Nehemĩa 8:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Neryo Nehemĩa, oyo wabya mũtabalĩ mukulu, nʼomũhererĩ Ezera omũhandĩkĩ, nʼAbalawĩ abĩgĩsaya abandu, mobabwira bandu bosĩ bati, Ekiro kino kĩbũyĩrĩre oko Mwami Mukulu Nyamuhanga wenyũ; sĩmũsũsũmane, simulire. Kusangwa abandu bosĩ mobalira, omugulu bowa ebĩnywa byʼemigambo.

Nehemĩa 8:9 Iomraidhean Croise

2 Abami 22:11

Neryo omwami abere abĩowa ebĩnywa byʼekitabu ekyo kyʼemigambo, mwasatangya esyongimba siwe.

2 Abami 22:19

kusangwa omutima wawe abya molo, kandi mowayĩkehĩrye embere syʼOmwami Mukulu omugulu gowa ebyo nabũga busana na hano, na busana nʼesyondũlanĩ syaho, ngoko hasyabya kĩma, nʼeritakira, kandi wabĩrĩsatangya esyongimba syawe, nʼeririra embere syage; Omwami Mukulu ati, Namakowa.

2 Emyatsi yʼEmigulu 15:3

Nĩkwa oko mugulu muli Abaĩsraelĩ babya butsira Nyamuhanga wa kwenene, na butsira mũhererĩ wʼerĩkangĩrĩrya, isibawite migambo.

2 Emyatsi yʼEmigulu 30:22

Na Hezekĩa mwabũga ebĩnywa byʼerĩsĩkya emitima yʼAbalawĩ bosĩ ababya nʼeriminya lyowene omo myatsi yʼOmwami Mukulu. Omo biro birinda mobalya okwʼirya ĩnene ko batya, ibakahera esyohongo syʼamahere wʼobuholo nʼeriha ewasĩngya oko Mwami Mukulu, Nyamuhanga wʼabotata wabo.

2 Emyatsi yʼEmigulu 34:19

Neryo omugulu omwami owa ebĩnywa byʼemigambo, mwatulanga esyongimba siwe.

2 Emyatsi yʼEmigulu 34:21

Mugende, mũbũlaye Omwami Mukulu busana nage, na busana nʼabo basĩgala eĨsraelĩ, nʼeYũda, busana nʼebĩnywa byʼekitabu ekyabanika; kusangwa erihitana lyʼOmwami Mukulu nĩ rĩnene eryamũtũlĩrwa ũkwʼĩtwe, kusangwa abotata wetu mobatateya ekĩnywa kyʼOmwami Mukulu erikola ngʼebyosĩ ebĩsakĩre omo kitabu ekĩ.

2 Emyatsi yʼEmigulu 35:3

Neryo mwabwira Abalawĩ abakangĩrĩraya Ĩsraelĩ bosĩ, ababya babũyĩrĩre busana nʼOmwami Mukulu, ati, Mũhĩre erĩsandũko lĩbũyĩrĩre omo nyũmba eyo Solomono mugala wa Dawĩdĩ omwami wa Ĩsraelĩ ahĩmba; simwendisyaswabya nʼomuheke oko bitigo byenyũ. Lino mukolere Nyamuhanga wenyũ, nʼabandu buwe Ĩsraelĩ.

Ezera 2:63

Nʼomũtabalĩ mwabwirabo ati sibalye oko bindu ebĩbũyĩrĩre kutsibu, erĩhĩkĩra aho mũhererĩ asyahangana oyuli na Ũrĩmũ na Tũmĩmũ.

Ezera 7:11

Neryo ekĩ nĩ kĩsosekanĩo kyʼebarua eyo mwami Artasasta aha Ezera omũhererĩ, omũhandĩkĩ, oyo wiga ebĩnywa byʼebihano byʼOmwami Mukulu, nʼemigambo yiwe uku Ĩsraelĩ.

Nehemĩa 10:1

Neryo oko barua eyo eyahĩrawa kwʼekĩmĩnyĩsyo: habya amena aya: Nehemĩa omũtabalĩ mukulu, mugala wa Hakalĩa, na Zedekĩa,

Nehemĩa 12:26

Aba babya omo biro bya Yoyakĩmũ mugala wa Yosũa, mugala wa Yozadakĩ, omo biro bya Nehemĩa, omũtabalĩ mukulu, nʼebya Ezera omũhererĩ nʼomũhandĩkĩ.

Nehemĩa 7:65

Nʼomũtabalĩ mwabwirabo ati, sibalye oko bindu bĩbũyĩrĩre kutsibu erĩhĩka aho mũhererĩ asyahanganira oyuli na Ũrĩmũ na Tũmĩmũ.

