyatsi yʼEmigulu 20:3

Na Yosafatĩ mubaha, mwayĩhĩra okwʼisonda-sonda Omwami Mukulu; neryo mwahamula ati batsire erirya akalyo eYũda hosĩ.

2 Emyatsi yʼEmigulu 7:10

Nʼoko kiro kyʼamakũmĩ abiri nʼebisatu oko mukera wʼakalinda, mwakũlũkya abandu eriya ewabo, ĩbatsemĩre nʼeritsanga lyʼomutima busana nʼebibuya ebyo Mwami, Mukulu akangaya Dawĩdĩ, na Solomono, nʼabandu buwe Abaĩsraelĩ.

Ezera 8:21

Neryo monahĩra eritsira kalyo aho, oko lũsĩ Ahava, itwatoka erĩyĩkehya embere sya Nyamuhanga wetu, nʼerĩmũsondya kwʼenzira itunganene busana netu, na busana nʼabana betu, na busana nʼebindu byetu byosĩ.

Ezera 8:23

Neryo motwatsira akalyo nʼerisaba Nyamuhanga wetu busana nʼekĩ, naye mwahulikirira erilaka lyetu.

Nehemĩa 8:2

Nʼomũhererĩ Ezera mwaleta Emigambo embere syʼendeko yʼabalume nʼabakalĩ, nʼabosĩ abatoka erĩowa nʼeriminya, oko kiro kyʼerĩtsũka kyʼomukera wʼakalinda.

Esĩterĩ 4:16

Ugende, ũhĩndanaye Abayũda bosĩ abali eSũsa, mutsire akalyo busana nage, simulye kutse erĩpũlya oko biro bisatu omo musibo nʼomo kiro; nage nʼabana-bato bage tukanditsira akalyo tutya; neryo ko nasyaya nyitya eyiri omwami, erite ngʼemigambo; neryo namahola, inahola.

Esĩterĩ 4:3

Nʼomo buli kihugo eyo ekihano kyʼOmwami nʼerihamula liwe byahĩka, mohabya ekiriro kinene omo katĩkatĩ kʼAbayũda, nʼeritsira akalyo nʼerĩsekemũka nʼeririra; nʼabangi mobagotsera oko misarandwe nʼeriyihakako erĩbũ.

Yobũ 2:12

Neryo babere bakine hali; mobalangira Yobũ, nĩkwa mobatamuminya, mobasumba emirenge yabo, mobalira; mobasatya obuli mundu ekanzu yiwe, mobalagalĩrya olũtũtũ oko mitwe yabo erĩlolyalo omo kyanya.

Ĩsaya 22:12

Neryo oko kiro ekyo Omukama, Omwami Mukulu wʼemilondo, mwababirikira eririra, nʼerĩsũsũmana, nʼerĩsĩsa omutwe, nʼeriambala emisarandwe.

Yoelĩ 2:12

Omwami Mukulu ati, Kutse na lino, munyibindukire nʼemitima yenyũ yosĩ, nʼeritsira akalyo, nʼeririra, nʼerĩsũsũmana.

Abalawĩ 23:34

Ubwire abandu ba Ĩsraelĩ uti, Oko kiro kyʼerĩkũmĩ nʼebitanu kyʼomukera oyũ wʼakalinda ni kiro kikulu kyʼEbitalikirire oko biro birinda busana nʼOmwami Mukulu.

Abalawĩ 23:39

Nĩkwa oko kiro kyʼerĩkũmĩ nʼebitanu kyʼomukera wʼeyirinda, omugulu mukahulula ebĩgũma byʼekitaka, mwasyateya ebiro bikulu byʼOmwami Mukulu ebiro birinda; oko kiro kyʼerĩtsũka kyasyabya eriluhuka, nʼoko kiro kyʼomunani kyasyabya ekiro kyʼeriluhuka.

Yosũa 7:6

Na Yosũa mwasatangya esyongimba siwe, mwatũlama ahisi oko bũsũ buwe embere wʼerĩsandũko lyʼOmwami Mukulu erĩhĩka omwʼĩgolo-golo, iyenʼabakulu ba Ĩsraelĩ; mobahĩra omukunga omo mitwe yabo.

Eribisurirwa 11:3

Nage nasyaha abalangĩrĩ bage babiri ehamũlĩ, nabo basyatũla omwatsi wa Nyamuhanga ebiro elfu nguma nʼamagana abiri nʼamakũmĩ ndatu (1,260), ibambite emisarandwe.

Abatswerĩ 20:26

Neryo abana ba Ĩsraelĩ bosĩ, nʼabandu bosĩ mobahetuka erĩhĩka eBetelĩ, mobalira, mobĩkalaho embere syʼOmwami Mukulu, mobatsira akalyo ekiro ekyo erĩhĩka omwʼĩgolo-golo; mobahonga amahere wʼerĩokererya nʼamahere wʼobuholo embere syʼOmwami Mukulu.

1 Samwelĩ 4:12

Neryo omundu wa Benyamĩna mwatibita akalũa omo mulondo, mwahĩka eSĩlo ekiro ekyo kisa-kisa, nʼesyongimba siwe ĩsĩsatangĩrye nʼolũtũtũ oko mutwe wuwe.

1 Samwelĩ 7:6

Neryo mobahĩndana eMĩsĩpa, mobateha magetsi, mobũtago embere syʼOmwami Mukulu, nʼekiro ekyo mobatsira akalyo mobabũga bati, Twabĩrĩhalya oko Mwami Mukulu. Na Samwelĩ mwatswera abana ba Ĩsraelĩ eMĩsĩpa.