Nehemĩa 7:70

Nʼabandi bʼoko bakulu bʼebĩtũnga byʼabotata-kulu mobahĩtya esyonzũnzo busana nʼomũbĩrĩ. Nʼomũtabalĩ mukulu mwaha oko mbĩso yʼebindu ebitswe byʼesyamagetsi ebikahulawa mo esyodalĩkĩ syʼesyamagetsi elfu nguma (1,000), nʼebibindi makũmĩ atanu (50), nʼesyongimba syʼabahererĩ amagana atanu nʼamakũmĩ asatu (530).

Nehemĩa 8:2

Nʼomũhererĩ Ezera mwaleta Emigambo embere syʼendeko yʼabalume nʼabakalĩ, nʼabosĩ abatoka erĩowa nʼeriminya, oko kiro kyʼerĩtsũka kyʼomukera wʼakalinda.

Omũgambũlĩ 3:4

Omugulu wʼerĩtogongya emĩsonĩa, nʼomugulu wʼeriseka. Omugulu wʼeririra, nʼomugulu wʼerisata.

Ĩsaya 61:3

eriha abandu abakalirira eSĩonĩ, erihabo omusanga wʼeriambala omo mwanya wʼerĩbũ, nʼamagũta wʼobutseme omo mwanya wʼeririra, nʼolukimba lwʼeripipa omo mwanya wʼekĩrimũ kikalembera. Ibabana eriahulwa mo miti yʼeterebĩntĩ yʼeritunganene, eyaherawa nʼOmwami Mukulu, atoke erikengwa.

Hosea 4:6

Abandu bage bamaherĩbwa eribula eriminya. Kusangwa wabirigana eriminya, nage nasyakugana nibya, eribya mũhererĩ wage. Kusangwa wabiribirirwa emigambo ya Nyamuhanga wawe, nasyibirirwa abana bawe nibya.

Abalawĩ 23:24

Ubwire abandu ba Ĩsraelĩ uti, Omo mukera wʼakalinda oko kiro kyʼerĩtsũka omukera, kyasyabya eriluhuka busana nenyũ, ekĩbũkyo kyʼeribuha esyongubi, erĩhĩndana lĩbũyĩrĩre.

Malakĩ 2:13

Kandi ekĩ ni kindi ekyo mukakola: mukaswika ekiherero kyʼOmwami Mukulu omo mĩsonĩa, nʼeririra, nʼerihumulikana, kusangwa siakilangira obuhere, kutse erĩrĩgabo ndeke omo byala byenyũ.

AbanyaRoma 3:20

Kusangwa sihali mundu oyo wasyatũngananĩbwa embere sya Nyamuhanga busana nʼerikola Emigambo. Kusangwa Emigambo ĩkamĩnyĩsaya abandu ko bakakola nabi.

AbanyaRoma 7:9

Nage nabyaho nyite oko Migambo; nĩkwa omugulu ekihano kyahĩka ebibi mobyasuba, nage monahola.

Eryibuka Ebihano 12:12

Kandi mwasya­tsema embere syʼOmwami Mukulu Nyamuhanga wenyũ, ĩnywe, nʼabagala benyũ nʼabali benyũ, nʼabagombe benyũ bʼobulume, nʼabagombe benyũ bʼobũ­kalĩ, nʼOmũlawĩ oyuli omo syongyo syenyũ, kusangwa siawite erĩgabo kutse omwandu haguma nenyũ.

Eryibuka Ebihano 12:7

Nʼaho ho mwasyalira embere syʼOmwami Mukulu Nyamuhanga wenyũ, kandi mwasyatsemera ebyosĩ mukakola omo byala byenyũ, Ĩnywe nʼebĩtũnga byenyũ, omo ebyo Mwami Mukulu abiribatsumulira.

Eryibuka Ebihano 16:11

Kandi mwasyatsema embere syʼOmwami Mukulu Nyamuhanga wenyũ, uwe, na mugala wawe, na mwali wawe, nʼomugombe wawe wʼobulume, nʼomugombe wawe wʼobũkalĩ, nʼOmũlawĩ oyuli omo butala bwenyũ, nʼowʼehandi, nʼengũbĩ, nʼomũkwakalĩ, abali omo katĩkatĩ kenyũ, aho Mwami Mukulu asyayisoga, erĩhĩra erĩna liwe ryʼaho.

Eryibuka Ebihano 26:14

Sinditalya kubyo omwʼĩsũsũmana lyage, kutse sĩndĩtalũsya kubyo inyine mũtsandĩrya, kutse eriherera kubyo busana nʼabaholĩ. Nabirihulikirira omulenge wʼOmwami Mukulu Nyamuhanga wage; nabirikola ebyosĩ ebyo wabirinyihana.

Yakobo 4:9

Mũkwe obũlĩge, mũsũsũmane, mulire: eriseka lyenyũ libinduke mwʼĩsũsũmana, nʼobutseme bwenyũ bubinduke mo ngitsi.